مصطفى وليلي حصريه وجديده وكامله جميع الفصول
يمشي
صفوان ايوا فكرتني بما ان النهارده ليلة رمضان فين الزينه واغاني ومضان الصواريخ والدنيا بتاعت رمضان دي فين الكلام دا
غفران بحزن هعلق زينه واشغل اغاني وبنتي مدفونه يا صفوان
صفوان ان لله وان اليه راجعون كلنا ھنموت محدش هيخلل فيها ودا قدرها وساعتها وجت وقضي الامر دي حاجه وزينة رمضان حاجه تانيه احنا هنعلق ومفيش كلام
غفران بقلة حيله اعملو اللي تعملوه بقا
البنات فرحو اوووي وراحو علشان يطلعو الزينه ويجهزو الحجات علشان يعلقوها
صفوان ايه يا جيني ناوي علي الصيام ولا زي كل سنه
جمال بغيظ السنه اللي فاتت كنت عيان علشان كدا فطرت متعلقش علي كل حاجه كدا
صفوان عااارف يا اخويا عااارف انت من كتر التقوي والايمان علامة الصلاة مش لاقيه سبب علشان تطلع اصلا
غفران بضحك حسبي الله الا فين ابوك يا جمال مشفتوش النهارده ليه كدا
جمال ابويا نايم مفيش شغل قالي سبني نايم اصحي براحتي
غفران بستغراب مفيش شغل ازاي الارض اتزرعت كلها
جمال ايوا زودنا العمال وخلصوها علشان الحر ورمضان ومحدش هيقدر يعمل حاجه
اسراء دخلت صفوان تعالي يلا علشان تعلق الزينه احنا طلعناها
صفوان كوباية شاي بقا علي كيفك وتعالي ورايا وقام طلع برا وبدأ يعلق في الزينه وجمال راح علشان يساعدهم
صفوان جمال ابعد بعيد الله يسترك مش ناقصين مصايب
جمال وانا هعملك مصايب ايه يا حونين انت
صفوان شوفت قولت ايه انا حونين مش جحش ابعد بقا كدا بدل ما ازحلقك للأخره
اسراء احنا عوزين نحط الفانوس في الصاله يا صفوان والعقد النور ننزله من علي البيت فاهم
صفوان بصي احنا هنعمل ايه الفانوس كبير علشان كدا هنعلقه قدام البوابه بتاعت البيت وعقد النور حولين منه علشان المنظر يكون حلو
وفعلا بدؤ يعلقو الزينة بمساعدة الحاره علشان يوصلوها بالبيت اللي في وش بيتهم والعيال بتلعب في الشارع واللي بيولع سلك والاجواء اصبحت ترحب بدخول الشهر الكريم عليهم
