روايه زوجي معاق الفصل الرابع بقلم شيماء طارق حصريه وجديده

اعتبريني زي اخوك باينه على حضرتك اللي في مشكله ممكن تقولي لي ايه اللي حصل!
منى ما كانتش عارفه تعمل ايه كانت محروجه جدا تقول له على اللي شافيته في الفيديو او على اللي احمد عمله ما كانش قادره ترفع عينيها وتقول رغم انها ما عملتش اي حاجه غلط بس الموقف نفسه مش كويس.
ايمن حاول يطمنها وقال لها ما تخافيش لو في اي حاجه عرفيني انت زي اختي وانا هنا علشانك ممكن تقولي لي ايه اللي حصل
منى اديته التليفون لايمن وهي حاطه وشها في الارض ومكسوفه!
ايمن بعصبيه مفرطه ايه ده مين اللي عمل كده
منى بحزناحمد صاحب مراد هو بقى له فتره عايزني اسيب مراد علشان يتجوزني وانا رفضته كذا مره وهو برده مصمم وانا بجد مش عارفه اعمل ايه انا تعبت انا كنت محتاجه مراد دلوقتي
كملت منى باڼهيار وقالت مراد مش هنا هو كان هيقدر يتصرف انا مش عارفه اعمل ايه !
ايمن بهدوء وحاول ان هو يطمنها مراد مش هنا بس اخوكي هنا هات التليفون ده وانا هتصرف وانا هجيبلك تليفون غيره ولو سمحت هاتي شنطه هدومك وتعالي معايا تقعدي مع زوجتي واولادي لحد ما مراد يرجع لان ما ينفعش تقعدي هنا لوحدك!
مني برفضبس مش هينفع لازما اعرف مراد الاول قبل مخرج من باب الشقه
ايمن بهدوء وحاول ان هو يقنعها هتصل بمراد وهعرفه بكل حاجه عشان مش هينفع تقعدي لوحدك وهو اكيد هيوافق غيري هدومك وجهزي شنطتك وانا هخليك تكلمي مراد قبل ما نتحرك من البيت اتفضلي حضرتك وانا مستنيك .
منى مطمئنينتمام !
خرج أيمن من الشقة واستنى منى تحت العمارة. كان فيه حاجات لازم يتكلم فيها مع مراد فرفع التليفون وكلمه عشان يطمنه.
مراد كان متوتر وزعلان وكان واضح إنه مش قادر يتحمل الوضع وقال له إنه عايز يسيب المستشفى ويخرج. لكن أيمن حاول يطمنه وقال له إنه هيعمل كل حاجة هو عايزها علشان الوضع يبقى أحسن.
أيمن "مراد هتفضل في المستشفى أنا هعمل كل اللي انت عايزه عشان الأمور تمشي. كل حاجة هتتظبط خليك واثق فيا وسيبها على الله."
مراد "أنا واثق فيك يا ايمن مش قادر انا قاعد هنا زي العاجز ومراتي بيحصل معاها كده ومش قادر اعمل حاجه كل حاجة بقت فوق طاقتي أنا مش هقدر أكمل هنا تعالى خرجني دلوقتي من المستشفى."
أيمن "أوعى تفكر كده لازم تصبر شوية. وأنا هجيب أحمد واحطه في المخزن علشان اربيه لحد ما تطلع وانت تشوف هتعمل معاه ايه."
مراد "طيب لكن لو مفيش فايدة لازم اضمن سلامه منى."
أيمن "متقلقش أنا معاك كل حاجة هتمشي زي ما انت عايز ومراتك هتقعد مع اسيا في البيت عندي ومع اولادي يعني ما تخافش عليها اطمن يا صاحبي."
منى بتسائل واستغراب "مين اللي في المخزن يا أيمن"
ايمن حاول يداري الموضوع وقال لها "ما فيش حاجة يا مدام منى أنا بس كنت بطمن على المدام وعلى الأولاد."
منى "إنت عرفت مراد باللي حصل وعرفت إن أنا هقعد عند حضرتك"
أيمن "أيوه أكيد أنا لسه مخلص معاه من شويه وقلت له كل حاجة."
منى حست إن فيه حاجة مش واضحة لكن حاولت تفضل هادية وتروح مع ايمن لانه من طرف مراد واكيد مراد هو اللي بعته يبقى اكيد امان.
منى بتساؤل هو مراد هيجي امتى هو هيتاخر
ايمن كم يوم وهيكون هنا بس هو مشغول جدا في الاجتماعات والصفقه لازما يخلصها كل حاجه خلال يومين ما ينفعش