رواية نهر الكنان البارت الحادي عشر والثاني عشر والأخير بقلم آيه الديب حصريه وجديده

سجنه تخلصت من اكبر مخاوفها ثقتها بنفسها ذادت اضعاف كانت متردده خائفه من مواجهته ولكن كل شئ قبل التجربه مخيف لا تحبس نفسك وراء مخاوفك ليس كل شئ كما يبدو من بعيد
..............................................................
يجلس في حديقه المنزل يتطلع إلى السماء وهو ينتظرها كعادته ولكن الوضع تغير فهو لم يعد كالسابق جزء من احلامه انتهي شئ داخله انطفئ لتهل هي عليه بابتسامتها المشرقه تضئ عتمت سمائه ابتسم ابراهيم تلقائيا عند قدوم نهر 
لتصيح نهر وهي تقترب ناحيته بمرح _ قاعد سرحان في ايه شكلها قاعده رومانسيه ولا ايه
ليضحك ابراهيم بخفوت _ رومانسيه ايه بس بذمتك هو الي زيي ينفع لحاجه اصلا
لتضربه نهر بكف يده في كتفه بخفه تهتف بضيق مصطنع _ يااخي بطل كئابه بقا الله ده انت بائس اوي
رفع حاجبه الايسر بتعجب يهتف بسخريه _ ايه ده ايه ده شوف مين بيتكلم عن الكائبه ده انتي المصدر الخام بتاعها يبنتي
رفعت راسها بغرور مصطنع تهتف بثقه ومشاكسه ده كان زمان دلوقتي اتكلم معايا كده قنبله تفائل ھتنفجر في وشك
ضحك ابراهيم بقوه ليهتف بتسال _ حاسس في حاجه جديده حصلت وهي مصدر التفائل ده كلو في ايه عايز اعرف
ابتسمت نهر بسعاده ترفع كف يدها امام وجهه تشير الي مكان خاتم خطبتها
ليفتح ابراهيم عينيه على اخرهم يصيح بعدم تصديق _ فسختي الخطوبه معقول
هزت راسها ايجايا تهتف بفرحه _ واخيرا اخيرا يابراهيم خلصت منو مش مصادقه نفسي بجد كان كابوس واخيرا فوقت منو
صفق ابراهيم عاليا بفرح وهو يبارك لها وكأنه يهنها علي زواجها _ والله لو بعرف ازغرط كنت عملت كده يااه ده غلس بشكل مش طبيعي فين القرارات الحلوه دي من زمان
تنهدت نهر بحزن _ كانت موجودة بس مكنش عندي القدره انفذها
انا اسف نفسي تكوني سامحتيني من قلبك بجد علي الي قلتو 
هتف بها ابراهيم بحزن وندم
لتضحك نهر وهي تقترب منه تهتف _ بتعتذر علي ايه يبني هو انت هتفضل تعتذرلي الف مره مخلاص بقا انت بقالك اكتر من اسبوع كل ماتشوفني قدامك تقولي اسف ياخي قولتلك الف مره سامحتك سامحتك اغنيهالك يابراهيم علشان تصادقني ولا اعملك ايه
هتف ابراهيم برجاء _ يعني بجد مسمحاني من قلبك
تنهدت نهر بضيق تهتف بانزعاج _ ياخي حرام عليك ارحمني بقا كفايه سامحتك سامحتك والله سامحتك يعم محمود تعالي قولو اني سامحتو يا بابا تعالي قلو اجيبلك الناس من الشارع تقولك
ضحك بقوه علي شكلها وعصبيتها تبدو كالطفال تماما ليهتف من بين ضحكاته _ خلاص خلاص صادقتك انا بس كنت عايز اتاكد
نهر _ اتاكد بقا وارتاح وبعدين قولتلك انت مقولتش حاجه غلط اصلا بالعكس كلامك ده الي غيرني للاحسن وخلاني اخدت قرارا مهم زي الي اخدتو النهارده يبقا انت صاحب فضل عليا بعد ربنا طبعا فامش محتاجه اعتذار
ليغمز لها بطرف عينه بمشاكسه _ انا برضو السبب ولا كنان حرام كده متنكريش كده
كشرت حاجبيها بضيق عند تذكرها لكل ما فعله معها وخروجه من المستشفى ڠصب عنها لتهتف بضيق مصطنع _ بس بس متجبليش سيرتو انا مش طيقاه اصلا
ابتسم ابراهيم بمكر ليغمغم بخبث _ بخساره ده أنا كنت عايز احكيلك انو كلمني النهارده و
بجد قالك ايه هاا قالك ايه سال عليا ولا لا 
هتفت بهم نهر سريعا وبندفاع
ليضحك ابراهيم بقوه علي افعالها المنقده لكلامها تماما 
لتهتف نهر بالحاح _ قول يالا قالك ايه متبقاش رخم بقا
حاول ابراهيم التوقف من الضحك بصعوبه ليجيبها ببرود _ مش هقولك مش قولتي مش عايزه تسمعي سيرتو
لوت نهر شفتها السفلي بضيق مصطنع تهتف برجاء _ علشان خاطري ياابراهيم قولي انا عايزه اطمن عليه بجد
ابراهيم _ ماشي هقولك عموما يستي اطمني هو كويس واتصل علشان يطمن عليا زي كل يوم وكان بيبلغني انو كلم الكابتن بتاعي وعرفو وضعي الجديد وانو عايز يقابلني بكره بس انا اصلا مش عايز اقابل حد بس كنان مصمم
صفقت نهر بكفيها بفرحه تهتف بسعاده _ الله بقا ايه الاخبار الحلوه دي بجد بجد كنان ده مفيش منو برافو عليه انو اقنعك وهيخلك تقابلو
تحدث ابراهيم باعجاب يظهر في كلامه _ هو فعلا مفيش زيو ساعات بحس ان ربنا حطو في طريقي عوض عن الي حصلي هو السبب بعد ربنا اني عايش لغايه دلوقتي وقادر اكمل حقيقي مكالمتو بتاعت كل يوم دي بتفرق معايا جدا وكلامو بيديني امل في الحياه من تاني
همست نهر بحب _ هو المكفاءه الي جاتلي بعد التعب حقي من الدنيا ومستحيل هسيبو يضيع مني المره دي 
البارت الثانى عشر والآخير 
يرقد علي فراشه يتطلع في هاتفه المحمول يدقق في صورها يتامل ملامحها التي يحفظها عن ظهر قلب فمن يوم ابتعاده عنها وهو يتابع اخبارها علي مواقع التواصل الاجتماعي ويسال اخته عنها باستمرار ليعتدل كنان في جلسته فجاءه يتطلع علي اسعد خبر راته عينيه خبر انفصالها عن خطيبها
لينادي بصوت عالي ليصل لداليا خارج الغرفه يحثها علي القدوم سريعا لتاتي داليا ركضا خوفا من اصابته بمكروه تهتف بلهفه _ في ايه ياكنان في حاجه تعباك ياحبيبي
هز راسه نفيا ليطمئنه يهتف بحماس _ مټخافيش مفيش حاجه تعالي بس بصي كده شوفي نهر منزله ايه
مد يده ناحيتها بالهاتف لتستطيع قراءه الخبر فتعلو شفتها ابتسامه سعيده تهتف بفرحه _ يااه اخيرا بجد سابت الحيوان المفترس ده وخلصنا منو
ابتسم كنان بفخر بها فهي تثبت فعلا انها تغيرت واخيرا تخلصت من مخاوفها وضعفها قلبه يرقص فرحا لانها اصبحت حره يستطيع ان يقترب منها وهو مطمئن من عدم وجود اخر في حياتها
الټفت ناحيه داليا ينظر لها نظره ذات معني بدالته هي الاخري بفهم ليغمغم بخبث _ خطتنا بتنجح ياداليا انا مش مصادق اني اشوف النتيجه بالسرعه دي
ضحكت هي تهتف بفخر _ يبني انت دماغك دي الماظ مفيش حاجه انت تخططلها وتبوظ أبدا
كنان _ دي اقل حاجه عندي يبنتي المهم دلوقتي كلميها خليها تيجي انا عايز اشوفها
كشرت داليا حاجبيها بتسال _يسلام ودي انا اعملها ازاي اخليها تيجي هنا ازاي
تأفئف هو بضيق يهتف بملل _ يوه ياداليا لازم كل حاجه اقولها انا اتصرفي قوليلها اني تعبان ولازم اغير علي الچرح ومحتاج مساعدتها ودي حقيقه يعني وانتي شايفه بنفسك
لوت راسها الي اليمين تطلع فيه بشك _ والله دلوقتي تعبان وانا شايفه بنفسي منا بتحايل عليك اننا نروح المستشفى وانت حتي كنت رافض تروح لغيرها دلوقتي بقيت تعبان 
لتغمز له بطرف عينها تهتف بخبث _ انت مكسوف تقول وحشتك ياكنان ولا ايه متقول عادي يعني مش عيب
ابتسم وهو يسرح فيها بحب يهمس بشوق _ بصراحه ايوه وحشتني اوي انا كنت بس ببعد نفسي عنها علشان هي مرتبطه بواحد تاني لكن دلوقتي خلاص ومتأكد أنها مش هترضي تيجي غير لو عرفت اني تعبان واحسن حاجه في الموضوع انها حقيقه يعني مش هبقا بكدب عليها
همهمت داليا بهايم تسخر منه لتستفزه _ الله ده انت واقع اوي بس انا للاسف مش هقدر اتصل