انت حبيبي الحلقه الأولى بقلم الكاتبه عبير سالم حصريه وجديده

معزوم عندنا هو و عروسته عندنا عالغدا تعالي عندنا و باركيله
ريم حاضر يا رنا 
تحكي ريم لمامتها اللي حصل و مامتها تقولها عادي مفيهاش حاجه تروح و تباركله و فعلا تلبس ريم فستان بسيط و تلف حجابها على شعرها و تروح عندهم و قلبها بيدق جامد مش مستوعبه انها حتشوفه و هو معاه عروسته 
تفتح لها رنا الباب و تحضنها و تدخل ريم و تلقي عليهم التحيه و كلهم يردوا عليها و اول ما عينها تقع عليه تحس ان قلبها حيخرج من بين ضلوعه لكنها تحاول تسيطر على نفسها عشان محدش يلاحظ حاجه 
تلاقيه بيبتسم لها فتقرب عليه و تمد له ايدها ازيك يا مستر الف مبروك لحضرتك 
يوسف الله يبارك فيكي يا ستي و لو اني زعلان منك على فكرة كده بردو متجيش فرحي 
ريم أنا اسفه بس كنت تعبانه شويه 
تبص لمراته و تلاقيها بتبتسم لها فتسلم عليها و تباركلها ألف مبروك يا ميس سوزان 
سوزان الله يبارك فيكي يا ريم عقبال ما نفرح بيكي انتي و رنا يا حبيبتي 
تقعد ريم و يبدأ الكلام بين الكل و ريم بتشاركهم الحوار و عينها على يوسف اللي طول ما هو قاعد ايده فايد عروسته و محاوط كتفها بايده التانيه و واضح عليه حبه ليها 
يوسف عاوزكم تستعدوا بقى ان شاء الله اسبوعين والدروس حتبدا 
رنا يا ربي يا ابيه هو احنا لحقنا 
يوسف المنهج مليان يا روني
ريم هو احنا حناخد الدرس فين يا مستر 
يوسف في السنتر ان شاء الله يا حبيبتي 
تحس برعشه بتجري في جسمها بمجرد ذكره لكلمة حبيبتي فتحاول إنها تهدي نبضات قلبها ناحيته 
و تاخدها رنا و يدخلوا اوضتها عشان يقعدوا مع بعض براحتهم اما سوزان فكانت بتتكلم مع مامت يوسف و باباه عسوله أوي ريم 
رقيه والدة يوسف ريم دي ست البنات دي متربيه على أيدي و غلاوتها من غلاوة رنا 
يوسف بس عفريته مجننه المدرسين بشقاوتها
والده بس الصراحه عسل و تقعدي معاها متبطليش ضحك 
سوزان أيوة مانا عارفاها اوقات بدخل لهم حصه احتياطي و بشوفها و هي بتتكلم عسوله اوي بس على كده شاطره يا يوسف 
يوسف والله هي ذكيه بس مش بتذاكر فمستواها يعتبر متوسط 
رقيه ربنا معاها هي و رنا يارب عاوزاك تشد عليهم السنه دي يا يوسف 
يوسف ان شاء الله يا ماما
يرجع يوسف البيت هو و سوزان و اول ما يدخلوا تلاقيه بيحضنها وحشتيني اوي 
سوزان هههههههه يا بكاش مع احنا مع بعض اهوه يبقى ازاي وحشتك 
يوسف مش ام كلثوم بتقول واحشني و انت قصاد عيني 
سوزان يا حبيبي يا يوسف انت بتحبني اوي كده 
يوسف يا لهوي عالستات يعني بزمتك مش عارفه اني بحبك 
سوزان عارفه طبعا بس بحب اسمعها منك دايما 
يوسف بحبك بحبك بعشقك يا قمري 
سوزان و انا بحبك اوي يا حبيب قلبي 
يلتقط شفايفها بين شفايفه و يدوبوا مع بعض فلحظات مليانه بالحب و العشق و الغرام لحظات ينسوا فيها الدنيا كلها و يعيشوا أجمل لحظات في العمر
بعد مرور اسبوع في السنتر التعليمي 
تقعد رنا و جمبها ريم منتظرين وصول يوسف للدرس 
تسمع ريم تلميذه وراها بتتكلم مع اللي جمبها يا ترى مستر يوسف شكله حيبقى ايه بعد ما اتجوز بقى 
صاحبتها يعني حيحط روج يا سها اكيد شكله عادي يعني ده راجل تلاقي ميس سوزان بقى هي اللي احلوت اوي 
سها ميس سوزان الصراحه حلوة من قبل ما تتجوز و اجمل مدرسه في المدرسه ده اول ما جت عندنا مستر يوسف خطبها على طول