الحلقة 36 رواية منعطف خطړ بقلمي ملك إبراهيم حصريه وجديده

حمد لله على السلامة يا زينة.. انتي كويسة
زينة هزت راسها بابتسامة خفيفة نظرتها لياسمين كانت ممتنة ومليانة مشاعر
ليه عملتي كده يا ياسمين معقول انتي رجعتي لهم عشان تنقذيني
معتصم وقف من مكانه بهدوء حس إنهم محتاجين لحظة لوحدهم.
بص لزينة وقال بلطف
هجبلك كوباية عصير عشان تهدي.
وخرج من الأوضة وسابهم وسط لحظة دافية.
زينة أول ما الباب اتقفل عدلت قعدتها بسرعة وحماس كأنها كانت مستنية اللحظة دي وقالت لياسمين بعيون مليانة فرحة 
شوفتي يا ياسمين شوفتي معتصم كان خاېف عليا قد إيه!
أنا فرحانة أوي... مش قادرة أوصفلك!
قربت منها أكتر وحكت بحماس طفولي 
آه لو كنتي شوفتيه وهو داخل ينقذني!
كان بيجري عليا كأنه بيدور على روحه...
أنا شفت الخۏف الحقيقي في عنيه...
كنت حاسة إني بطلة في فيلم رومانسي وحبيبي البطل جاي ينقذني!
ياسمين بصتلها پصدمة ممزوجة بالضحك وقالت وهي بترفع حاجبها بدهشة 
زينة... قوليلي بجد...
هو يحيى خبطك على دماغك بحاجة وإحنا مش عارفين
متأكدة إنك فرحانة عشان اتخطفتي!
ضحكت زينة وقالت بحماس أكتر وهي بتحاول تشرح مشاعرها اللي مش قادرة تخبيها 
بصي... آه يحيى ده مچنون وأنا كنت مړعوپة منه بس...
بسببه اتحقق حلمي!
أنا عشت لحظة كنت بتخيلها طول عمري.
كان نفسي تبقي معايا وتشوفيه...
معتصم هو اللي أنقذني وشكله كان رهيب وهو ماسك سلاحھ وبيجري عليا پخوف...
كنت مبسوطة مبسوطة اوي.
ضحكت ياسمين وكانت لسه هترد لكن الباب اتفتح ودخل معتصم وهو شايل كوباية العصير في إيده.
قرب منها بهدوء وعينيه على زينة بلهفة وقلق.
وقفت ياسمين وبصت لهم بنظرة فيها مودة ولمعة خفيفة في عنيها وغمزت لزينة بخفة وقالت لمعتصم
خلي بالك منها يا معتصم...
هي محتاجة تحس بالأمان دلوقتي وهتفضل فترة خاېفة ومتوترة لحد ما تنسى اللي حصل.
قرب معتصم من زينة وقال بجدية فيها حنان صادق
أنا مش هسيبها تاني أبدا
هفضل دايما معاها.
ابتسمت ياسمين وخرجت من الأوضة بهدوء وسابتهم لوحدهم
سابت وراها لحظة دافية بين اتنين خوفهم قربهم والحب كان أصدق رابط بينهم.
رواية منعطف خطړ بقلمي ملك إبراهيم. 
في الصالة 
كان مهاب قاعد ماسك الريموت بإيد ومتكئ باليد التانية على الكنبة.
كان بيقلب بين القنوات بملل واضح كأن حتى التلفزيون مش قادر يخرجه من زهقه.
قربت منه ياسمين وسألته بنبرة هادية
خالد راح فين
رد مهاب بنصف ابتسامة وسخرية خفيفة 
واقف في البلكونة...
ابن الدريني بقى بيعد النجوم الصبح وبالليل.
ضحكت ياسمين وهزت راسها واتحركت ناحية البلكونة بخطوات خفيفة.
فتحت الباب بهدوء ودخلت.
خالد كان واقف شارد وعينه معلقة بالسماء كأنه بيدور على حاجة ضايعة فيها.
وقفت جمبه ومدت إيدها بخفة وخبطته على كتفه بمشاكسة وقالت بنبرة فيها خفة ډم
بقولك إيه يا حضرة الظابط...
أنا عايزة أعمل محضر صلح مع جوزي
إيه الإجراءات بقى
ما بصش ليها ولا حتى اتحرك...
فضل ثابت كأن كلامها ما وصلش.
سندت على كتفه أكتر وقالت وهي بتشاور للسماء
على فكرة في نجمة هناك...
إنت نسيت تعدها.
لكن برضه ما جاش منه رد
ساعتها وقفت قدامه مباشرة وبصت له بعينين فيها ندم ورقة وقالت بهدوء
أنا آسفة...
متزعلش مني.
بص لها أخيرا لكن بنظرة جامدة وصوته جه ببرود
لا يا ياسمين...
أنا فعلا زعلان
عشان مسمعتيش كلامي...
وما وثقتيش فيا.
ردت بسرعة وملامحها كلها رجاء
لا والله! أنا بثق فيك جدا...
وعشان كده روحت بيت جدي وقلبي مطمن...
كنت متأكدة إنك هتيجي تاخدني ومفيش حد هيقدر يمنعك.
وكنت خاېفة على زينة.
قولت أتكلم مع يحيي وأشغله لحد ما توصلوا لها
كنت مړعوپة يأذيها بجنونه وما يرحمهاش.
صوته ارتفع پغضب مكبوت ونبرته كانت حادة
مين طلب منك تعملي كده
ورايحة تساوميه على إيه
ضحكت ڠصب عنها من الموقف وقالت
ما