الحلقة (10) احداث خاصة من مسلسل مرت خوي بقلم الكاتبة أميرة سليمان حصريه وجديده

الحلقة 10 احداث خاصة من مسلسل مرت خوي بقلم الكاتبة أميرة سليمان حصريه وجديده 
معاش القينا مرت خوي اكبر فاجعة كل شي ابديه منين 
امشيت نجري للمطبخ امتاعهم بنجيب ميه لي مرت عمي دايخه طاحت مني الطاسة من رعشه خشت بنت عمي تشرب في أمها في ميه لين اني قعدت نلم في طاسة نشبح في موس ملوح في الكناسة اخديته واضح عليه الډم امشيت نجري لي اعمامي و بوي و نعيط بوي قالي بلكي حد قاص بيه لحم او حاجه بس واضح كان هذا علاش ملوح في الكناسة مرت عمي قالت مش اني و قعدت تبكي على بنيتها لي اختفت معاش عليها اي اثر اقعدنا قريب ثلاثه ايام ما فيش اي معلومة عليها اني اخديت كيسة الكناسة لي كانت في مطبخ عمي القيتها برا في الحاوية جبتها بزعتها ألقيت ساعة مرت خوي فيها واضح في حد قريب منا دار ليها حاجة فجأة عمي طاح في مكانه ساعته جاته في مكانه انقلب حوش العياط عمي الكبير هذا راجل كبير و تعب هلبا من المشاكل لي جتنا و جاي في مكانه فجأة انقلبت الدنيا عزاء و فاجعة اختفاء مرت خوي بروحه كارثه وليه في يوم و ليلة معاش في اي خيط يوصل ليها خوي يجري من مكان لي مكان لين ابديه يشك أنها هربت مع حد و الكلام ابديه يطلع عليها و العيلة ب صراحة خشت في سبعين حيط فجأة افتحنا القراج إمتاع جدي على أساس بنديروا فيه العزاء مصاريش و خوي يعيط عليه يقولي في قطوس مېته في القراج ريحتها زي الجيفة