سلسلة حكايات رمضان٣٠ حكاية وحكاية الجزء التالت من الحلقة الأولى خالتي سوسو والدفتر الأسود بقلم منار الشريف حصريه وجديده

سلسلة حكايات رمضان 
(٣٠ حكاية وحكاية)

يلا نكمل الجنان! جاهزين للجزء التالت من الحلقة الأولى 'خالتي سوسو والدفتر الأسود بقلم منار الشريف حصريه وجديده  

خالتي سوسو والجيران الجواسيس

بعد حفلة الفضايح إللي قلبت رمضان السنة دي، العيلة قررت تراقب خالتهم سهير من بعيد لبعيد. محدش بقى بيصدق كلمة تقولها، وكل حركة ليها بقت متفسرة على أنها مؤامرة عالمية.

بس الجديد أن الجيران نفسهم دخلوا معانا على الخط!
ليه؟ لأن من كتر ما العيلة كان صوت صريخها في الليلة دي مسمع مصر وضواحيها، كل سكان العمارة عرفوا أن خالتي كانت متجوزة في السر وعندها ابن، والڤضيحة دي طلعت من الشقة لحد القهوة إللي تحت.

أم عبده جاسوسة الدور الأول

أول ما الشمس طلعت، كانت أم عبده قاعدة في البلكونة ومنزلّة على وشها منديل ربطاه على راسها زي المخابرات العامة، وعينها على باب شقة خالتي سهير. كل مرة الباب يفتح أو حد يدخل، تسجل في كراسة:

"الساعة 9:47 خرجت سوسن بشبشب الحمام"

"الساعة 10:15 سهير استلمت كيسه سمرا من البقال"

(طبعًا كيسه سمرا دي مش بتاعتي دي بتاعت أم عبده الجاسوسة ههههه لفظ مناسب لست زيها)

"الساعة 10:32 صوت مكالمة مشپوهة ... كلمة السر: آدم!"

سهير واخدة بالها

طبعًا سوسو مش هبلة، وعارفة إن الجيران مترصدينها. قامت عاملة حركة تخض: نزلت في وسط النهار لابسة جلابية صفراء فاقعة وطرحة بنفسجي، ووقفت في نص الشارع وقالت بصوت عالي:
إللي عايز يعرف حكايتي. يتفضل يشرب شاي عندي الساعة 8.