رواية عم الدنيا 3 نغم ولعنه 8 الحلقه التاسعه من تاليفي محمد منصور حصريه وجديده

رواية عم الدنيا 3 نغم ولعنه 8 الحلقه التاسعه من تاليفي محمد منصور 
يطلع النهار واحمد كان ماشي مع فؤاد في شارع وفؤاد كان بيقول
تفتكر ان اللي احنا هنعمله دة صح
احمد
مهما كانت النتيجة كدة احسن ما نروح للراوي ونقول له ساعدنا في الحفر
فؤاد
والماتور الغاطس دة هيقدر يسحب المية من الحفرة
احمد
ما عرفش بس دة اللي لقيته علي اليوتيوب وبيستخدمو بتوع التنقيب عن الاثار وباذن الله هينفعنا
ووصلو الاثنين عند محل راجل كبير بتاع مواتير اسمه رياض وبعد السلام قال احمد
سالنا وعرفنا انك انت عندك كل انواع المواتير
رياض
كل اللي انت عايزه عندي
احمد
طيب عايزين ماتور غاطس
رياض بص لهم من فوق 
ل تحت وقال بخبث
دة اللي بيسحب المية مش كدة
فؤاد
هو يا حج
رياض 
ودة لامواخذة عايزينه في اية
احمد
عايزينه وخلاص عندك 
ولا مش عندك
رياض
ماتروق يا عم الشيخ والكلام اخد وعطا لان الماتور دة ماحدش بيشتغل بي الا الفلاحين وانتو مش فلاحين او بتوع الاثار وافتكر انكم منهم
الاثنين بلعو ريقهم بصعوبه وبصو ل بعض وقال احمد
اثار اية بس احنا عندنا مية كتير تحت البيت وعايزين نسحبها
رياض
وشوفته المية دي ازاي الا لو انتم حفرتو وظهرت لكم
فؤاد ل احمد
يلا يا احمد نمشي
رياض مسك ايد فؤاد وقال
بسرعه كدة دة احنا لسة هنتكلم
فؤاد سحب ايدة من ايد رياض وقال
ما فيش كلام بينا
ومشي فؤاد مع احمد ورياض ندهه علي عيل صغير اسمه بندق وجه بندق ووقف قصاد رياض ورياض دة قال له
وراء الاثنين دول اعرف لي هما ساكنين فين
ومشي بندق وراء احمد وفؤاد ورياض دة طلع الموبيل بتاعه واتصل برقم واستني اللي علي الخط التاني يرد وفعلا رد وكان الراوي اللي اول ما رد قال
عايز اية يا رياض
رياض 
في حد شغال حفر يا كبير
الراوي
مين هما
رياض
ما اعرفهمش
الراوي
طيب اوصفهم
رياض وصف الاثنين والراوي تقريبا عرفهم لكنه قال
بعت وراهم بندق يعرف هما شغالين فين
رياض
ودي حاجة تفوتني
الراوي
طيب لما يرجع لك بندق بعنوانهم عرفني 
وقفل الراوي اللي كان قاعد مع جرجس وبص ل جرجس وقال
شغل ابن التهامي شغال مع عم الدنيا
جرجس باستغراب 
معقوله دة لسة بياخد عزاء ابوه
الراوي 
ما هو دة الشغل المظبوط شغالين في
وقت ما حدش