آسفه أرفض الزواج الفصل السادس بقلم الكاتبه سلوي عليبه حصريه وجديده

صباح الفل على عيونك يا مهندسنا ياعسل .دخل باسم إلى مكتب نديم الفخم فهو له وضعه المرموق بتلك الشركة .سأله باسم على حين غرة صحيح أمال انت كنت فين امبارح رحتلك البيت بعد الصلاة أقعد معاك شويه ملقيتكش وحتى مكنتش بترد على الفون. 
ارتبك نديم وقال وهو يحاول أن يظهر منشغلا بما أمامه من أوراق مفيش نزلت اتمشيت شوية ومأخدتش بالي من التليفون.
نظر إليه باسم بخبث وقال ااااه بتتمشى .اممممم صحيح هى التمشية دلوقت بقت بره حدود القاهرة عند محل حلويات حنين ولا إيه !
نظر أليه بإندهاش وقال انت بتراقبنى ياباسم.
ضحك باسم بقوة وهو يقول حظك النحس وقعك تحت إيدى لما ابن عمى شافك واتصل علي مكنتش مصدق وكان مفكرني معاك ولما جه عشان يسلم عليك كنت انت مشيت .قعدت أبررله أن حضرتك اشتريت حلويات من محل حنين ولما روحت لقيت غلط فى الحساب وانت راجل مبتحبش حاجه عليك فقررت ترجعلها يوم الأجازة ولما سألنى طب ليه مقلناش واحنا كنا روحنالها قلتله محبش يشغلكم وكمان هو اتحرج يفوت يسلم عليكم عشان أنا مش معاه.
وقف نديم فجأة وقال عايز إيه ياباسم
أحابه باسم بجدية عايز أعرف مالك ايه اللى حصلك وخلاك تروح هناك امبارح وكمان انت أصلا مش مظبوط من ساعة مارجعنا وانا اقول يمكن فيه حاجة متضغطش عليه لكن كده يبقى لازم أعرف فيه إيه 
وقف نديم أمام نافذة المكتب المطلة على الشارع الرئيسي بمبانيه الشاهقة وازدحام الطريق من السيارات وقال بإقرار حبيتها ومتسألش إزاي لأني نفسي مش عارف!
صورتها مبتفارقش خيالي حتى صورة ولادها هم كمان . أكمل بتيه زعلت لما شفت ولادها وعرفت انها متجوزة بعد كده فرحت جدااا لما عرفت إنها أرملة لقيت نفسى ولأول مرة نفسي فى عيلة وبيت دافئ معاهم هم وبس .بقيت بتخيلهم معايا فى شقتى بيجروا ويتنططوا وانا بلعب معاهم وأعوض سنين حرماني ووحدتي . قلت يمكن اتشديت ليهم عشان ظروفهم بس لقيت عقلي بيقول لا وقلبي كمان بيقول لا أنا عايزها حبيبة وزوجة وأم وأخت وصاحبة وونس. إستدار لينظر إلى باسم والذى يرى نديم بتلك الحالة لأول مرة .
إقترب منه باسم وهو يأخذه بأحضانه ويقول ياااه يانديم قدرت تعمل فيك كل ده من مرة شفتها فيها. 
إبتسم نديم بتهكم وقال لا ماهو بقوا مرتين دلوقت .ثم قص عليه مافعله معها وكلامه إليها. 
فتح باسم عينيه من كثرة إندهاشه وقال نعععم ليه يعنى .انت مچنون يابنى فيه حد يعمل كده بزمتك 
رد نديم پجنون أيوه أنا لما الاقيها بتكلم أخو جوزها ده بأريحية كده وتضحك معاه حسيت انى هتجنن فعلا وفيه ناااااار قايده فى صدري .
ضحك باسم بقوة وقال بس يابنى مش كده . ثم أكمل مرة واحدة بجدية