الحلقه الثانيه بعد حوالى يومين، وأنا نازلة بسرعة
الحلقه الثانيه بعد حوالى يومين وأنا نازلة بسرعة متأخرة على الكلية قابلتني مرات عمى شكلك متأخرة كويس انك لحقتي فريد قبل ما يروح شغلك يوصلك معاه فى طريقه.
رديت بتوتر لا ملوش لزوم انا همشى انا.
وهو كان بيسخن العربية واتكلم سيبها يا ماما هى واضح انها مبقتش طايقة أى حاجة من ناحيتي.
كان بيتكلم بعصبية شوية فمرات عمي ردت ايه اللى بتقوله ده وبصتلي يلا عشان متتأخريش أكتر من كده.
وعشان كنت متأخرة وعاوزة ألحق المحاضرة روحت أركب معاه...اتحركنا بالعربية وبعد شوية صمت قررت أقطعه أنا احم أنا آسفة على طريقتي انبارح واني أحرجتك بعدم قبولي الهدية.
رد بتهكم ها ..الهدية بس!
سألته بإستغراب يعني ايه!
رد بعصبية شوية يعني نفسي أعرف انتى مالك! اتغيرتي من ناحيتي كده ليه اه عارف إنك بتحاولي تلتزمي وتبني حدود مع غير محارمك بس ليه دائما حاسس انك بتتجنبيني بتتهربي مني..بصلي ليه يا فاطمة !
قطع كلامه فونه وهو بيرن بإسم ماى لاف كنسله وكملنا الطريق فى حالة صمت.
اټصدمت من سؤاله وللحظة فرحت إنه حاسس بدا وانه لو دقق أكتر هيوصل للنتيجة اللى قلبي نفسه يوصلهاله من زمان ...بس فوقت كالعادة من أحلامي الوردية على قسۏة الواقع إنه بيحب واحدة تانية!!.
......
كنت قاعدة ساعة عصرية يوم الجمعة كده فى البلكونة بذاكر وهو جه يقعد مع بابا ومحمد أخويا شوية زى ما متعود يوم إجازته يقعدوا ويدردشوا ويهزر مع ماما..ودا شىء تاني بحبه فيه إنه بيحب عيلته وبيقعد معاهم ومتأكدة إنه لما يتجوز هيكون ولائه لبيته ومراته مش صحابه والقهوة أهم شيء زى كتير من الرجال.
بعد شوية دخل البلكونة وكان بيطلع سېجارة عشان يشربها احم ...ممنوع شرب السجاير هنا.
اتفاجىء ان انا هنا ايه دا أنتي قاعدة هنا!
ابتسمت بسماجة ايوة حضرتك.
لسه ماسك السېجارة بس مولعهاش وقرب مني وقعد يلعب فى كتبي اممم...شكلك بتذاكري!
رديت برخامة لا بلعب.
ابتسم ليا ورجع يقلب فى الكتب متزعليش مني اني انفعلت عليكي المرة اللى فاتت.
رديت احم..مش زعلانة.
بصلي المرة دى وقالي بس لسه عند تساؤلاتي!
وقبل ما أردنادت عليه ماما يجي يشرب قهوته حمدت ربنا للمرة التانية مكنش فيه فرصة اني اجاوبه.
وبعد حوالي خمس دقايق دخلت علينا أمل واختها مريم فى الثانوية دخلت من البلكونة وقعدنا سوا كلنا فالصالة وبعد السلامات جه فريد عشان يمشى هى وقفته كويس اني لاقيتك يابشمهندس...بقولك بما اني بنت عمتك الغلبانة ليا عندك طلب.
رد عليها بغض النظر عن غلبانة دى ايه طلبك ..اتفضلي.
ضحكنا عليهم بص مريم بصراحة مش ماشية فى العربي وعاوزاك تساعدها هى وصاحبتها...وارجوك وافق.
رد عليها انتي عارفة اني مقدرش اتأخر عليكم بس حاليا مش فاضى خالص وبسافر طول الاسبوع زى ما انتي عارفة والجمعة اليوم الوحيد اللى بريح فيه.
بابا رد عليه معلش يا فريد حاول ولو حتى يوم الجمعة تقعد معاهم ساعة ولا حاجة أنت عارف بنات العيلة ساقطين عربي وضحك.
أمل حضنته تسلم يا خالو بغض النظر عن آخر جمعة ها قولت ايه يا فيرو.
بصتلها پغضب فرجعت فى كلامها احم قولت ايه يا فريد.
ابتسم فريد له خلاص ماشى يوم الجمعة بإذن الله الساعة اللى بعد الصلاة.
ردت مريم وهى هادية عكس أمل خالص حاضر ممكن صاحبتي تيجي معايا.
ابتسم لها ممكن بس متزوديش ..صاحبتك دى وبس.
هزت راسها.
فرحت ان فريد وافق يراجع مع مريم دروس العربي وافتكرت ذكرياتنا سوا لما كان بيراجع معانا احنا كمان دورس العربي وحبه الكبير للشعر وسرحت فى موقف
أمل كانت مش عارفة تقرأ
