امراه لا تشعر بالزيمه الحلقه الاولى حصريه وجديده

امراه لا تشعر بالزيمه الحلقه الاولى حصريه وجديده 
انتى يا هانم 
كنت بطبق فالهدوم حطيت البنطلون على السرير ورديت عليه نعم! 
قرب وضغط على دراعي وصوته بدأ يعلى أول وآخر مره صوتك يعلى على امي أو حد من أخواتي انتي فهماني. 
ساب ايدي ف اتكلمت بهدوء وأنا من امتي صوتي بيعلى على حد من أهلك ومين بقى بخ سمه فدماغك وجاي تحكي معايا بالشكل ده! 
احترمي نفسك وانتي بتتكلمي معايا وإلا... 
وإلا إيه.. قولي هتعمل إيه
هعيد تربيتك من جديد.
طبقت جفوني وضغطت على سناني بعصبيه حاولت اهدي نفسي وهديتها بجدارة.
مين قالك الكلام اللي انت بتقوله ده فهمني. 
ضهره واتكلم امي واختي قالولي إنك زعقتي فيهم ولما ابن اختي جه هنا حضرتك مارضتيش تفتحيله الباب ونزل يعيط ولا ده محصلش. 
اتكلمت بإعجاب دماغ سم أوي والله بجد أمك واختك أنا عملت كل ده وأنت بقى ياحبيب أمك صدقت فورا.
الټفت وبصلي سدرة قولتلك احترمي نفسك. 
لحد هنا وجبرنا مش هسكت أكتر من كده المشكلة إن أنا لحد دلوقت محترمه نفسي وبكلمك بأدب ولكن ده كلام أنا مش هسكت عليه ودلوقتي حالا تنادي على ابن اختك وهتسأله بنفسك. 
لو ده حصل فعلا مش هعديها يا سدرة مش هعديها. 
ولو ده محصلش هتطلقني. 
كان خارج فرجعلي تاني وبإيديه ضغط على وشي 
لسانك الحلو قال الكلمة دي تاني أنا هقطعولك. 
بعدت ايديه وزعقت فيه ايدك يا ح يوان وهتطلقني ڠصب عنك أنت فاهم. 
رفع حواجبه وقرب مني أكتر بتقولي إيه سمعيني تاني كده قولتي إيه 
بقولك هتطلقني يا ياسين يعني هتطلقني. 
لا عايز أسمع اللي قبلها عشان كل فعل وله رد فعل. 
بدأت اتوتر واتكلمت بتعلثم م ا مقولتش.. مقولتش حاجة أنا. 
كان بيقرب مني وكنت برجع لورا بخطوات حذرة لحد مالزقت فالدولاب وبكل عصبيه خبط بايديه الاتنين على الدولاب 
أنا ح يوان يا سدرة 
همست بضعف ياسين. 
بعد فجأة بعدها بدأت أخد نفسي براحه ومسحت دموعي ورجعت اتكلم وقطع صوتي نهائي لدرجة حسيت لساني اټشل. 
هتعمل إيه ياسين أنت عايز تضربني.. 
هز راسه آه. 
قلت بتحذير وجلال الله ايدك لو اتمدت علي يا ياسين.. 
سبقني واتكلم هتعملي إيه يعني! 
هنط من