الحبايه التائهه
وبقول يا فتاح يا عليم وأبدأ يومي."
هنا، قلت لها بابتسامة نصر: "بس! إحنا كدة فكينا الشفرة.. إحنا مش قدام حالة صعبة، إحنا قدام (رحلة ضياع قرص الغدة)..
ليه الحباية كانت بتتحول لـ "سراب"؟
شرحت لها الملحمة اللي بتحصل جوه جهازها الهضمي كل يوم الصبح، وإزاي هي بتبوظ مفعول الدواء بـ "حسن نية":
حباية الغدة دي "برنسيسة" رقيقة جداً، عشان تدوب وتدخل للدم محتاجة "وسط حامضي" قوي جداً في المعدة. إنتي لما بتاخدي دواء الحموضة وراها مباشرة، كأنك طفيتي النور ودلقتي جردل مية على ڼار الامتصاص.. فالحباية بتفضل "ناشفة" وزي ما هي مش بتمتص، وبتخرج من جسمك من غير ما دمك يحس بيها!
كلبشات الحديد والكالسيوم: الكالسيوم والحديد دول "مغناطيس" قوي جداً. أول ما بيشوفوا حباية الغدة، بيمسكوا فيها ويحولوها لكتلة معدنية تقيلة، الأمعاء مابتصعبش عليها ومابتعرفش تسحبها لدمك.. فبتتحبس الحباية وتضيع في الزحام.
العازل الشمعي: اللبن اللي في النسكافيه بيعمل غلافك "دسم" حوالين الحباية، بيعزلها تماماً وكأنها لابسة لبس تنكري، جسمك مبيتعرفش عليها ولا بيمتصها.
السيدة بذهول: "يعني أنا وكأني كنت ببلع (هواء) يا دكتور؟"
أنا: "بالظبط.. إنتي كنتِ بتبلعي (جرعة سراب).. موجودة في إيدك وعلى لسانك، بس مش واصلة لخلايا جسمك. إنتي محتاجة (نظام) مش جرعة زيادة!"
انبعاث "الروح" من جديد.. المعجزة في الترتيب :
لم أغير نوع الدواء.. ولم أرفع الجرعة نهائياََ.. فقط رسمت لها "خريطة طريق" جديدة ليومها:
حباية الغدة لوحدها تماماً مع كوب مياه كبير.
صيام ساعة كاملة (ممنوع حتى النسكافيه).
أي دواء تاني (حموضة، كالسيوم، حديد) أو ألبان.. يترحلوا ٤ ساعات بعيد عنها .. ده فقط اللي عملته.
بعد شهرين..
والله يا جماعة، انفتح الباب ودخلت إنسانة تانية خالص!
الوش اللي كان باهت ومطفي، بقى منور ومرسوم عليه الضحكة. المشية اللي كانت "زحف"، بقت خفيفة كأنها طايرة. النشاط والحيوية رجعوا لمكانهم الطبيعي.
فتحت التحليل الجديد.. الـ TSH نزل من ٥٥ لـ ٢ ونص ! (الرقم المثالي في كتب الطب).
بكت من الفرحة وهي مش مصدقة وقالت لي: "يا دكتور أحمد، كنت فاكرة إني عجزت أو إن ده (سحر)، طلع السر كله في شوية ترتيب!"
الطب مش بس روشتة وأدوية غالية.. الطب هو إننا نسمع "حكاياتكم" الصغيره اللي بين السطور.
أحياناً الشفاء مبيكونش في (زيادة) الجرعة، بل في (فهم) الرحلة..
لأن "الحباية التائهة" ممكن تضيع حياة كاملة، لو ملقتش الطبيب اللي يسأل عنها بقلبه قبل سماعته وأجهزته!
