الجن يحكي بقلم صبحي المرسي حصريه وجديده وكامله جميع الفصول

الجن يحكي بقلم صبحي المرسي حصريه وجديده وكامله جميع الفصول 
انا مش هقولك انا مين
ولا انا ايه
لانك لو عرفت عمرك ما هتكمل لسطرين تلاتة
لكن اللي اقدر اقولهولك
اني موجود في اماكن انتو بتفتكروها فاضيه
موجود قبل ما ارضكم تبقى ارض
وقبل ما بيوتكم تتبني فوق بعض
واحكيلك حكايه
حكاية حصلت من كام سنه
بس محدش عرف حقيقتها غيري
بداية الموضوع
كان فيه شاب اسمه كريم ساكن في قرية جنب جبل صغير مكان الناس پتخاف تقرب منه بالليل
الجبل دا من زمان بيتقال عنه 
محدش يقعد عنده بعد المغرب
ولا تمشي جنبه لو انت لوحدك
بس كريم ماكنش بيصدق الحواديت
كان فاكر كل دا خرافات جدود
في يوم قرر يطلع الجبل يصور فيديوهات لصفحته
الجو كان برد الهوا ناشف والليل نازل بدرى 
اول ما وصل تحت الجبل سمع صوت كأن في حد بيناديه من فوق 
كريممم
وقف بص حواليه مفيش
ضحك وقال 
اكيد هبة الهوا
بس كان غلطان
اللي كان بينادب
انا اللي ناديت
كريم طلع الجبل وكان ماسك كشاف وكل شوية يوجهه على الصخور
بعد 20 دقيقة وصل لحتة فيها كهوف صغيرة
وقف قدام واحد منهم وقال 
لو في حد هنا يعمل اي صوت عشان اثبت للناس ان المكان دا پيخوف
وانا كنت اقرب له من ضله
فوق دماغه نزلت حصوة صغيرة من غير ما حد يشوف انها اترفعت الاول 
كريم اتوتر بس كمل 
قال بصوت عالي 
لو حد عايز يظهر انا مش خاېف
هو كان فاكر نفسه شجاع
بس الشجاعه الحقيقية
انه يعرف امتى يرجع
الليلة اللي اتغير فيها كل شيء
كريم دخل الكهف الاولاني
اللي انا كنت ساكن فيه
هو شايفه ظلام
بس انا شايفه كله
وقف جوه وقال 
غريب الجو هنا ابرد
بص في الكاميرا وقال 
حاسس ان في حد ورايا 
الحقيقة
انا كنت قدامه
قربت منه اقرب من ملامس النفس
بس من غير ما يلمحني
ومديت ايدي لو ينفع اسميها ايد ولمست كتفه خفيف
كريم اتجمد 
قال 
ايه دا
خرج يجري برا الكهف وهو بيشتم خوف
فضل يجري لحد ما رجليه خبطت في صخرة ووقع
كان بيحاول يقف
بس انا كنت معاه 
همست جنبه 
انت جيت ليه
هو سمع الصوت
ودانه سمعت
بس عقله رفض يصدق
راح البيت مړعوپ
وقرر ما يقولش لحد
بس اللي حصل
كان مجرد بداية 
الليالي اللي بعدها
انا ماكنتش بسيبه 
اول ليلة سمع خطوات في البيت
ثاني ليلة سمع حد بيتنفس عند ودنه وهو نايم
تالت ليلة شاف ضل يعدي من قدام اوضته
ابتدى يشك انه بيتجنن
يقعد في الصالة
النور يقطع
يولع كشاف الموبايل
يلاقي الباب بيتفتح لوحده
يقفل الباب
يسمعه بيتفتح تاني
كان پيصرخ 
مين
في ايه
بس طبعا محدش يرد بصوت
لان