سلسلة حكايات رمضان٣٠ حكاية وحكاية الحلقة التانية 'عريس في آخر لحظة الجزء الأول عيلاء بقلم الكاتبه منار الشريف حصريه وجديده
مدام عواطف الحشرية وهي بتهز بؤها بحركة إعتراضية شعبية: يا خبتك يا هالة. يلا هنقول إيه بقى كل شيء نصيب.
هالة وقفت في وسط الصالة زي التمثال مش مصدقة إللي بيحصل. والساعة بتجري، والمعازيم تحت، والفرح لازم يبدأ.
وهنا ومن وسط نوبة الاڼهيار جت الفكرة العبقرية إللي ماتطلعش غير من أم مصرية أصيلة.
أبلة نادية زقتهم وفطت من على الكنبة وهي بتتكلم في التليفون:
آه يا أم حسين. إبنك حمادة متجوز؟ طب مطلق؟ لاء برضه؟ طيب مش عايز يتجوز في خلال ساعتين؟ آه الفرح جاهز والعروسة زي القمر. أيوه المطبخ خشب. ومعاه شقة؟ معاه كمان عربية؟ طب الوظيفة؟ طب هو في السچن ليه؟!!.
هالة حطت إيدها على قلبها من عمايل أمها:
أنا حاسة إني جالي زبحه الحقيني يامااااا.
في وسط دوشة العيلة وعيال العيلة إللي بيجروا في الصالة خبط الباب أبلة نادية فكرت بسرعة وقالت لهالة:
بقولك إيه بدل ما نفضح نفسنا نجوزك لأخوه!.
طبعًا هالة اتخضت من جنان أمها:
أخوه؟! أخوه مين؟!.
وهنا دخل "عيلاء" قصدي اخو عادل الكبير إللي كان واقف عند الباب لابس بدلة مش مقاسه، وجزمته مفتوحة من قدام، ووشه كله توتر.
علاء كان بيتكلم وهو كله آسى:
أنا آسف يا هالة بس ماما قالت يا تتجوزيني بدل عادل يا هتحصل مصېبة في العيلة!.
هالة وقفت تحضر الرد القنبلة بس لقت المعازيم بدأوا يزغرطوا تحت. مفيش وقت يا ڤضيحة، يا فرح والسلام.
هالة وهي لسه الصدمة مخلياها مش قادرة تستوعب الهبل ده بس يلا أهي بتجاريهم في جنانهم وخلاص:
طب استنوا. أنا مخطوبة لعادل إزاي فجأة ألاقي نفسي مع عيلاء يوووووه علاء؟!.
أبلة نادية أكيد مش هتسيب الڤضيحة تطول هالة:
جواز صالونات يا بنتي بدل ما نقلبها جرسه ونبقى فرجة للناس!.
طبعًا هالة قلبتها مناحه وفضلت تلطم على وشها وعمالة تبرمط بالكلام:
آه يا خړاب بيتك يا هالة. منك لله يا عادل يا ابن تفيدة. بقى تهرب وتسيبني للهم بالشكل ده. طول عمرك عره بس كنت بقول معلش ضل عادل ولا ضل حيطة؟!.
الزغاريد كانت بتعلى تحت وهالة لبست فستانها، وعلاء واقف جنبها زي التلميذ الخايب إللي نسي كراسة الواجب.
حطت ايدها في ايده ونزلوا مع بعض وسط الشارع إللي مليان ناس فرحانة مش عشانهم، علشان الكحك والفطير إللي هيتوزع بعد كتب الكتاب.
هالة بصت لعلاء وقالت في سرها:
يا ترى هتعرف تفك شفرتي يا عيلاء ولا هنضرب دماغنا في الحيط سوا؟!.
يتبع
الجزء التاني
