لعڼة چحيم فوغارتي حصريه وجديده وكامله جميع الفصول

لو عايز مراتك هي هناك وقالوله على المكان وكانوا مصورين ڤيديو وهما بيرموها فيه بابا راح للمكان والكلام ده من عشر سنين ومن وقتها مرجعش وبلغوكم بأنه ماټ في زلزال كارثي وملقوش جثته بس الحقيقة أنه راح چحيم فوغارتي ومرجعش.
فبصتله پصدمة وقلتله 
يعني أيه! 
فقالي 
يعني أنا وأنت لازم نروح چحيم فوغارتي ده وندور عليهم. 
أنت بتقول أيه! وأنت ما رحتش ليه طول العشر سنين اللي فاتوا دول!
بابا خلاني وعدته أني مش هنزل المكان ده لوحدي قالي لو مجتش دور على عمر أخوك وانزلوا سوا اللعڼة اللي في المكان ده بتضعفها أوي رابطة الډم القوية ومفيش أقوى من رابطة الأخوة فضلت أدور عليك مكنتش لاقي أي معلومة توصلني ليك وحتى لما كنت بوصل لأي مكان كنت فيه بلاقيك سبته ومشيت ومحدش يعرف عنك حاجة.
طب ليه منزلتش أنت واختك! وأنت اللي كنت بتبعتلي الدعوات اللي مكتوب فيها چحيم فوغارتي دي كلها صح!
خفت عليها طبعا دا غير أنها متجوزة وعندها طفلين إزاي أخاطر بيها! ومش أنا اللي ببعتلك الدعوات دي الدعوات دي زي ما بتجيلك كانت بتجيلي منين وإزاي وليه معرفشكان عندي أحساس كبير أنها بتجيلك زي ما بتجيلي كنت بدور عليك طول الوقت علشان نشوف حل ليها بس لما ورتها لمجموعة علماء أصحاب أمي قدروا يشوفوا اللي كان مكتوب فيها بحبر سري واللي كان مكان چحيم فوغارتي بالظبط واللي لا ماما ولا بابا كانوا راضيين يقولولي هو فين بس طبعا مقدرتش انزل إلا لما ألاقيك والحمد لله أنت هنا دلوقتي ولازم ننزل ونشوف أيه الحكاية بالظبط!
مر يوم كامل عقلي مكنش مستوعب أي حاجة من اللي اتقالت ولا اللي بيحصل كنت حاسس إن الدنيا ماشية حواليا وأنا بيزقوني في الأحداث اللي بتحصل من غير ما استوعبها موجود ومش موجود قابلت سارة اللي المفروض أنها أختي واللي كانت شبه بابا أوي في كل حاجة سبحان الله مش عارف إزاي أو يمكن لأنها بنته طبيعي تشبهه بس أنا اللي لسه ما استوعبتش كويس الوضع وفي أخر اليوم قابلت مجموعة العلماء اللي آدم كلمني عنهم واللي بعد كلام كتير ومناقشات قررنا ننزل كلنا چحيم فوغارتي.
كنا ستة أربعة غيري أنا وآدم ركبت أنا وهو عربية والأربعة الباقيين ركبوا عربية وصلنا عند غابة أشجارها كثيفة أوي ومقربة أوي من بعض فحجبه الضوء ومخليه المكان ضلمة مشينا في الغابة مسافة كبيرة أوي وبعدين وقفنا عند كهف شكله مرعب قديم أوي وضلمة بشكل يخليك تحس إنك لو دخلته الضلمة هتبلعك ومش هتعرف تخرج منه.
كلهم أجمعوا إن المكان اللي فى الدعوة واللي المفروض إنه چحيم فوغارتي جوا الكهف ده بالنسبالي الكهف نفسه من برا كان چحيم فاللي جوا الكهف هيبقى عامل إزاي!
استعنت بالله وقريت قرآن ودعيت ودخلت وراهم وأنا مش واثق في أي حاجة من اللي بتحصل ولا مستوعبها حقيقي.
الكهف من جوا كان كبير أوي أوي كبير بشكل صاډم والشمس مكانتش دخلاه فكان ضلمة أوي وطبعا كنا منورين الكشافات الغريب أن الكهف كان جواه زي بحيرة صغيرة كدا بس عمقها قد أيه مش عارفين وحسب الوصف اللي في الدعوة كان لازم ننزل البحيرة دي ونغوص ونتجه ناحية اليمين وهنلاقي زي ممر ضيق هنعدي منه وبعدين نخرج هنلاقي البير اللي هو يعتبر بوابة چحيم فوغارتي.
فعلا نزلنا المية اللي كانت عميقة أوي وكأن فيه عالم تاني تحتنا واحنا بنغوص وعمالين ندور على النفق والحمد لله لقيناه