الحبايه التائهه

"التحليل اتهمها بالكذب… لكن الحقيقة كانت أن الدواء لم يصل أبدًا."
كم شخص تعرفه يأخذ أدوية كثيرة ولا يتحسن؟
ربما المشكلة ليست في جسده… بل في تفصيلة صغيرة لا ينتبه لها.

سيدة في بداية الأربعينيات، كانت "بتجر" رجليها وراها جر وهي داخله غرفة الكشف، وشها كان باهت ومنفوخ لدرجة إن ملامحها الحقيقية تايهة، والجفن يادوب مفتوح بالعافية كأن فيه "أثقال" متعلقة فيه.
قعدت قدامي، بصت لي وعينيها مدمعة وقالت بصوت مبحوح، كأنه طالع من بئر غريق:
"يا دكتور أحمد.. أنا ببلع في اليوم كمية أدوية تدوّخ (فيل)، وجسمي لسه مش مستجيب خالص.. التحاليل بتقول إني مابخدش الدواء، والدكاترة اتهموني إني بكذب وبدّلع ومش منتظمة في العلاج رغم إني والله منتظمة جداً"

الرقم الذي أصابني بالذهول!
سحبت ملف التحاليل من وسط كيس الأدوية، وهنا كانت الصدمة اللي خلتني أتعدل في قعدتي وأركز في كل حرف مكتوب.
رقم هرمون الغدة الدرقية (TSH) واصل لـ ٥٥ !!؟ ومتعاد في أكتر من معمل ..
(عشان اللي مش متخصص يفهم: الرقم الطبيعي المفروض يكون تحت ٥ بالكتير، يعني الغدة عند السيدة دي مش بس كسلانة، دي وكأنها في حالة "مۏت إكلينيكي" تام).
بصيت في روشتاتها القديمة، لقيتها ماشية على جرعات "ثيروكسين" عالية جداً ٢٥٠ ميكروجرام يومياً .. دي جرعات كفيلة تخلي أي حد في حالتها يفيض نشاط وحيوية.
هنا وقفت قدام لغز محير: الدواء صح، والجرعة اللي بتاخدها كبيرة جداً، والمړيضة بتقسم إنها ملتزمة.. يبقى الهرمون اللي بتاخده ده بيروح فين؟
سيبت القلم من إيدي، وبصيت في عينيها بتركيز "المحقق" اللي بيدور على الخيط المقطوع.
قلت لنفسي: "يا أحمد، لو الدواء بيدخل الفم ومبيوصلش للدم، يبقى فيه (كمين) منصوب للحباية دي في الطريق.. فيه لغز مستخبي بالتأكيد"

محبيتش أزود عليها الۏجع وأسألها الأسئلة التقليدية. سألتها سؤال واحد ملوش علاقة بالطب:
"هستأذنك سيبي الورق ده خالص.. أنا عايزك تحكي لي (قصة يومك) مع الحباية دي. احكي لي بالتفصيل الممل، من أول ما عينك بتفتح من النوم، لحد ما بتفطري.. بتعملي إيه بالثانية؟"
ضحكت بمرارة وقالت:
"يا دكتور ده أنا حياتي متسستمة على الأدوية! بصحى من النوم كل يوم أبلع حباية الغدة بميه زي ما قالوا لي.. وعشان معدتي بتبقى مولعة ڼار وبحس بحړقان مبيخلصش، باخد وراها بـ ربع ساعة بالظبط حباية الحموضة عشان أقدر أتنفس. وبعدين عشان عضمي اللي بيطقطق ده ملوش غير حباية الكالسيوم وحباية الحديد، ببلعهم ورا بعض عشان أخلص من همهم بدري. وفي الآخر، عشان أقدر أصلب طولي وأشوف مصالح البيت والعيال،بشرب كوباية النسكافيه باللبن المتينة..