روايه جاري حتت سكره للكاتبه هنا حسين البارت الحادي عشر والثاني عشر حصريه وجديده

روايه جاري حتت سكره للكاتبه هنا حسين البارت الحادي عشر والثاني عشر حصريه وجديده 
تاني يوم راحو الشغل وهما زعلانين جامد من بعض خصوصا احمد اللي زعلان من نفسه في علي إللي عمله
طبعا فاطمه ماسكه الشغل مع سالم وأحمد مالوش دعوه بيها
دخلت فاطمه المكتب 
سلمي فاطمه كويس أنك جيتي 
فاطمه طب استني اخد نفسي ولا حتي سلمي عليا
سلمي مافيش وقت للكلام ده يا ختي المدير سأل عليكي 100مره
فاطمه بقلق خير في ايه المواصلات كانت زحمه بس
سلمي الله أعمل روحي وشوفي
راحت سلمي وهي بتدعي ربها في سرها أن المقابله تعدي على خير
دخلت مكتبه بعد أن إذن ليها بدخول 
صالح تعالي يا فاطمه 
فاطمه نعم يا فندم حضرتك طلبتني
صالح مالك مستعجله كده 
فاطمه في سرها الله مطولك يا روح 
فاطمه معلش يا فندم بس انا ورايا شغل
صالح ما أنا كمان عاوزك علي شان شغل 
فاطمه اتفضل يا فندم قولي عليه
صالح انت هتسافري معايا العين السخنه بكره 
فاطمه نعم حضرتك بتقول ايه
صالح في ايه ده شغل كمان إحنا هنحضر كم اجتماع هناك ومنه كمان تغيري جو وتشوفي الدنيا عامله إزاي 
فاطمه معلش يا فندم حضرتك اخترت غلط أنا ماينفعش اسافر لأي سبب من الأسباب حتى لو اضريت اسيب الشغل مستحيل اسافر
صالح ليه بتقطعي برزقك 
فاطمه ربنا اللي بيرزق وحضرتك سمعت رأيي عن اذنك بقا
مشيت فاطمه وهي مضايقه من اللي اسمه صالح ده 
بينما صالح بيتوعد ليها ومش هيسيبها تفلت من ايده
سلمي عاوز ايه البومه ده 
فاطمه بضحك هههه يخربيتك مش عاوزه اضحك
سلمي يا اختي اضحكي بلا نكد ها قولي كان عاوزك في ايه 
فاطمه عاوزني اسافر معاه ابن المركوب اللهم اني صايمه
سلمي ههههه وانت عملتي ايه 
فاطمه رفضت طبعا انت عاوزه سلوى تعلق رقبتي علي باب الشقه
سلمي انا مااعرفش ليه عندي احساس أن صالح ده نيته وحشه اتجاهك 
فاطمه حست پخوف بس مابينتش 
فاطمه ربنا يستر بقا
سلمي طب يلا علي شان هنشتغل علي مشروع 
فاطمه هنشتغل فين
سلمي عن المشرفين 
أنا مع اللي اسمه زياد وانت مع سالم والبت سالي مع احمد 
فاطمه هي سالي هتشتغل مع احمد
سلمي ايوه بس البنت دي ملزقه اوفر لايقه علي اللي اسمه زياد ده عيل رخم كده وشايف نفسه حاجه وهو ولا حاجه 
فاطمه يا لهوي كله ده في الراجل حرام عليكي وربنا تلاقيكي معحبه بيه وبتقولي
اي كلام 
سلمي يلا يا خلينا نخلص في اليوم ده
عند مكتب المهندسين 
زياد الله يخربيتك انت اټجننت يا احمد 
احمد بقولك اتعصبت وأنت عارف لما بتعصب
زياد ربنا يسترها بقا انت عكيت على الآخر 
احمد اعمل ايه بس
زياد أيوه صح مالقتش غير سالي اللي تبقا مشرف عليها 
احمد مالها سالي
زياد لا ملهاش خالص دي بس لبسها مش ماشي مع الايام اللي إحنا فيها يعم هنشيل ذنوب 
احمد غضي بصرك ياعم وبعدين ده شغل ملناش دعوه بحد
زياد اديك قولت شغل