سكريبت قدوتى شكرا بقلم مروة حمدى

محفظتيش ليه 
_مش عارفة. 
_حبييتى فى حد بيذاكر معاكى فى البيت 
_لا. 
_اومال لما بتروحي بتعملى ايه 
_بتغدا واروح الدرس وارجع البيت اقعد قدام التلفزيون مع اخواتى بعدين اتعشى وانام. 
_امممم يعنى الاهل معتمدين على المدرسة والدروس طب قوليلي يا حبيبتى انا مش اديتك واجب وحفظ. 
_ايوه يا مس. 
_طب ليه مش بتروحي لماما ولا بابا وقولتيله ذاكرلى او حل معايا الواجب! هو انتى روحتى قبل كده ومش رضيوا 
_لا 
_يبقى خلاص انهاردة تروحى وهما مش هيقولوا لا صدقينى بالعكس هيبقوا مبسوطين منك اوى. 
وقتها ميلتى اكتر عليا وقولتيلى بهمس وصوت هادئ مخوفنيش بالعكس كان فيه حنية ومحبه خلتنى بسمع حضرتك وانت مركزة مع كلمه بتقوليها. 
_قوليلى يا مى زمايلك ال قاعدين فى أماكنهم وحلين الواجب دول احسن منك فى حاجه 
هزيت راسى من سكات ورجعتى تأنى همستى ليا. 
_بس انا بقا عايزاكى تبقى احسن منهم كلهم اتفقنا 
_هزيت راسى بفرحه مش عارفة ليه وانا بحط ايدى فى ايدك الممدودة وبقولك. 
_اتفقنا. 
رجعتينى مكانى على اتفقنا ووقتها انتى سبتينا شويه ورجعتى تأنى عينك ماكانتش مفارقانى وابتسامه من وقت للتاني بتهادينى بيها كانك بتقوليلى ما تخافيش كل حاجه هتبقى كويسة. 
وقتها مفهمتش بس كنت فرحانه من كلامك اهتمامك بس دلوقت فهمت ماهو لما ارجع البيت واقولهم عايزة احفظ الدرس والاقى ماما جات تفتح شنطتى وتطلع كل الكتب وتقرا فيهم وتطلع الكراسات وبابا من الناحية التانية بيقرأ الآيات ويقولى قولى ورايا يا مى اكيد الخمس دقايق ال سبتينا فيهم ليهم يد! صح مش كده! 
بس عارفة يا مس ههههههههههه بجد كل ما افتكر تانى يوم وانتى بتنادى مين مش حفظ وانا قمت صدمتك وقتها صورتك مش بتروح من بالى وقتها انا خفت بسرعه قولتلك لا يا مس انا على اتفقنا انا حفظت. 
انا بس كنت عايزة اقولك انى ذاكرت. 
ضحكتك وتصقيفك ليا وانك تطلبى من زمايلى يصقفوا من قبل حتى ما اسمع ياااااه يا مس عاى احساسى وقتها الف جواب فيه الف شكر مش هيوصف احساسى وقوفك جنبى فى اى حاجه مش فهماها اخدها واجيلك جرى. 
طب فاكرة واجب الرياضة ومس رضا 
كنا بنحله سوا فى اوضه المعلمين هههههههه اول مرة اتكرم فيها فى الطابور فى سنه رابعه وانى من الأوائل وانا بستلم الشهادة كنت مكسوفه وانا شايفه كله بيبص عليا وانتى وقفتى معايا واستلمناها سوا من كسوفى وقتها حضنتك و ضحكتك وانتى بتطبطبى على ظهرى خلتنى ابتسم من وسط كسوفى وخوفى. 
ياااه يا مس انا مش لاقيه كلام اقولهالك غير انى من غير ما احس لاقيت نفسى بسحب الولد ده لحضنى بتبطب عليه شهقته وجعت قلبي فكتمتها وانا بزود من حضنى ليه وبسحبه لبرا الفصل ومع ان زميلتي اعترضت بس قولتيلها انا هتعامل معاه. 
لقيت نفسى بقوله نفس الكلام ال انتى قولتهولى زمان روحت بيه للإدارة