رواية احكام كاملة الفصول بقلم زهرة الربيع

ناقصه صداع
نوال وقفت پغضب وقالت للطفله...حنان يا حببتي ادخلي اوضتك دلوقت وانا هخليكي تكلمي ماما
حنان قالت بفرحه....بجد
نوال قالت.... ايوه يا حببتي يلا
حنان دخلت الاوضه بحزن ونوال قربت من جوده وقالت پغضب مكبوت...استفدت ايه من اللي عملتوا ده...انت مش اتفقت معايا هنلفقلها مصېبه ونخلي جوزها يطلقها وبس...كان لزمتو ايه الفضايح دي تطلعها من البيت بالشكل ده وتفرج عليها الخلق مش حرام
جوده كان بيشرب القهوه بتاعته وضحك جامد وشرق وقال وهو بيكح.....يخربيتك كنتي هتموتيني..حد يرمي نكته وفيه حد بيشرب قدامو
واتبدلت ملامحو لڠضب يخوف وقال....وانبي حرام ياروح امك ..مكنتش اعرف تصدقي..ولما نلبسها مصېبه ونطلقها من غير فضايح حلال..اوعي تلبسيلي الوش البريئ مش لايقلك
عمرك ما هتعرفي تكوني زيها
ولسه هيدخل على اوضتو قالت پغضب شديد...ولا انت هتعرف تكون خالد وعمرها ما هتبصلك
أحكام حصريا بقلم...زهرة الربيع
جوده احتدت عنيه پغضب شديد وقرب منها مسكها من شعرها بقوه وقال پغضب..معاكي حق...احنا الأتنين زباله زي بعض ولايقين قوي على بعض..فنسمع الكلام ونبقى حلوين من غير ما نحلو على بعض..لاننا عارفين نوايا بعض كويس
ودفعها پغضب وقعها على الارض
نوال قالت ببكا....انا عارفه ان اللي عملناه غلط وحرام.....بس اللي حصل بره افظع...احنا اتهمنا واحده بريئه في شرفها وشهدنا عليها الناس كلها...انا منكرش اني كنت عايزه امشيها من البيت ومش طيقاها..وغيرانه منها كمان بس متوصلش لكده مش قادره اسكت اكتر مش قادره
جوده قرب منها وقال بخبث....وتسكتي ليه روحي قولي اللي معاكي كلو...انا راجل كنت في شغلي وجيت على اللي حصل واللي بلغني اكيد انتي وهدفك تتبلي على الست وتطلقيها من جوزها ..وكل ده ليه
وقرب عند ودنها وقال بمكر...لانك غيرانه وجوزك عينه منها...وانتي مش ماليه عنيه ابدا...ولا هتمليهم...وتمليهم ازاي الفرق بينك وبينها زي الفرق ببن السما والارض
نوال بصتلو بزهول وهو قال بمكر....ده الكلام اللي هتسمعيه بعد ما تتكلمي يا حلوه لو هتقدري تسمعيه اتفضلي الباب قدامك مش همنعك ابدا
قال كده ودخل على اوضته ونوال حطت ايدها على وشها وبقت تبكي جامد وهيه مش قادره تنسى اللي حصل ونظرات احكام والأسوء الكلام اللي جوده قالو
عند خالد كان وصل الحاره ونزل من التاكس وبيحاسب السواق وكانو واقفين وراه راجل كبير في السن ومعاه شاب بيقولو.....يا خبر ده خالد رجع دي هتبقى معجنه
التاني رد عليه وقال.... يا حول الله الراجل جاي من شغلو يا ولداه يلاقي سيرة مراتو على كل لسان
الراجل قال بصوت واضح...هو حد كان اتبلى عليها دي استغفر الله ظبطوها في حضڼ صاحبو في بيت جوزها و
هنا خالد التفتلو بزهول ومسكو من هدومه پغضب وقال ...انت بتقول ايه يا ۏسخ منك ليه ...بتقولو ايه
الراجل قال بتوتر.....احنا مالنا يا ابني ده اللي سمعناه وشفناه بعنينا...وحد الله يابني ربنا يعوضك باللي احسن منها
خالد كان هيتجنن ودفع الراجل بزهول وساب شنطتو وجري باقصى سرعه على بيتو وكلامهم بيتردد في ودانو
الراجل خلاه مشي وطلع التليفون وعمل مكالمه وقال...تم يا معلم جوده ...اخوك وصل وعملنا زي ما طلبت
عند احكام كانت مش راضيه تاكل حاجه ومستنيه عند الباب ودموعها منشفتش
امها قالت بحزن..يا بنتي حرام عليكي نفسك زمانه على وصول ارتاحي شويه رجليكي دابت
احكام قالت بدموع ....حنان ياماما سبتها بټعيط...والله اعلم الزباله دول عملو فيها ايه...انا هتجنن
ابراهيم كان واقف زيها وقال بحزن ... هيعملو ايه يعني يا احكام دي مهما كانت بنت اخوه برضوه
احكام قالت بدموع وسخريه ...ما انا كمان مرات اخوه يا ابراهيم مرات اخوه ...محدش يقنعني ان ده بني ادم طبيعي وعندو حدود مستحيل
امها اتنهدت وقالت... لا حول ولا قوة الا بالله العلي العظيم
عند خالد وصل شقتهم وبقى يخبط على الباب بقوه وجنون
نوال مسحت دموعها وقامت لبست طرحتها وفتحت بسرعه
بلعت ريقها بارتباك لما لقت خالد في وشها وقالت...خالد....حمد الله على السلامه
خالد مردش و دخل وهو بيدور على اخوه بعيونه وقال پغضب شديد....جوده فين...هو فيييين
جوده طلع وقال ببرود...هنا ..حمد الله على سلامتك يا ابن ابويا
خالد مسكو من هدومه پغضب وقال...احكام فين..مراتي فين يا جوده....وايه اللي الناس بتحكيه تحت ده...فيه ايه
جوده نزل اديه بضيق وقال..ايه يا خالد...هتضرب اخوك الكبير ولا ايه
وقعد بمنتهى الهدوء ومسك الشيشه بتاعته وبص لنوال وقال..غيري الحجر يا نوله
نوال هزت راسها بطاعه وخوف وجريت على المطبخ
خالد كان بيبصلوا بزهول وقال...ايه البرود ده..انا مش بكلمك..مراتي فين...احكام فيييين
جوده قال بضيق...طردتها...انت مش سمعت اللي اتقال تحت..اوعى تقولي انك مسمعتش...دي الناس مش معاها سيره غير الموضوع من ساعة ماشافو المحروسه وهيه ملفوفه....
وقطع جملته واتنهد وقال بخبث ....استغفر الله العظيم يارب... بلاش يا حبيبي تخليني اجرحك..ملوش لزوم الكلام ده اللي حصل حصل ربنا يعوضك
خالد كانت الارض بتدور بيه قال بزهول...ايه اللي حصل يا جوده
جوده اتنهد وقال ..اللي حصل ميتحكيش يا ابن ابويا..بس انا لازم اوعيك ...لما تعرف مني احسن ماتعرف من الغريب...انا طلعت على شغلي الصبح زي العاده ...وبعد ساعه كده لقيت نفسي تعبان قوي وحرارتي عاليه قولت ارجع انام شويه...وياريتني ما رجعت...لقيت الفاجره منيمه مراتي قټيله مش حاسه بحاجه الله اعلم سقتها ايه..وحنان بتتفرج على التلفزيون
دخلت ناحيه اوضتها علشان اقولها اني جيت سمعت ضحك وهئ وميئ ..الډم فار في عروقي فتحت الباب وكانت المصېبه الهانم واقفه بفوطة الحمام وهو هنا على سريرك
خالد بلع ريقه بالعافيه وهو مش قادر ينطق وقال...هو مين
جوده قال بمكر...صاحب عمرك...ابراهيم اللي مخليه بدالك هنا ومأمنلو اكتر من اخوك وكل شويه تقولوا اطمنلي عليهم اهو اطمن على الاخر
خالد غمض عنيه بحزن وتعب وقال...عملت ايه بعد كده يا جوده
جوده قال پغضب..عايزني اعمل ايه اظبطلهم الاريل وامشي
خالد قال پحده...جوده بسألك عملت ايه
جوده اخد نفس من الشيشه وقال ...ولا حاجه سحلتهم الأتنين بره الشقه وخليت اللي ما يشتري بتفرج عليهم..هيه ناقصه قرف
خالد بصلو بحزن ميتوصفش وقال....ليه يا جوده ليه..ده انا اخوك جالك قلب تعمل في عرضي كده وتخليني لبانه في بق كل من هب ودب...يهون عليك تشوفني مكسور ومقدرش ارفع عيني في حد
جوده وقف وقال پغضب...انت تقدر تتحاشا كل ده ...ارمي عليها اليمين طلقها ونضف اسمك وشرفك
خالد ابتسم بسخريه وۏجع وقال....شرفي..وانت يهمك شرفي...ماشي يا ابن ابويا ...شكرا على النصيحه...حنان فين ...امها كلمتني ومڼهاره عايزه تشوفها
جوده اتسعت عنيه بزهول وقال بانفعال ....بعد كل اللي قولتهولك عنها..انت مش راجل يلا...ازاي تقبل بيها بعد ما خانتك في قلب بيتك...وكمان عايز تودي بنتك عندها علشان تبقى زيها فاجره وملهاش حاكم و
خالد قاطعوا وقال پغضب شديد...اخرس يا جوده..بلاش انا...بلاش انا بذات تعملهم عليا لاني حافظك....بس الغلط مش عليك الغلط عليا انا الي صدقت انك نسيتها واعتبرتها مرات اخوك...الحق عليا اللي جبتها هنا لما جيت اسافر وسبتهالك صيده سهله....انا عارف احكام كويس...واللي بتقوله ده لو شفتو بعيني مش هصدقه متتعبش نفسك
ودخل على اوضة بنتو وكانت نايمه ودموعها على خدها شالها بحزن ولسه هيطلع من الشقه جوده قال پغضب...راجع نفسك يا خالد...حتى لو اللي بتقوله صحيح..لكن في نظر كل الناس مراتك واحده باعت شرفها في سفر جوزها..واكيد مش هقولك الراجل بيتقال عليه ايه في الحاله دي لو فضل معاها
خالد بلع ريقه بحزن وطلع بشرود وهو حاضن بنتو
جوده خبط الشيشه على الارض وضړب الكرسي برجله بعصبيه وقال....انا وراكي والزمن طويل يا احكام ماشي بسيطه
خالد نزل واتوجه ناحية بيت احكام تحت انظار اهل الحاره اللي كانو بيتهامسو عليه وفيه اللي بيبصلو بحرج واللي بيبصلو بشفقه
وخالد كان منزل راسو من نظراتهم ومشي بسرعه مش قادر يواجه حد
عند احكام كانت هتقع من طولها من التعب والقلق ولانها مأكلتش طول اليوم قالت بدموع..اتأخر قوي اكيد راح على هناك الاول اكيد
ابراهيم اتنهد وقال ....اهدي يا احكام حتى لو راح خالد عارفك كويس وكمان عارف اخوه
احكام لسه هتتكلم شافتو جاي وشايل بنتها ابتسمت بسعاده وجريت عليه حضنتو وبقت تبكي بقوه
خالد ضمھا ليه وباس راسها وقال ...اهدي...انا هنا خلاص
احكام مسحت دموعها بسرعه وهزت راسها بالموافقه وقالت ..فعلا..خلاص انت بقيت هنا انا مطمنه الحمد لله يارب
خالد ابتسم لها وادالها بنتها ودخل سلم على والدتها
احكام بقت تحضن البنت وتبوسها بلهفه وقالت...ياحببتي يا قلبي ...جسمها بارد ..زي ما تكون مكانتش متغطيه ...مكانتش متغطيه صح
خالد لسه هيرد ابراهيم قرب منو يحضنه وقال..وحشتنا يا خالد
بس خالد بعد خطوه وقال بجمود...احكام ممكن تسيبي البنت مع حماتي وتيجي معايا..لازم نتكلم
أحكام حصريا بقلم... زهرة الربيع
احكام وابراهيم بصو لبعض بتوتر واحكام قالت ...طبعا اكيد
ونيمت البنت على الكنبه ودخلت معاه البلكون يتكلموا
احكام اول ما جات تتكلم خالد قاطعها وقال بسرعه...قبل ما تتكلمي..لازم تعرفي اني مستحيل اشك فيكي يا احكام...بس عايز اعرف منك الموضوع بالظبط واصل لفين بأدق تفاصيله ماشي يا قلبي
احكام هزت راسها بالموافقه و قالت بدموع...انا كنت في المطبخ زي العاده وبعد ما خلصنا نوال قالتلي هتدخل تريح وانا قولتلها هخلص وادخل استحمى واذاكر لحنان
وبعد ما خلصت سبت حنان قدام التلفزيون ودخلت الاوضه
واخدت الحمام بتاعي ..وسمعت حنان فتحت الباب لحد وكان ابراهيم ودخلتو وبقى يهزر معاها زي عادتو
انا طلعت من الحمام وكنت هلبس واخرجلهم بس اټصدمت واتسمرت مكاني لما شوفت حيه كبيره جدا بطول السرير كلو
خالد اتفاجأ وقال...ايه...حيه
احكام بقت تبكي جامد وقالت..ايوه ومنظرها كان مرعب قوي نسيت اني لافه الفوطه عليا ومش لابسه حاجه ...ونسيت ان ابراهيم بره نسيت الدنيا كلها وصړخت جامد
خالد اتنهد وتقريبا بدأ يربط الخيوط وقال بهدوء...اهدي شويه وكملي يا احكام
احكام حاولت تبطل بكا وقالت...اول ما صړخت ابراهيم جيه جري..الراجل مكانش قصده غير انو يشوف فيه ايه لاني صړخت جامد
دخل الاوضه وبقى ېقتل الحيه وجات نوال على صوتي ووقفت معانا هيه وحنان
بس مفيش ثواني ولقينا الحقېر ...قصدي جوده اخوك دخل وبقى يزعق ويتكلم على اساس اني لوحدي انا وابراهيم في الاوضه مع ان مراتو وبنتي كانو معانا...وطلعني زي ما كنت من الشقه من غير