رواية الغزاله والصياد الفصل ال ١٣ وال١٤ وال١٥ حصريه وجديده
ولو مفروض استأذن من حد يبقي بابا مش إنت خالص وبلاها سينما
في الوقت ده دخل أدم علي يامن وحكاله علي الخطه إللي اتفق عليها مع أمل واتفق مع يامن إنهم يساعدو يونس و داليدا إنهم يرجعو لبعض تآني كان يامن متشجع جدا لخطه أدم ووافق إنه يساعده
خرج أدم من عند يامن لاحظ يامن ان ميار لسه علي الخط
يامن. آيوه يا ميار آنتي لسه على الخط
ميار أول ما سمعت صوت يامن قفلت الخط على طول وكان الخط فصل
سمعت ميار الخطه بتاعت أدم وقررت إنها تبوظها مش لازم أبدا داليدا ويونس يرجعو لبعض تآني
عرفت ميار المكان إللي فيه يونس
ميار. آلو
ميار. أنا طالبه منك خدمه.
ميار. العنوان ده......... عاوزه واحده شمال تبقي هناك في أقل من نص ساعه
ميار. متقلقش كله بحسابه وإنت عارف أنا بدفع حلو
ميار. تمام حستني منك تليفون
عند داليدا
قامت داليدا ولبست ولسه حتنزل. طيب أنا حروح فين أنا حتي مش عارفه هو فين وتليفونه مقفول
رجعت داليدا تآني غيرت هدومها وقعدت تتفرج علي التليفزيون هو صحيح شغال بس هي مش شايفه حاجه ولا سامعه حاجه غير صوره وصوت يونس
نامت داليدا من كتر التفكير وصحيت علي صوت التليفون
داليدا بصوت نايم الو........
داليدا. الو
مجهول. عاوزه تعرفي مكان جوزك
داليدا. إنت مين
مجهول. اعتقد مش حيفيدك بحاجه لو عرفتي أنا مين المهم اللي آنتي عاوزاه
داليدا. قول إللي عندك
مجهول. العنوان هو...........
قفلت داليدا السكه وقعدت تفكر تنزل و لا لا العنوان اللي ادهولها الغريب ده صح ولا حد بيقول أي كلام
قامت داليدا ولبست ونزلت ركبت عربيتها أول ما ركبت تليفونها رن في الأول قررت متشوفيش مين إللي بيرن بس بصت لقت أمل
داليدا. آيوه يا أمل
أمل. أنا عرفت مكان يونس
داليدا. هو إيه الحكايه النهارده كل شويه حد يتصل بيا يقولي إنه عرف مكان يونس
أمل. هو ف حد كلمك قبلي
داليدا. آه راجل غريب مرضيش يقولي مين هو قالي علي عنوان وأنا خلاص قربت من العنوان ده
أمل. العنوان ده فين
داليدا. العنوان هو.........
أمل. طيب يا حبيبي تمام
قفلت أمل و داليدا واتصلت أمل ب أدم
أدم. يا احلي احلي آلو ف الدنيا
أمل بكسوف ودلع. أدم بقي الله
أدم. يا لهوي علي أدم وسنين أدم أدم كده مش حستحمل إنت فين يا قمر
أمر ضړبت علي دماغها. أنا متصله بيك علشان
وقالت أمل الحوار إللي دار بينها وبين داليدا
أدم. يا نهار ابيض دا فعلا المكان إللي يونس موجود فيه
أمل. وده معناه إيه
أدم. معناه إن في حد وصل ليونس ويحاول يوقع بين يونس و داليدا
أمل. طيب والعمل دلوقتي
أدم. آنتي فين
أمل. أنا ف......
أدم. تمام خليكي مكانك أنا دقايق وحبقى عندك
وصل أدم عند أمل واخدها وراحو علي المكان إللي فيه يونس
داليدا دخلت البيت وكان عباره عن شقه صغيره علي النيل مكان فعلا مريح للأعصاب
داليدا لنفسها. هي فعلا ريحه يونس فضلت تبص علي المكان بعيون متفحصه لحد ما عنيها وقعت علي المطبخ
دخلت داليدا المطبخ وكان كله بواقي أكل جاهز فتحت التلاجه لقيتها فاضيه مفيهاش غير ميه وعصير معلب و مشروبات غازيه
داليدا أخدت لفه ف البيت لقت اوضه النوم دخلتها لقت هدومه اللي خرج بيها وتليفونه إللي قفله
اتنهدت داليدا وقالت لنفسها. مبدهاش بقي
خرجت داليدا من البيت ونزلت السوبر ماركت اشترت كل اللي البيت محتاجه ومكونات خام للاكل لأنها قررت تطبخله أكل بدل الاكل الجاهز إللي أكيد مش زي أكل البيت
راحت داليدا البيت وبدأت تنضف الفوضي اللي ف البيت وتحضر الاكل وتغسل هدومه إللي واضح إنه مش
عارف يغسل ومبقاش عنده هدوم تقريبا
اللي ساعد داليدا إنها تخلص اللي بتعمله إن أدم أتأخر بره
خلصت داليدا اللي بتعمله ف البيت والاكل خلص جرس الباب رن
فتحت داليدا لقت واحد استغفر الله العظيم حاجه كده لابسه هدوم مش لابساها حاجه كده رهيبه مكياج صارخ يادوب ملامحها باينه بالعافيه هدومها فعلا حاجه مقززه من كتر العري
داليدا. نعم عاوزه مين حضرتك
البنت. عاوزه سيدك يونس
داليدا. آنتي عاوزاه ليه أم شاء الله
البنت. وإنتي مالك عشنا وشوفنا الخدامات ليهم صوت
داليدا. اللهم طولك يا روح ما تقولي عاوزه إيه يا إما تهوينا
زقت البنت داليدا ودخلت وفضلت بعنيها تدور علي اوضه النوم لحد ما لقيتها
داليدا. نهار ابوكي ملون آنتي رايحه فين يا حيلتها
راحت داليدا مسكاها من شعرها وجراها وراها إنت داخله زريبه يا حيوانه
فضلت داليدا والبنت يتضاربو ويتعاركو ويشدو ف شعور بعض بس علي مين كانت داليدا هي إللي منتصره
في الوقت ده جه يونس وكان مستغرب جدا إيه إللي بيحصل وأصوات مين دي إللي ف بيته نظريا البيت ده محدش يعرف مكانه إلا يامن وادم إزاي يعني وصل لقي داليدا قاعده ملامحها مش باينه من كتر الضړب والناس ملمومه
يونس مسك داليدا من أيدها وشالها من علي البنت
يونس. في إيه يا داليدا
داليدا بصوت عالي شبه الصړيخ. أسال المحروسه جايه بيت جوزي وبتدور علي اوضه النوم ليه ليه يا سعاده البيه ما خلاص إن غاب القط العب يا فار
فاقت داليدا علي أيد يونس وهي علي وشها
ضربها آه ضربها علي وشها بالقلم من قوه الضربه داليدا وقعت علي الارض
بصت داليدا ف عيون يونس والدموع ماليه عيونها
داليدا. إنت بتضربني علشان الزباله دي تمام يا يونس خلاص خلصت كده
قامت داليدا وقفت وعدلت هدومها ولسه حتمشي لقت أيد يونس بتمسك أيدها
يونس. إستني يا داليدا
نفضت داليدا أيد يونس وقالتله. أنا لسه عند رأيي ورقه طلاقي توصلني واضح إن أنا كنت غلطانه
وهنا بقى اڼهارت حصون الدمع ف عيون داليدا ومشيت من شقه يونس ومن كتر الدموع مكنتش شايفه ادامها
مشافتش العيون المتشفيه فيها وفرحانه من إللي حصل معاها
ارتاحي كده آنتي كده مبسوطه
ميار بخضه. انت
يتبع
