رواية قلب شايل بيت الفصل الاول بقلم مني أبو نوفل حصريه وجديده
رواية قلب شايل بيت الفصل الاول بقلم مني أبو نوفل حصريه وجديده
الاول / نسمه ب صډمه: دي تالت مره تعزمني وتقول نسيت الفلوس وانا ادفع انا المفروض خطيبتك يعني انت الراجل انا معنديش مشكله اني ادفع بس لما تكون نسيت حقيقي
زياد ب سخريه: وفيها ايه!!!!!
انتي بتشتغلي وع قلبك فلوس قد كده مستخسره فيا الفلوس؟
نسمه ب استغراب: انا مش فهماك انت باصص لشغلي!
مش فكرت للحظه انا بشتغل ليه؟
زياد: بصي بقي انا معنديش حريم تشتغل بعد الجواز يعني انسي شغلك لما نتجوز
نسمه ب دهشه: حريم؟؟ وانسي شغلي!!!
طب بابا كان اتفق معاك اني هفضل اشتغل وانت وافقت
زياد: واهو الله يرحمه ماټ يبقي كلامي تسمعيه وتنفذيه والا كل واحد يروح لحاله سلام
زياد مشي من المكان وساب نسمه لوحدها وهي مصدومه وبتفكر نسمه قاعده ع الكرسي وبتعيط من طريقه خطيبها معاها ومستغربه ليه بيعمل كده وانه اتغير وبقي بيزعق ويغلط كتير ف حقها
مامت نسمه: اتأخرتي ليه يا نسمه بره!
نسمه: كان عندي شغل لازم اخلصه يا ماما بالله عليكي مش تقومي من على السرير تاني انتي تعبانه لازم ترتاحي عشان خاطري
مامت نسمه ب تعب وحزن: انا عاوزه انزل معاكي السوبر ماركت اشتغل معاكي انتي تعبتي اوى والحمل زاد عليكي من يوم ابوكي ما ربنا افتكره وانتي مش ارتحتي يا نسمه
نسمه: انا مرتاحه يا ماما الراجل صاحب السوبر ماركت راجل طيب ومحترم وبيديني مرتب حلو الحمدلله بقدر اعلم اخواتي واجيب علاجك ربنا ساترها معانا مش تشيلي هم حاجه
مامت نسمه: ربنا يقويكي علينا يا بنتي وتفرحي قريب انتي وزياد
نسمه ب حزن و نظره للسما: يارب يا ماما يلا روحي ارتاحي
دخلت نسمه اوضتها قعدت تفكر وتقول
_انا لو سيبت الشغل واتجوزت ماما واخواتي الصغيرين هيعيشوا ازاي ومين هيجيب لماما علاجها ومين هيعلم اخواتي ويأكلهم مين هيعمل كل ده لو انا مروحتش الشغل تاني لو كان عندي اخ ولد كنت مش هشيل هم اخواتي وامي لكن دول بنات اخاڤ عليهم من الزمن والناس ومحدش بينفع حد ولا بيشيل هم حد اخاڤ عليهم من بكره يارب خليك معايا سهل اموري الجايه يارب
غاده اخت نسمه بتخبط ع باب اوضتها
نسمه: تعالي يا غاده تعالي يا حبيبتي
غاده: نسمه انا عايزة فلوس اجيب كراسه وقلم عشان عندي امتحان بكره
سلمي وهي بتجري ع الاوضه
_انا كمان يا نسمه عايزة اجيب زيها
نسمه: حاضر يا بنات بكره قبل ما امشي الشغل هسيب فلوس ولما تروحي المدرسه بكره يا غاده انتي وسلمي تخلوا بالكم من نفسكم، غاده انتي في سنه خمسه وسلمي في سنه رابعه ابتدائي يعني انتي اكبر منها بسنه خلي بالك من اختك وحافظوا على بعض
