صغيره سىرقت قلبي الفصل الثانى

وجدت أن لمسات ذلك ال باسل ليست فى محلها لها وهو يرقص معها فقد كان حقا يتحرش بها أتسعت أعين رقية غير مصدقة أن ذلك قد حدث بالفعل عندما شعرت بلمسلته تلك ابعدته على الفور ثم صڤعته على وجهه صڤعة دوت فى المكان ولم تكتفى بذلك بل أكملت عليه بما علمته لها والداتها من حركات للدفاع عن النفس فكسرت له يده وقدمه ثم ركضت نحو الخارج 
أحمر وجه منصف من الڠضب وقال بصوت مرتفع
هو فين الحيوان ده لازم اربيه
اكيد راح مستشفى قولتلك كسرت ايده ورجله هتعمل ايه زيادة
هز منصف رأسه بآسى ثم قال
الفستان كان بشع يا روكا ميتلبسش تانى
هزت رأسها بتفهم ثم قالت
ماشى ٠٠ عموماً هطلع البس هدوم غير دى عشان لما نروح المكتبة
هز رأسه بتفهم ثم قال
لبس كويس يا روكا ٠٠ فاااهمة ؟!
هزت رأسها بالإيجاب وقالت
طيب
ثم ركضت نحو الداخل كى تصعد الغرفة وتبدل ملابسها ٠٠
صعدت رقية الغرفة ووجدت تلك الفتاة التى كانت تقرأ قرآن بالأمس تقف أمام المرآة وترتدى حجابها لم تتحدث معها ودلفت نحو الداخل ابتسمت تلك الفتاة إليها وقالت
صباح الخير
نظرت لها رقية بعدم فهم وقالت
بتكلمينى أنا
هزت الفتاة رأسها بالإيجاب فأبتسمت رقية وقالت
صباح النور
أنا اسمى زينة
وانا رقية
مبسوطة أنى اتعرفت عليكى
شعرت رقية بغرابة فتلك اول فتاة تحدثه بود ولطف زائد عكس أى فتاة آخرى ولكنها ابتسمت فى النهاية لتقول
وأنا كمان
انا ع فكرة مليش صحاب هنا ٠٠ انتمتى مطلعتش الرحلة معايا وهى اصلاً فى كلية تانية فلو ممكن نفضل مع بعض لو مش هيضايقك يعنى؟
ابتسمت رقية بود ثم قالت
اه طبعاً ٠٠ هلبس بس وننزل سوا
هزت زينة رأسها بتفهم فأرتدت رقية بنطال جينز وقميص نسائى طويل نوعا ما يصل لقبل الركبة بقليل لونه ازرق ومشطت شعرها أمام المرآة ثم قالت
يلا يا زينة
يلا
هبطوا بالأسفل جميعاً وتجمعوا كى يذهبوا إلى مكتبة الإسكندرية فأقترب منصف من رقية ثم قال
مش يلا نطلع الباص سوا
شعرت زينة بإحراج شديد من وجود منصف وشعرت رقية بذلك فقالت
بص يا مو انا هطلع الباص انا و زينة
ثم اقتربت منه وقالت بصوت خاڤت
شكلها بتكسف سبها معايا عشان متتحرجش
ابتسم منصف عليها وعلى الفتاة التى معها ثم قال بنبرة خاڤتة
يارب تبقى زيها
امسكت رقية يد زينة وصعدوا الحافلة سوياً فتحدثت رقية قائلة
ع فكرة ده قريبى متكسيفيش منه هو محترم جداً
ابتسمت زينة ثم قالت
انا مش برتاح طول مافى شاب فى نفس المكان
بس ده عادى ٠٠ وكمان انا ومو مش قرايب بس ده احنا صحاب كمان
مفيش يا رقية كلمة صحاب دى بين بنت وولد
ليه ؟!
عشان مشاعرهم دايماً بتتحرك تجاه بعض
ده مش صحيح أنا طول عمرى شايفاه مو قريبى الكبير المسئول عنى وبس
قربك الزيادة منه هيحرك قلبك ناحيته
مش صح يا زينة وفى صحوبية بين الولد والبنت عادى جداً
طب بصى خلينا منتكلمش فى الموضوع ده دلوقتى أنتى مقتنعة بشئ وانا بشئ تانى بس عادى احنا صحاب ومسيرى فى يوم هبينلك أن اللى بقوله ليكى صح
ازاى يعنى ؟! طب مانا ليا صحاب فى الجامعة ولاد كتير هل ده معناه انى هحبهم كلهم ؟!
والله ع حسب علاقتك بيهم
مش فاهمة
مستحيل تكونى كل يوم بتكلميهم كلهم
بس اهو المبدء موجود انى اعرف كذا ولد مستحيل مشاعرى تتحرك ليهم كلهم
انا معاكى جداً ٠٠ بس جربى كده تكلميهم كلهم زى بعض هتحسى انك كل شوية ميالة شوية لواحد منهم
طب نغير الموضوع احسن
نغير الموضوع
فى ذلك الوقت كانوا قد وصلوا إلى المكتبة فترجلوا جميعاً ودلفوا للداخل ظلا