رواية جمعتهم الاقدار الفصل السادس بقلم الكاتبه فريده أحمد حصريه وجديده

متبقاش لغيري
عند زين 
كان قاعد رافع رجليه فوق المكتب وهو بيتأمل 
ايهاب ببرود وسخرية
ليقول ايهاب... ممكن اعرف سيادة الباشا عاوزني في ايه 
اظن انا مش متهم عشان تبعت العسكري بتاعك يجبني بالطريقة دي
قام زين من علي كرسي المكتب وقرب عليه 
ليكمل ايهاب ويقول پغضب.... انت عارف انا ابن مين كويس. يعني مش انا اللي اتجاب بالطريقة دي حتي لو متهم
كان زين واقف قباله. تجاهل كلامه وقال بتجبر... انا هقولك كلمتين هتسمعهم كويس.. عشان اقسم بالله ماعرف انك حاولت تكلم مرام تاني بأي شكل..صدقني هخفيك من علي وش الارض.. مرام تبعد عنها فاهم ياروح امك. لو شوفتها ماشية في مكان تلف وتمشي الناحية التانية.. عينك ماتترفعش فيها 
مش هعيد كلامي تاني.. حصل وخالفت.. هنفذ ټهديدي وانت عارف اني في لحظة امحيك 
بعد يومين 
في داخل احدي الڤلل الراقية ب المقطم 
كانت مرام في اوضتها حزينة لتدخل اختها فجأة وتقول بتعجب... مرااام انتي قاعدة وزين واهله تحت!! 
لتمسح مرام دموعها بدهشة وتقول... اييه.
قامت قربت عليها بسرعة... انتي بتتكلمي بجد 
لتقول اختها.... وهكذب عليكي ليه يابنتي.. 
كملت باستغراب وقالت... وبعدين انتي ليه متفاجاة ومش مصدقة.. هو مش النهاردة الخميس ودا المعاد اللي كان متفق عليه مع بابا.. جالك زهايمر ولا ايه.. ولا حبك للباشا اثر علي ذاكرتك.. بس مش لدرجة تنسي المعاد اللي جاي يتقدملك فيه
ابتسمت مرام بسعادة لما اتاكدت ان حب زين ليها اكبر من ان اي حاجة عن ماضيها تأثر فيه لكن فجأة ملامحها اتحولت لشړ وهي بتتوعدلو وقررت ترد حقها منه حتي لو بتعشقه
بصت لاختها وقالت.... شكلي حلو
سالي.. قمر 
لكن كملت بتعجب... بس هو انتي هتنزلي كده!! 
مرام وهي بتظبط شعرها قدام المرايا قالت... اه 
وبدون ما تدي اختها فرصة تتكلم فتحت الباب ونزلت وهي مش ناوية علي خير ابدا
قربت عليهم كانو متجمعين باباها ومامتها وزين واهله
والدها اول ما شافها قال... تعالي ياحبيبتي.. انتي اكيد عارفه. زين واهله جايين ليه 
لترد مرام وتقول بجمود... امم. عارفة
وبصت ل زين بتحدي وقالت... بس انا مش موافقة.. طلبك مرفوض يا زين باشا
في اوضة حلا كانت بتتحرك في الاوضة بممل لحد ما اتفاجأت باللي جي من وراها 
فتحت عيونها پصدمة علي اخرهم لما قال.... كنتي فاكرة هسيبك.
وده طبعا بيكون وائل اللي بمجرد ما سمعت صوته ايقنت انها خلاص اجلها قد حان 
وبعد لخظات كانت فقدت الوعي
في بيت اهل مرام
والدها ووالدتها بصو لبعض بإحراج ووالدتها قالت.. ايه اللي بتقوليه ده يا مرام 
لترد بجمود وتقول مرة تانية... مش موافقة.. اسفين يازين باشا. معندناش بنات للجواز
يتبع.......