رواية زواج أضطرارى بقلم الكاتبة أروى عادل الفصل الحادي عشر والثاني عشر حصريه وجديده

أروى٠٠ انا مش بنت حد ماتقوليش انى بنتك لان إللى انا فيه عمرك ما كنت هتقبلوا على بنتك..
هنا جذب عمر أروى من ذراعيها وقال
عمر٠٠ طيب تعالى نتكلم فوق
هنا سحبت أروى ذراعها من عمر پغضب وقالت
أروى٠٠ أوعى ابعد عنى .. وافقت ولا لسه قولى بس اكيد هتوافق فى الاخر دى جيلان هانم إللى طلباتها أوامر 
جيلان٠٠ اسمعى يا بنت انتى انا مش عايزه اتكلم معاكى عشان مش عايزه هنزل لمستوى بتاعك
أروى٠٠حقك.....بس إللى مش من حقك انك 
تلعبى فى حياتى مش هسمحلك... ان كنتى فاكره ان ابنك ده كنز بالنسبال اى واحد فأنا بقولك خلى كنزك عندك انا مش عايزاه.. خلى عندك اشبعى بيه انا إللى مايشرفنيش اكون فى عايله زى دى
جيلان٠٠ شوفت هى دى إللى بتعرضنى عشانها 
اروى٠٠ هو سامع على فكره للاسف مش هيرد عارفه ليه..... عشان عارف ان عندى حق فى كل كلمة قولتها
عمر٠٠ كفايه بقى يا أروى..اسكتى... و لما تهدى بعدين هتندمى على كل كلمة قولتيها
هنا ضحكت بمراره
اروى٠٠ هههه هو انت متعرفش ..مافيش بعدين
عمر٠٠ تقصدى ايه بأن مافيش بعدين
اروى٠٠ اه..اه..اه إللى فهمتوا صح.. دى النهاية
عزت٠٠ استهدى بالله يا أروى عمر لسه موافقش على الجواز 
اروى٠٠ حتى لو لسه مش وافق انا مش هينفع اعيش هنا تانى انا عيشت هنا ٨ شهور شوفت الپهدلة و الإهانة وانا بتعمل أقل من أقل خدامه هنا فى البيت مع ذلك مقصرتش مع اي حد فيكم ..الاولاد يااروى حاضر..اطبخى يا أروى حاضر٠٠ مسؤولية البيت عليكى يا أروى حاضر.. فى عزومة عندنا النهارده حاضر ..حاضر...حاضر... لما کرهتونى فى حياتى و خلتونى کرهت نفسى وكرهتكم .و کرهت اهلى إللى رمونى ليكم
جيلان٠٠ انتى فاكره بقى بعد الدراما إللى التى عملتيها دى ..هتخلينى اغير رأيي ..انسى عمر هيتجوز نيفين
اروى٠٠ مبروك.. بس انا عندى تغير فى الخطة إللى .أتفقتى عليها مع سعاد هانم انك بعد ما عمر يتجوز نيفين هترفع قضية لحضانة الاولاد بعد كده هتخلى عمر يطلقنى
عمر٠٠ الكلام ده حصل يا ماما
جيلان٠٠ مين قالك على الكلام ده .. محصلش انتى كدابه
أروى٠٠ التسجيل ما بيكدبش اسمعوا
الكل سمع التسجيل إللى رامى بعتو لأروى 
جيلان٠٠ انتى بتسجيل ليا فى بيتى
عمر٠٠ جيبتى التسجيل ده من فين انتى ماكنتيش فى البيت امبارح . يبجى جبتى التسجيل منين
أروى٠٠ ابن عمك حب يوجب معاك و ينور مراتك الهبله إللى نايمه على ودانها . اتفضل شوف بنفسك مين الراسل التسجيل على فكره قالى انك عارف و موافق
بعد ما شاف عمر هوية راسل التسجيل قال بأستغراب و ڠضب
عمر٠٠ رامى ليه يعمل كده بس انا ما وافقتش .. صح انا كنت عارف بس رافض موضوع الجواز ده
جيلان٠٠ انت لسه بعد إللى قالتو بتحاول ترضيها .. ايه خاېف منها
عمر ٠٠ ماما ياريت كفايه لحد كده
جيلان ٠٠ انت بتقولى انا كفايه طيب اسمع بقى بعد إللى قالتو انت لا ابن ولا اعرفك لو ماتجوزتش نيفين
أروى٠٠ هى دى الطريقه إللى اجبرتى بيها علاء يتجوز حنان ولا دى الطريقه إللى اجبرتى بيها ياسمين تقبل زوجه تانيه عليها
جيلان٠٠ قصدك ايه ..حنان كانت مبسوطه معانا و كانت عايشه عيشه ماكنتش تحلم بيها
أروى٠٠ حنان عمرها ما كانت مبسوطه..
و كانت كارها العيشه معاكم حنان كانت عايز تطلق كمان ياسمين كانت عايز تطلق من علاء قبل ما يسافر اهى عندك أسألها
أتصدمت جيلان من كلام أروى هى كانت فاكرة ان الجميع سعيد و مبسوط بأى قرار