رواية الحب إختيار الجزء الأول بقلم الكاتبه ناهد خالد حصريه وجديده

رواية الحب إختيار الجزء الأول بقلم الكاتبه ناهد خالد حصريه وجديده 
_ انا مستحيل اتجوزه حتى لو هقف في وش أهلي كلهم وهقولهم لأ ما ينفعش يغصبوا عليا في الجواز! ده ما فيهوش ڠصب انت ساكت ليه ما ترد عليا
بصلي بهدوء في الأول وبعد كده اتحولت نظرته للڠضب وهو بيقولي
عوزاني ارد عليكي اقولك ايه
بصيت له وانا بردد بسخريه
ترد عليا تقولي ايه يعني كل الكلام اللي انا قلته ده ما عندكش رد واحد عليه!
لا عندي بس اللي عندي مش هيعجبك 
وهو ايه اللي عندك اللي مش هيعجبني
انك حتى لو وقفتي في وش اهلك مش هيسمعوا كلامك لو عملتي معاهم ايه برده في الاخر هينفذوا اللي هم عاوزينه وهيجوزوكي الشخص اللي هم عاوزينه 
اه ده معناه ايه اني اسكت واقبل بيه 
ضړب الارض برجله وهو بيقول پغضب
اكيد مش قصدي كده واكيد مش هينفع نسكت بس عاوزك تحطي في دماغك ان اهلك مهما عملتي معاهم مش هيسمعوا كلامك خصوصا بقى اخوكي الكبير اللي عامل فيها ابوكي ده 
هزيت راسي وانا بقول
معاك حق شاهر هو اكتر واحد مقومهم عليا ولما امك جت كلمت امي عشان تتقدملي هو برده اكتر واحد فيهم رفض وقالهم ان لو اخر واحد في الدنيا مش هيجوزهولي 
اخوكي ده اصلا عمره ما حبني ولا عمره هيحبني طول الوقت حاطتني في دماغه وما اعرفش ليه 
بصيتله باستغراب وقلتله
اخويا مش حاطك في دماغه اصلا ما فيش أي علاقه ما بينك وما بينه كل الفكره انه شايفك مش مناسب ليا 
بصلي پغضب وهو بيقولي
ويا ترى بقى مش مناسب لكم ليه قاعد في عشه وانتوا قاعدين في قصر!
وكلامه نرفزني وخلاني اتعصبت وانا برد عليه
لا احنا لا قاعدين في قصر و لا انت قاعد في عشه واهلي عمرهم ما بصوا لحد من النظره دي كل اللي هم بيفكروا فيه انهم عاوزين حد يكون محترم وسيرته الحلوه سبقاه وانت بقى ما فيش حد بيقول في حقك كلمه حلوه عشان دايما مصدر لهم انك الواد الصايع الجامد اللي ما فيش زيك اللي ما حدش يقدر يقولك كلمه اللي ما بيسكتش عن حقه فطبيعي الناس واخده عنك فكره زي الزفت 
وانا بقى المفروض امشي جنب الحيط واللي يقولي كلمه وحشه ابلعها واسكت عشان اعجب الناس و يقولوا عليا كلام حلو!
زفرت انفسها بضيق وهي بتقول
لا ما قولتش كده وده مش موضوعنا يا سيدي انا قبلاك بكل اللي فيك ومش فارق معايا الناس بتقول عنك ايه لكن انا بقولك سبب رفض اهلي خايفين عليا وعندهم حق انا بنتهم الوحيده ومن حقهم يحاولوا على قد ما يقدروا يسلموني لشخص يحافظ عليا ويصوني قولي بقى انت ناوي تعمل ايه