شخصية ونوس الحقيقيه

بتصلي وبالذات الاطفال الشباب دي بقا بتعمل اي من بعد الصلاة تبتدي توزع منشورات على الناس وفيها صورة عادل جعفر اللي بيقول على نفسه المهدي المنتظر و يكتب كلام يغسل مخهم واللي عايز يتأكد يقدر يحضر محاضرات الشيخ الكبير عادل جعفر طبعا اللي بيصدق الكلام دا بيبقى إيمانه ضعيف أو الشغف و الفضول اللي دفعهم لكدا لكن هو دا اللي كان بيلعب عليه عادل بيلعب على الفضول اول ما الشباب دي تحط رجليها وتقعد في محاضرة عنده هو هيقدر يغسل مخهم و يخليهم اتباع لي وللأسف نجح في كدا !!
عم عادل بقا لي جماعة جماعة كبيرة وفيهم ناس متجوزة وكل واحد بيجيب أطفاله وكل اللي معتقدينه أنهم من الصالحين ومقربين من الله وربنا هو اللي اختارهم ومباح ليهم اي حاجة يعملوها إذا كانت سړقة أو أو تجارة سلاح أو قت ل اي حاجه كانت محرمة في الدنيا محللة ليهم لي لأن عم عادل برضو قالوهم أنهم مبقوش أهل دنيا دول بقوا في عالم تاني لكن وجودهم بس موجود عشان يخلصوا رسالتهم الاخير و يطلعوا للجنة !!
دماغ سم سم يعني دا ابليس نفسه يسقف لعم عادل !!
كبرت المجموعة في السر وكل اللي بيدخلها بيدخل في السر و زاد الفجور و قدر عم عادل يستحوذ على جزيرة ويستعمر فيها هو والأبلسة بتوعه وبقا اسمها جزيرة المنتظرين 
قدر يجمع جيشه و بقت خطته الجاية أنه ينزل في اي مكان يبيد في اي حد مش هيقبل الدعوة بتاعته بس الحمد لله الراجل دا ملحقش يعمل كدا !!
من قبل ما عم عادل ينتقل الي جزيرة المنتظرين قرر أنه يتجوز ويشوف الدنيا اللي بيقول عليها ملهاش لازمة بس هو عارف أنه بيضحك على الناس وعايز يمتع نفسه زي ما جنوده اتجوزت بس حظه بقا أنه وقع في ايد واحدة من اخوات المتابعين لي اللي هو اشرف الطاهر
اشرف دا من اول الناس التابعين لعم عادل وهو اللي بدء معاه الدعوة لكن في يوم وليلة اشرف دا اختفى مبقاش لي اثر والحكومة نفسها مقدرتش تعرف عنه حاجة تقدر تقول كدا فص ملح وداب لكن عم عادل كان حظه نحس لأن اشرف كان قايل كل حاجة لأخته هند وكان قايلها أنه متبع جماعة عم عادل و اخر حاجة قائلها قبل ما يختفي أنه لو اختفى فجأة ومحدش عرف يوصلوا تعرفي اني مۏت والسبب هو الشيخ عادل
هند مكنش معاها إثبات بالكلام دا لانه من بعد اختفاء اخوها اشرف الموبايل بتاعها اتسرق ومبقاش معاها دليل بس هي مش هتسيب حق اخوها و هتورط نفسها في جماعة عم عادل بدأت تدخل معاهم و تقرب من عم عادل اكتر و واكتر لحد ما
بقت اقرب الناس لي و يثق فيها ومن بعد ما خدوا الجزيرة وعرفت أنه هينزل للقرى يسيطر عليها هند كانت بدء سابقة عادل بخطوة ومتفقة مع الحكومة أنهم يقبضوا عليه
بس الجزيرة دخولها صعب بسبب الحراسة اللي عليها ليل ونهار ناس مكونة جيش كامل لمحاربة الفساد طبعا دا اللي في مخيلتهم
المهم الحكومة اتفقت هي والجيش يتدخلوا ويفضوا كل دا وطبعا بمساعدة مين ايوا صح هي هند عرفتهم بمخطط الجزيرة والمداخل والمخارج و على الساعة ٢ بليل قبل عملية عم عادل اقټحمت الحكومة والجيش الجزيرة دي وفي ظرف ساعة بالظبط كل اللي كان معاهم سلاح اتقتلوا معادا الاطفال والحريم بس الحكومة كانت عايز. عادل عايش عشان يبقى عبرة للناس لكن للأسف هند كان عندها مبدء من الاول أنها تقت ل عادل وتاخد حق اخوها بس عشان اتفاقها مع الحكومة وأنها كانت عامل أساسي في الخطة محدش قدر يسجنها على الرغم من أنهم دخلوا عليها لاقوها حاطة السکينة في قلبه لكن طلعت منها زي الشعرة من العجين .
انتهت الجزيرة وماټ عادل و اتباعه وكل ما تم غسل مخه بس برضوا هيفضل في وسطنا الشرير اللي بيغسل المخ
القصد اي بقا من القصة دي كلها خلي بالك من نفسك يا صديقي وخليك متمسك بالدين بتاعك لأن الايام اللي احنا داخلين عليها ايام صعبة جدا زي مانت شايف عم عادل في عصرنا دا هو السوشيال ميديا والتيك توك بالذات بيغسل مخ الناس عشان الفلوس تخيل في ناس بتبيع نفسها عشان فلوس تخيل في راجل ربنا خالق فيه غريزة النخوة بيطلع أهل بيته عشان الفلوس البنات في الشارع بقت حاجة مسيئة للدين والشرف و اللي ميتسموش قدروا ينجحوا في أنهم يدخلوا عقول الناس و يغسلوها اوعى تكون منهم وخليك على دينك إذا كنت مسلم أو مسيحي خلي بالك من أهل بيتك و اوعى تكون من اتباع عم عادل .
لو وصلت لحد هنا وفهمت حاجة من اللي عايز اقولك عليه متبخلش عليا بشير يمكن غيرك يستفيد