رواية هوس صقر الجبالي الفصل التاني بقلم لين حصريه وجديده

ما قال صقر قلب لينا دق بسرعة كبيرة ودى كانت أول مرة تحس بالشعور والاحساس الجميل ده من مجرد سماع اسم الشخص ده حست بفراشات بمعدتها تدغدغها
حكالها عن رجولته وحنيته وجدعنته وتحمله المسؤولية من صغره حكالها عن استلامه العمودية ولقبه بالشيخ كان ايه سببه حكالها حاجات كتير عنه وهي كل ما تسمع حاجة عنه إعجابها بيه بيزيد اكتر وبتقول في نفسها
لينا لنفسها بتوهان . معقول فيه شخص كده محترم وجدع وحنين وطيب اوى كده وراجل مسؤول وحافظ القران ومش مختلط بالنساء وراها عنهم كمان يعني اللي هتجوزه هتكون اول واحدة تلمسه وملكها هي وبس وخدودها احمرت بخجل من الفكرة معقول فيه واحد جميل ونقى وبرئ كده في الزمن ده بدر معاه حق فعلا مين ميحبوش ده اللي ذي صقر ده مش يتحب بس لا ده يتعشق فوق العشق عشقين ويتشال في القلب و العين ويتحط تاج ع الرأس وقلبها دق من مجرد الفكرة
بدر بحب. بس يا ستى ده صقر ومهما قلت فيه مش هوفيه حقه ده روح روحي ده لينا لينا انتي يا بنتى رحتى فين
لينا بخجل . هه انت بتكلمني
بدر بيهز رأسه . لا ده انتى مش معايا خالص
فجأة تليفون بدر رن
بدر ابتسم بحب وهو يرى المتصل. مش قلتلك ده روح روحي ورد ع الفون الو ايوه يا قلب اخوك ...... انا خلاص قربت اوصل اهو ....... ماشي حبيبي في امان الله وحفظه
قفل معاه المكالمة وبعد مدة وصلو الصعيد
لينا بانبهار طفولى. واو شكلها جميل اوي.
بدر ضحك ع طفولتها
راحوا القصر بتاعه ولينا انبهرت بجمال القصر والجنينة الخضراء وفيه اسطبل للخيول كمان
بدر شاف صقر واقف عند بوابة القصر عشان يستقبله راحله جري
صقر حضنه جامد اوي بحب. حمدالله ع سلامتك يا اخوي اتوحشتك جوى يا قمر اخوك و دنيته
بدر باس ع كتفه بحب. الله يسلمك يا اخوي
صقر رفع نظره فجأة وهنا شاف انثى بكل معنى الكلمة شاف كتلة من البرائة و الأنوثة واقفة قدامه شاف انثى فاتنة واقفة قدامه تاه وسرح فيها وفي جمالها ودى كانت أول مرة صقر يتمعن النظر في واحدة بالطريقة دى شاف لينة قلبه اللي هتكون نعيمه وجحيمه ملاذه وهلاكه في نفس الوقت اللي هتكون عشقه وجنونه والسبب في هوس صقر الجبالى شاف لينا مرات اخوه
أما عند بطلتنا لينا
مفيش كلام يتقال من اول ما شافته قلبها دق اټجننت واتهوست بيه رجولته وهيبته وريحته اللى وصللها من نسمات الهواء جننوها عن شخصيته القوية اللى باينة عليه جماله وهدوءه وصلابته وحنيته وحبه لأخوه اللي شافتهم في عنيه كل دول خلوها تسرح وتتوه فيه وفي جمالها وجمال عيونه وسحره الخاص اللي سحرها بيه بس للاسف مينفعش تفكر فيه كده لانه محرم عليها هي دلوقتى مرات اخوه
صقر نزل راسه واستغفر ربه
بدر بص وراه لقا لينا باصة للأرض بخجل
بدر بحنية. تعالى يا لينا
صقر باستفهام . مين دى يا اخوي
بدر مسك ايد لينا وقاله بحب اجدملك يا صقر لينا مرتي
ذهول ۏجع استغراب كان ما يشعر به صقر في الوقت ده
ذهول لأن مراته ازاي وامتى اتجوز اصلا
ۏجع هو ذات نفسه مش عارفله سبب بس حاسس بغصة في قلبه من كونها مرات اخوه
استغراب لانه مش عارف السبب اللي يخلى اخوه يتجوز من ورا اهله وليه يعمل كده اصلا
صقر بصله پصدمة
بدر بحنية. تعال يا اخوي وانا هفهمك كل حاجة حصلت وايه اللي خلاني اعمل أكده
وقال ل لينا