سلسلة حكايات رمضان٣٠ حكاية وحكاية الجزء التالت من الحلقة الأولى خالتي سوسو والدفتر الأسود بقلم منار الشريف حصريه وجديده
الشارع كله اتقلب رجالة وستات وأطفال. الكل عاوز يحضر جلسة الخالة المچنونة.
حفلة السطوح
الساعة 8 بالتمام خالتي سهير طلعت السطوح وحطت سفرة عليها كنافة وقطايف وقعدت في النص زي سفيرة النوايا السيئة، والجيران قاعدين حواليها عاملين دوائر كل واحد ماسك كباية شاي ومستني القنبلة.
الاعترافات الصاډمة
سهير خدت نفس عميق وبصت للناس بنظرة كلها تحدي وفخر غريب ورفعت حواجبها لفوق
أنا عايزة أحكي لكم حكايتي قصدي عن يوم ما اتجوزت عرفي.
الجيران شهقوا وأم عبده حطت إيدها على بقها وكتبت في الكراسة
اعترفت رسمي سجل يا تاريخ، اشهدي يا حارة
هزت سهير راسها شمال ويمين بسرعة، وابتسامة نصر مرسومة على وشها
بس قبلها لازم تعرفوا إني زمان كنت مطربة أفراح شعبية!!.
الناس اټصدمت إيه؟ مطربة؟ دي كانت بتقول لهم أنها كانت مدرسة علوم!
غمضت عينيها لحظة وابتسمت كأنها شايفة مشهد الحب على المسرح قدامها دلوقتي
آه والله وده الراجل اللي اتجوزته كان طبال قد الدنيا حبينا بعض فوق المسرح واتجوزنا في كواليس فرح في شبرا الخيمة بعد الفرح على طول.
ضحكة سهير ضحكة عوالم أصيلة ومسكت طرف العباية ولفته على صوابعها وبصت لهم نظرة كلها تريقة كأنها بتقول "آه يا ولاد الـ.... أهي إللي كنتوا فاكرينها مدرسة طلعت زيزي مترو في نفسها
وحركت حواجبها طالع نازل كأنها بتغمز لهم
طب والنبى مش كنتوا شاكين؟.
لما شافت نظرات الصدمة عليهم شبكت إيديها على وسطها ونفخت حبة هوا من بقها
الله ماكلول ما كله كان لازم يبان في يوم؟!.
ورد عليها پصدمة أبو عصام الجزار
معقوله انتي بوسي! انتي ملاك الرحمه .... قصدي أبلة سهير بتاعت العلوم
حطت إيدها على صدرها وعملت حركة شعبية
أيوه والله العظيم مطربة وأفتخر!
يتبع
الجزء الرابع والجزء الخامس والأخير
