أنتحار طبيب نفسي الفصل الاول بقلم مني محمود بركات حصريه وجديده

أنتحار طبيب نفسي الفصل الاول بقلم مني محمود بركات حصريه وجديده 
قريت مرة جملة في كتاب للطب النفسي بتقول .. في مستشفى الطب النفسي لا يأتينا المړضي بل ضحاياهم ..
الجملة دي أستوقفتني جدا وقلت لنفسي معقول نكون احنا فعلا محاطين بالمړضي من غير ما نحس 
خلصت البوست المسائي اللي لازم أنزله كل يوم علي صفحتي ودوست شير كنت ناويه بعد ما اخلص شغل علي الصفحة أقفل اللاب توب وأنام بس قبل ما أقفل لمحت خبر قلب كل حياتي ...
قبل ما تعرفو الخبر اللي قريتو أعرفكم ب نفسي أنا مين !
أنا راجيه الصاوي ٣٠ سنه عايشه لوحدي وعندي صفحة علي الفيس بوك عليها حوالي اتنين مليون وقناه علي اليوتيوب مشترك فيها خمسه مليون غير التيك توك والانستا دي شغلتي مسمينها مقدمة محتوي هادف علي وسائل التواصل الاجتماعي اه والله هي أسمها كدة .. الحقيقه أن زمان اوي كان نفسي أكون صحفيه بس والدي مكنش قادر علي مصاريف تعليمي ف اكتفي بأنه وصلني لحد دبلوم التجارة بس كان قادر يعلم أخواتي الصبيان وطلع واحد مهندس عنده ٢٩ سنه متجوز ومهاجر من سنين وواحد محامي عنده ٢٧ سنه متجوز وقاعد في الشقة اللي فوق مني
وانا من بعد وفاه أبويا وأمي فضلت عايشه لوحدي في شقتهم ومن وقت للتاني أخويا بيعدي عليا ..
نرجع للخبر اللي قريته وكان تريند علي كل المواقع العنوان كان أنتحار طبيب نفسي وتفاصيل الخبر كانت .. أقدم الطبيب النفسي بيبرس س.ح ٣١ سنه علي الأنتحار حيث تناول قرص غلة وتوفي علي الفور .. يعمل الطبيب النفسي بيبرس في مستشفى القصر العيني بقسم الصحة النفسية ويشهد له الجميع بحسن الخلق والهدوء وأكدو زملاء العمل وبعض أفراد الأسرة أنه لا يعاني من أي مشكلات ويبقي الأمر حتي الآن لغزا محيرا للجميع
فضلت فترة بعيد في قرأه الخبر مش مستوعبه أن الدكتور اللي كنت لسه عنده من تلت أيام بس وكان بيسمعني وبيحللي مشاكلي النفسيه وبرتاح في التعامل معاه يكون هو دا اللي اڼتحر ... مش قادرة استوعب ايه ممكن يكون حصله في تلت أيام بس يوصله أنه ينتحر 
حسيت اني مخنوقه وفجأة دموعي نزلت حتي الإنسان الوحيد اللي كان بيسمعني ماټ وبقيت تاني لوحدي تماما
بس كان في حاجة جوايا بتقولي أن مۏتة مش طبيعي وفضولي خلاني امسح دموعي واوقف تفكير في نفسي وفي وحدتي وافكر بس فيه هو وايه حصله وقررت اني المرة دي مش هكتفي بنقل الچريمة أو الحاډثه زي ما هي وانزلها علي قناتي لا المرة دي انا هكون الصحفيه بجد وهنزل من شقتي واتحرك واجمع معلومات بنفسي لازم اعرف ايه وصله ل كدة واكيد اڼتحر ولا يمكن يكون اټقتل مثلا .. مكنتش عارفه هبدء منين بس لما جمعت أفكاري وهديت عرفت أن أول خطوة هتكون من العيادة الست اللي شغاله معاه بتحب الرغي جدا
سهرت طول الليل وأنا قاعدة قدام اللاب نص الوقت قضيته علي صفحة دكتور بيبرس يمكن أعرف حاجة منها أو من الكومنتات اللي بتتكتب له والنص التاني بكتب الملاحظات بتاعتي وبرتب خطواتي هتكون إزاي
تاني يوم الصبح أخدت شاور وفطرت وعملت قهوتي ودخلت أشربها في البلكونة زي ما متعودة كنت سرحانه في حالي وحال الدنيا الغريب محستش بالوقت اللي سرقني وأخيرا جه الوقت اللي اروح فيه العيادة كنت طول الطريق بدعي ربنا أن تخميني يكون صح وتكون مدام