رواية عشق تحت ظل أسود الفصل العاشر والاخير بقلم جيجي حصريه وجديده

حق الدقيق
ندى... بقولك ايه اما نرجع هقولك على موضوع
يونس... روحي روحي هل انت فلقه لما نرجع اقولك موضوع لما اجي اقولك موضوع عشان انا اسكت
ندى.. قلتلك انا ما اقدرش اسيبها ما يخون العشره الا ولد الحړام
يونس... من حسن العشره اللي كانت معاكي يا بنت نسيتي شعرك اللي كانت هتقصهولك والسحل اللي سحلتهو لك بتها قاعده في بيت جوزها وما سالتش عليها انتى ايه اللي يوديكى
ندى بخبث.... نقولك ولا تغير ام المرحوم
يونس... امم ريحه الحبايب يعني
ندى... واه انت زعلت ولا ايه انا اقصد يعني ان جدت بتى
يونس... بتك اللى كانت عاوزه تاخدها منك
ندى..... قلبك اسود عاد عشان جوزى الله يرحمه كان لما يلقانا مټخانقين مع اني ما كنتش اشكيله منها كان يقول عشان خاطري عامليها زي امك دلوك يعني تحتسب وصيه هفضل طول عمري ما عاملاها كيف امى بعدين انا لو لسه بحب الله يرحمه وما نسيتهوش ما كنتش قعدت معاك بس انا عشان اتخطيت الموضوع ده حبيتك
وكملت بخبث... ومين قال ان القلب يشيل واحد فيه بس عادي ممكن يشيل اربعه وهو ماټ خلاص
يونس... انا واحد والمرحوم واحد مين التنين التانيين 
ساره التالته مين الرابع
ندى... لما ارجع هقولك
وراحت عند بهيه وقالت... صباح الخير يا مرت عمي جبتك عيش واكل اهه
بهيه.... ما طفشتيش ليه زي اللي طفشه
ندى.. تمرت فيا العشر الحلوه بتاعتك يا حماتي كل ما انام تفكرني بيكى
بهيه... ما كفاكيش اللي حصلى بسببك وبسبب دعاويكى اللي بتدعيها
ندى... اني ما دعيتش يا خاله انتى لما ضربتيني ما تكلمتش بس قلتلك انى مش مسامحاكي لما كنتى هتاخدي مني ضنايا انتى ام وعارفه يعني ايه تاخدي مني بنتي يعني افضل عايشه لوحدى كنت قاعده مستحملاكي ومستحمله ولدك ومستحمله الناس بس تاخدى بتى ده. ما يرضيش ربنا انتى اللي خليتيني ادعى ودعوه المظلوم واصله وربنا بيشهدها بعدين انا بس دعيت انك ما تاخديش بتي ما دعدتش ان انتى تتكسرى
بهيه... طب قاعده تاجى ليه
ندى... هتصدقيني لو قلتلك ما هونتيش عليا اخليكي تخدمى نفسك برجل واحده تعملى الاكل وتعملي ده وده قلت اقصر معاكي هخليكى على قد روحت الحمام
بهيه... عيالي طفشو منى
ندى.... الدنيا مشاغل يا خالتي سنتين كمان بس البنت ساره تشد تقدر تمشي نفسها على المدرسه وانا هجيبها تبيت معاك 
بهيه.. صح والنبي يا ندى اشمع دلوك هتديهالي
ندى.. عشان ما تاخديهاش على طول عندك هتيجي عندي شويه وتيجي عندك شويه هتبقى عادي كيف اي واحده رايحه لجدتها تبقى كبرت تقدر تقعد من غيري عايزه اقولك على حاجه كمان اني حبله
بهيه... انتى يا بت جايه تقعدي معايا ولا جايه تفوري دمي
ندى... يونس من حقه يبقي معاه ولد يشيل اسمو انا كمان يعني خلاص قدر الله وما شاء فعل