رواية چرح المشاعر الفصل 80-81-82 بقلم أمال جوري حصريه وجديده

حتى واحد منو ما نعرف علاه بكيت وضحكت في نفس الوقت يايما يشبه لبابا تقول بابا الله يرحمو يا عمري شفت معاه لقيتو يتبسم مروان والله يشبه لبابا تقول بابا يا مروان فولة ونقسمت على زوج عاودت شفت فالبيبي بقيت نبوس فيه ونشم في ريحتو جا عندي حكملي يدي واش نسميوه رانيا _ باينة واش راح نسميوه نسميه محمد على بابا الله يرحمو _ نسميوه محمد سيف الدين واش رايك _ ايه اسم شباب بقيت معاه شويا وداه وانا بقيت ثما حتى دخلت عندي ماما وعجوزتي وصفية ونسرين واية سلمو عليا وباركولي كامل والطفل دالهم عقلهم غير يبوسو فيه ومعاه وانا نساوني جات عندي ماما وشراكي يا بنتي كيفاه جازت صعيبة ولا واعرة جاوبها هو ياودي بنتك خلات السبيطار ضحكت قاټلو هادي من بكري ټعيط بزاف _ حتى انا قلتلها يليق تولي اكتريس دراما ضحكت معاه وبقاو معايا شويا قالي مروان لازم تبقاي فالسبيطار ليوما وغدوة نشاله تخرجي _ وشكون يبقا معايا _ باينة انا نبقا معاك شكون راح يبقا معاك مثلا _ ومحمد وين نخلوه _ راه عند يما ويماك _ وانوستي وينها جيبهالي نشوفها _ مزالها تقرا ويجيبها رزيق جارنا وهو لي يقريها _ تعيش فالليل جيبهالي وتحب ترجعها رجعها _ معليش والله نجيبهالك هيا ضكا انا نديهم للدار ونخلي الجدات هوما يتكفلو بيه ونرجع عندك انا وايناس اوكي _ ايه هوما راحو وانا بقيت ثما جات عندي الطبيعية سقسات على حالتي برك وراحت حتى بديت نغفا .
فطني هو لقيتو عند راسي هيا نوضي رانيا راني جيت _ اممم وين راهي ايناس _ مجبتهاش عجبها محمد مالصباح وهي قدامو _ ومحمد راه مليح _ الحمد الله هاداك النهار بقا معايا حتى للصباح باه قدر يخرجني ورحنا للدار غير دخلت لداري لقيتهم كامل ثما عماتي يما سلافاتي طفالاتي عجوزتي غير دخلت عمتي زغرتت دخلني ديراكت للشومبرة تكسلت وحطلي محمد في حجري بقيت نشوف معاه يا عمري كيفاه شباب ويشبه لبابا تقول بابا راه في حجري دخلت عندي ماما قاټلي حتى نتي فكرك فيه _ شفتي يا ماما تقول هو الله يرحمو _ اللهم امين بنتي هاتيهلي هنايا نقمطهولك ونتي ارقدي ريحي راسك شويا ضك نديرلك لاسوب وشوي سكالوب كوليهم درت للجيهة لخرى ورقدت حتى نوضتني ماما وكلتلي شويا وعاودت رقدت .
يتبع