عجوز عشرينية بقلم عبير الحياة الجزء الاول حصريه وجديده

عجوز عشرينية بقلم عبير الحياة الجزء الاول حصريه وجديده 
الزعل لما يدخل قلب صبية 
متل مطرقة بتهد القلب بروية 
كل يوم طرقة ومن الۏجع بتطلع صړخة
بشوفو وجها بحكولها يخليلك هالحلا يا صبية
صبية!!... ايه صبية 
ليه استغربتو 
صبية بقلب ختيارية 
عاشت ع امل تكون عم تنحب 
بس للاسف نسيت انها 
عجوز عشرينية
مع تغريد العصافير نور كعادتها فائقة بكمية من النشاط
اطلعت على عمر الله لا يحرمني منك حبيبي وطبعت بوسه على خده وراحت ع المطبخ لتعمل عصير البرتقال يلي بحبه عمر بعد ما خلص حطت هالكاستين على الصينية وجنبها وردة جورية
راحت ع الغرفة وقعدت جنب زوجها مسكت الوردة وقربتها من وجهه وقالت_ لك الله يسعد صباحه حبيبي
عمر_ حبيبتي لسه بكير خليني نايم 
نور_ حبيبي ما بدك تشرب العص...
ولسه ما خلصت كلمتها حتى مسكها عمر وضمھا له 
عمر_ لك الله يسعدلي صباحك يا روحي
نور _يعني متل العادة ما حتتركني غير ببوسة
عمر_ دخيلو يلي فاهم علي 
نور_ وهلأ يلا نشرب العصير 
شربوا العصير وقامت حضرتله أواعيه وجهزت الفطور وعملت القهوة
أفطروا وطلع عمر ع شغله...
اليوم بالنسبة ل نور يوم مو عادي اليوم عيد زواجهم الخامس وكانت حاسة انه رح تخلي هاليوم بدل الفرحة فرحتين. قلبها بقلها انها حامل
من اول ما تزوجو وهم حابين يكون عندهم دزينة اولاد 
كان كل ما يصير معها اي شي من مغص او استفراغ تفكر حالها حامل....... 
طلعت نور من البيت وراحت لتشتري الاغراض الي لازمتها للحفلة.... 
وكان اخر مشوار لها عند الدكتورة لتعمل التحاليل اللازمة 
طلعت من عند الدكتورة وهي تبكي وتحكي
نور_ شكله موضوع الاولاد رح يضل حسرة بقلبي
راحت تقعد بالحديقة يلي جنب بيتهم 
قعدت وهي تطلع ع الاولاد وتبكي
شوي ومسحت دموعها وقالت _ الحمد لله هاد نصيبي ورح ارضى فيه
رجعت ع البيت وضلت تجهز للحفلة 
من اكلات طيبة لحلويات لسناكات
وبس خلصت جهزت البيت بالورد والشموع كان شي بجنن
قبل ما يروح زوجها بساعتين راحت ع التواليت لتعملها ساعة استرخاء وتصفي ذهنها