جميله بنت علياء الفصل الاول حصريه وجديده

قسمه ونصيب و جميله مش موافقة للاسف. 
حسناء پصدمة نعم ياختي يعني اي بنتك رفضت ابني لي يعني مش قد المقام ولا مش قد المقام. 
علياء بهدؤء اي الكلام دا يا حسناء لا طبعا قده بس هي مش عاوزة اغصبها يعني. 
حسناء بغل بقا كدا ماشي يا علياء براحتكم.
قفلت السكه پغضب ماشي يا جميله انا هوريكي اما فضحتك وخليت سيرتك علي كل لسان وانتي اللي تترجيني اجوزك ابني مبقاش اسمي حسناء. 
بعد شويه.. 
تحت البيت بيجي شاب ويقعد يزعق بتعملي لي بلوك يا جميله عاملة لي فيها بنت انزلي لي انا هوريكي. 
حسناء بتنزل جري في اي انت يابني وعاوز اي. 
الشاب بخبث انا اللي بنتكم ضحكت عليه ولما خدت مصالحها منه سابته فاكراني اهبل وهسكت ليها. 
جميله بتنزل باستغراب انت مين وبتتكلم كدا لي اصلا. 
الشاب بزعيق انتي هتعملي نفسك مش عارفني عشان مفضحكيش تبقي غلطانه انا جيت اعرف الناس دي حقيقتك. 
جميله پغضب حقيقة وقرف امشي ارمي بلاك علي حد تاني. 
الشاب پغضب انا مبرميش بلا انتي خدتي مني فوق العشرين الف جنيه و كنتي عاملة بتحبيني و لما عرفت حقيقتك روحتي بلكتيني. 
جميله پصدمة اخرس يا كداب انت واحد نصاب. 
الجيران بدءت تتكلم علي اخرها.. 
علياء بزعيق بنتي متعرفكش ومستحيل تعمل كدا. 
عيسي جاه بسخرية وهي لو متعرفوش هيعرف بيتها و يجي ويعمل كل دا لي مچنون هو. 
جميلة ببرود خلصتوا لو انا فعلا عملت لك بلوك وخدت منك فلوس اي يثبت وريني البلوك نفرجه للناس والتحويل كمان. 
الشاب ريقه بتوتر مسحت الشات اي هكدب يعني والتحويل انتي كنتي بتنزلي معايا وخديهم فوري. 
كف قوي نزل علي وشه منها دي عشان انت كداب وغبي. 
كف تاني رجعه ورا ودي عشان خيالك المړيض او اللي بعتك تعمل الشوية دول. 
الشاب پغضب بتمدي ايدك عليا انا هوريكي. 
كان هيمسكها پغضب ايد زقته بعيد.. 
جميله پصدمة عمي انت رجعت من السفر. 
طاهر پغضب اه رجعت انت كنت عاوز تمد ايدك علي بنت اخويا مش كدا. 
الشاب پخوف ا اي هي اللي غلطانه ربوها الاول وتعالوا حسابوني. 
بوكس قوي وقعه علي الارض انا بنت اخويا متربية احسن منك انت واهلك كلهم انا لو شوفتك هنا تاني ھدفنك ب ارضك. 
الشاب جري پخوف.. 
والجيران بتهمس لبعض قال هي دي جميله اللي الكل بيحلف بيها يا خسارة. 
اخري بقرف قال وعاملة نفسها بنت بهوات وهي ولا تسوى طلعت نصابه اهي. 
علياء بزعيق اخرسي انتي وهي اللي هيجيب سيرة بنتي هقطع لسانها . 
طاهر بهدؤء خلاص يا علياء يلا تعالوا فوق وانت يا راجل يا اللي انا سايبك واقف تتفرج علي الحيوان دا وهو بيسوء سمعة بنت عمك و كان هيمد ايده هو انا سايب اربع نسوان غور علي فوق. 
عيسي خاف وطلع و حسناء ابتسمت بخبث انه جزء من خطتها نجح... 
بعد شويه.. 
طاهر بهدؤء يعني
انتي بجد متعرفهوش يا جميله. 
جميله بهدؤء لا يا عمي وبعدين ادي تليفوني اهو لو في بلوك له هيبان انا اصلا معنديش واتس وشغلي علي مواقع تانيه. 
طاهر بابتسامة انا واثق فيكي والواد دا انا هعرف قراره. 
حسناء بلعت ريقها پخوف ما خلاص يا خويا مش مهم اللي حصل المهم دلوقتي سمعة البت اللي راحت. 
علياء بهدؤء سمعة بنتي فوق الكل يا حسناء. 
حسناء بخبث هو انا قولت حاجه الجيران اللي بتتكلم انا من رايي اننا نجوز عيسي ل جميله عشان نخرسهم. 
جميله پغضب انا مش هتجوز ابنك يا مرات عمي. 
طاهر بهدؤء جميله المرة دي حسناء معاها حق. 
جميله پصدمة بس انا مش عاوزة اتجوزوا يا عمي هو بالعافيه. 
طاهر بحنان لا مش بالعافية بس احنا لو عملنا كدا الناس هتسكت و وعد مني لو ابني زعلك انا اللي هقف له. 
علياء بحزن لو ليا خاطر عندك وافقي يا بنتي. 
جميله بصت ل حسناء بجمود ماشي انا موافقة بس عندي شروط. 
حسناء بسخرية كمان هتتشرطي بدل ما تحمدي ربنا
جميلة ببرود اولا ابنك ملهوش دعوة بشغلي انا هكون زي مانا وتاني حاجه انا عاوزة 50 جرام دهب شبكتي يا مرات عمي دا غير اللي هيتكتب في القايمه طبعا. 
حسناء پصدمة نعمممم كاااام 
يتبع