رواية ولكنني أحببت البارت التاني والثالث حصريه وجديده
المحتويات
بنظرة مش مفهومة وساب وشها واداها ضهره وقال ..
انا طالع فوق تخلصي اللي قولتلك عليه وتطلعي تشوفي أمي لو عايزة حاجة تعمليهالها
سابها وخرج على برا قعدت في الأرض وبدأت ټعيط تاني بحړقة وقهر
فلاش باك يوم ٢٥ ٢ ٢٠١٩
عمر بيفتح الباب وداخل من باب الشقة بتورتاية حطها علي السفرة ووقف استخبى ورا الباب
خرجت مريم من المطبخ تشوف مين اللي جه وهي ماشية شدها من ورا الباب وقبل ما تلحق تصوت حضنها جامد وفي ودنها قال ..
كل سنة وانتي النور اللي مالي قلبي ومنور دنيتي
اتلفتت بفرحة ولهفة وقالتله ..
انت ازاي حلو اوووووي كدا !
من خده وجريت فتحت التورتاية عليها صورتها كبيرة ومكتوب عليها اسمها ..
عمر عيد ميلادك الأساسي هيكون بكرا لما نعزم كل الناس والنهاردة حبيت اعملك عيد ميلاد صغير بيني وبينك عشان يبقى ذكرى لأول عيد ميلاد لحبيبتي بعد الجواز وأقدر اديكي هديتك واشوف رد فعلك من غير ناس ولا دوشة
مريم انا مش عارفة اقول ايه اقسم بالله هعيط من الفرحة
عمر يلا تعالي اوريكي هديتك
نرجع للأحداث الأصلية
كالعادة مسحت دموعها وقامت من ع الأرض وبدأت تعمل الحاجات المطلوبة منها وهي بتشتغل الباب خبط راحت تفتح ..
سارة لقيتك مبتسأليش قولت اجي أسأل انا
شافت سارة أختها قدامها خدتها بالحضن وڠصب عنها عينيها دمعت بس تماسكت وقبل ماتسيب حضنها مسحت دموعها
مريم تعالي نقعد بقا ونتكلم براحتنا
بعد ما قعدوا
مريم جيتي في وقتك والله كنتي وحشاني جدا ومحتاجة أشوفك
سارة والله انا لقيتك مبتسأليش وبصراحة انا كمان الفترة اللي فاتت كنت مسحولة في الجامعة عشان أول سنة بقا وبتعرف علي كل حاجة فقولت اجي أشوفك
مريم خير ما عملتي استني أقوم أعمل حاجة نشربها
سارة باستغراب وتركيز مريم ايه الچرح اللي في رقابتك دا !!
مريم بتعمل فلاش باك علي نفس اليوم الصبح عمر بيحاول يغتصبها وهي بتصوت وتفلفص وعشان يحاول يمسكها بالعافية شدها من رقابتها .. اتعورت
مريم بتوتر تقريبا وانا نايمة حاجة قرصتني فقعدت اهرش فيها كتير لحد ما اتعورت
سارة اممممم تمام
تعالي هقف معاكي في المطبخ وانتي بتعملي النيسكافيه
في المطبخ
مريم طمنيني علي ماما كويسة وبتاخد ادويتها
سارة كويسة مش ناقصها حاجة غير انها تشوفك
مريم حا.. حاضر مانا أكيد هاجي طبعا
سارة اكيد هاجي ايه يا مريم انتي بقالك كذا شهر بتقولي نفس الجملة ومبتجيش
لولا انك كنتي بتجيلنا كتير اول كام شهر جواز كنا قولنا عليكي ما صدقتي تخلصي
مريم لا والله بإذن الله هاجي قريب جدا
سارة مريم انتي كويسة
مريم ليه بتقولي كدا
سارة وشك بهتان وعينيكي مغربة وشكلك زعلانة من حاجة لو محكيتيش ليا هتحكي لمين
مريم بعد ما عينيها دمعت لا
متابعة القراءة
