الإعصار الحلقه الاولى بقلم محمد منصور حصريه وجديده 

يفر في اوراقة و هو مش فاهم اي حاجة وبعدها بص ل خيري وقال
انا مش فاهم اي حاجة
خيري بحدة 
ولما انت مش فاهم جاي جري من برة لية علي الكرسي
امير باستغراب
خيري اية الطريقة دي انت مش عارف انك بتتكلم مع صاحب الشركة
خيري
صاحب الشركة دي ماټ وهو عبود باشا وانا من بعده صاحب الشركة دي
امير باستغراب شديد
وانا يا خيري
خيري
انت عيل مدلع ولا ليك اي لزمة 
وشاور علي الكرسي اللي امير قاعد عليه وقال
والكرسي دة انا اولي بي منك ف انت تقوم كدة زي الامور وتروح النادي بتاعك وتلعب تنس و تستني مني كل اول شهر مصروف يمشيك انت و مراتك وابنك هاشم اللي لسة جاي للدنيا
امير اټصدم
يعني ابقي صاحب راس المال وفي الاخر حياتي تمشي بمصروف هتبعده ليا
خيري
والله دة اللي عندي واقدر اعمله علشان خاطر العيش والملح اللي كلته مع ابوك
امير وقف وهو متعصب وقال
انت باين عليك يا خيري نسيت نفسك دة انا امير عبود الباشا واقدر دلوقتي امشيك واجيب الف مدير غيرك يمشو الشركة زي ما انا عايز
وقف خيري وقال
طبعا دة حقك ومن غير ما تعصب نفسك انا ماشي ودورها انت بمعرفتك
ومشي خيري خطوتين ناحية الباب وبعدها وقف و كان ظهرة ل امير لما قال
ملف الصفقة اللي قدامك دة ابوك حط في كل ما يملك علشان تتم يعني اي خطوة غلط في الملف دة معني
وبص له خيري بصة بعيون شيطان وقال
ان الكرسي اللي انت جريت علشان تقعد عليه مش هيبقي موجود وكل املاك والدك هتتباع في مزاد علني
ورجع خيري بص قدام منه وكمل طريقة ناحية الباب وخرج من المكتب وقفل الباب وراء منه وساب امير في حيرته وبص للملف تاني وبدا يفكر المفروض يعمل اية، ،،،،،،،،،
ومن جوة مكتب محامي كبير اسمه فاروق الصياد ودة محامي عبود الباشا كان أمير قاعد قصاد منه ومع ملف الصفقة اللي بمليار جنية وفاروق بص في الملف وقال
وانت عايز تعرف رايي في صفقة بالحجم دي وانا ما كتبتش اي بند من بنود الملف
امير
انت مستشار كبير ومحامي والدي من سنين يعني اكيد تعرف الصح اية وخصوصا بعد ما حكيت لك اللي عملو معايا خيري الطباخ
فاروق
امير يا ابني انا مش خبير في مجال البيزنس زي خيري انا راجل قانون يعني كل اللي اقدر اساعدك في اني اراجع لك البنود القانونية في العقد انما الارباح اللي راجعه من وراء صفقة بالحكم دي دة اللي يقدر يفيدك في اكتر مني هو خيري الطباخ 
وما حدش غيره يقدر يفيدك
امير 
بعد اللي عملو فيا
فاروق
كان لازم يعمل كدة علشان يدافع عن الشركة اللي كبرها بمجهوده ومجهود والدك وانا من رايي تسيب له الادارة وتعيش حياتك زي ما تحب ما انت بعيد عن الشركة من زمان