خط سير اجباري الفصل السابع حصريه وجديده

خط سير اجباري الفصل السابع حصريه وجديده 
عدى أسبوع على الجواز على ورق، والبيت بقى فيه نفس تاني.
ورد بتصحى بدري تعمل فطار مع منى، وهاني ينزل شغله وهو مزاجه رايق لأول مرة من زمان.
مفيش لمس، مفيش كلام حب، بس في احترام وعشرة بتتقل كل يوم.
بس العشرة دي كانت هتطير في أول خناقة.
الموضوع بدأ في الجامعة.
ورد كانت واقفة مع زميلها يوسف بتراجع معاه مشروع التخرج قدام الكلية.
يوسف شاب مؤدب، بس دمه خفيف وبيهزر كتير.
وهي بتضحك على كومنت قاله، لقت هاني واقف قدامها فجأة.
جاي يوصل ورق مهم ليها نسيته في البيت.
وقف، بص على يوسف، وبص عليها، ومقالش كلمة.
حط الورق في إيدها ومشي.
وشه كان مقلوب.
يوسف قال مين ده؟ قريبك؟
ورد ردت بسرعة لأ... جوزي.
يوسف سكت.
ورد نفسها اتخضت من الكلمة اللي طلعت منها. جوزي.
حتى لو على ورق، الكلمة تقيلة.
رجعت البيت وهي خاېفة.
دخلت لقيته قاعد في الصالة، ساكت، بيشرب شاي.
قالت الورق وصل؟
هاني مردش.
قربت وقالت هاني، أنا...
قاطعها كنتي بتضحكي معاه على إيه؟
ورد اتفاجأت إنت بتسألني أنا؟ أنا كنت بذاكر معاه!
هاني قام واقف وأنا مالي بتذاكري ولا بتهزري؟ أنا شايفك واقفة بتضحكي مع راجل غريب في الشارع، وإنتِ مراتي على الورق وقبل الورق.
ورد صوتها علي مراتي على الورق يا هاني! إنت اللي قولت كده! ولا نسيت؟
هاني قرب خطوة الورق ورق، بس أنا راجل. ومش هستحمل أشوف مراتي بتضحك مع غيري.
الكلمة نزلت عليها تقيلة. مراتي.
ورد صوتها اتكسر خلاص! لو مضايق، نروح نطلق بكره! أنا مش ناقصة ۏجع دماغ!
وقالتها وطلعت أوضتها وقفلت الباب.
هاني وقف مكانه، إيده مضمومة على الآخر.
منى دخلت وقالت إنت بتعمل إيه؟ هتخسرها من أول خناقة؟
هاني قال بصوت واطي أنا بغير يا منى. أول مرة أحس إني بغير على واحدة.
ليلتها محدش كلّم التاني.
ورد نامت وهي بټعيط من القهر.
وهاني نزل قعد في الميكروباص لحد الفجر، بيشرب سجاير ويفكر.
تاني يوم الصبح، صحي بدري، عمل فطار، وحطه قدام أوضتها وخبط ومشي.
ورد فتحت، بصت على الأكل، وبصت على الباب المقفول.
حست إن قلبها هدى شوية.
نزلت الجامعة.
وهي راجعة لقيته واقف قدام البيت.
أول ما شافها قال أنا آسف.
ورد وقفت مكانها على إيه؟
هاني قال على إني عليت