رواية من_فضلكِ_فرصة_أخيرة بقلم_زهرة_عصام الفصل الثاني حصريه وجديده
طبطب على كتفها و قال بهدوء:-
شاطرة يا داليا طول عمرك عاقلة يا حبيبتي ، كان لازمتها اية بقي النمرة اللي عملتيها في المطار ؟!
داليا بفخر:-
برحب بيك يا حبيبي إنت و المدام اية اسيب الأجانب يقولوا على المصريين ميعرفوش في الزوق ؟
لا لازم ترحيب يليق بيكم و اديك شوفت مصر كلها رحبت بيك إنت و المدام
منير بصلي بحيرة من بردي و ردي اللي يبان أنه خلاص مبقاش فارق معايا و كان حرفيا هيتشل و هو واقف
سابني و مسك ايد البت الملونة الملوقة و دخل شقة أمه القعيده اللي كنت يخدمها برموش عنيا لكن مطمرش في البـغل أبو كرش دا
دخلت وراهم لقيت حماتي مبهورة بالبت معاها حق والله هي البت حلوة الصراحه بس عاملة من كل فيلم اغنية عيون زرق و شعر أصفر و بياض اية قشطة يا أخواتي قشطة
- إيه رايك يا حماتي في الإيطالية دُرتي يا حماتشي
لقيت حماتي بتبص ليا و بتبلع ريقها بصعوبة و قالت بصوت واطي:-
معلش يا داليا حقك عليا أنا والله يا بنتي حاولت
حطيت ايدي في وشها و قولت بدراما :-
ششش مش عاوزة أسمع حاجة كلكم خونه كلكم مطمرش فيكم عشرتي
خدت نفس و غمرت لجوزي و قولت اية يا حبيبي أنفع ممثلة
كان مزهول من رد فعلي و من تقبلي للموقف مسكين ميعرفش اية اللي هيحصل فيه
فاق علي كلامي وأنا بقوله :-
بس أحييك على اختيارك يا منير والله أنا لو منك مكنتش سبتها تهرب من تحت ايدي
ابتسم و غمزلي و هو بيقول :-
حلوة صح ؟!
بصيت ليها وأنا بصفر و بقول :-
حلوة بس دي صاروخ أرض جو يبني
عليا صوتي و قولت يا عيال تعالوا سلموا على بابي أصل شكله نسي أنه مخلفكم
حماتي كانت بصالي پخوف وأنا عارفه لية مهي عيلة بنت *** كل اللي هاممها دلوقتي إن مين هيخدمها بس أنا مديتهاش اي إهتمام
الولاد نزلوا و جريوا على أبوهم اللي حضنهم بلهفة مهم في الآخر عياله شال بنتي علي ايده و ماسك ايد ابني و واقف يعرفهم على المدام اللي فجأة صړخت بقوة و هي بتقول
تابعووووووني
