رواية چريمه إسمها زواج الفصل الثاني بقلم نسرين بلعجيلي حصريه وجديده

بسم الله الرحمن الرحيم
اللهم إني أستودعك كلماتي، فاجعل فيها ما يمس القلوب، وارزقني التوفيق فيما أكتب، وبارك لي في خيالي وقلمي، واجعل القادم أجمل مما أتمنى.
رواية_جريمة_إسمها_زواج 
Nisrine Bellaajili 
نسرين بلعجيلي
أحيانا بنقابل ناس بالصدفة...
ونعدي من قدامهم وإحنا فاكرين إن الحكاية انتهت عند نظرة، كلمة، أو موقف عابر.
لكن بعض الصدف ما بتكونش عابرة...
خطوة صغيرة ممكن تفتح باب،
وكلمة تتقال من غير تفكير ممكن تغيّر طريق،
وشخص يدخل حياتك للحظة...
وبعدها تكتشف إن اللحظة دي كانت بداية لحكاية أكبر بكتير.
الغريب إننا وقتها ما بنعرفش.
بنعيش اللحظة عادي...
ونكمل يومنا عادي...
لحد ما الأيام ترجع تقول لنا
فاكر اليوم ده؟
أهو من هنا... كل حاجة بدأت.
الفصل الثاني
عمر اټصدم من اللي بيسمعه، إزاي وحدة تكلمه بالأسلوب ده؟
عمر  
نعم؟!؟!
سلمى  
نعم الله عليك يا خويا، إيه القرف ده يا ربي هي ناقصة؟
عمر  
هو إنتِ بتكلميني أنا كده؟!؟!
سلمى  
لا يا خويا بكلم خيالك، إوعى كده من وشي.
وعدته وكملت طريقها.
عمر  
مين دي؟
السيكوريتي  
ماعرفش يا بيه.
عمر  
إزاي يا حيوان ما تعرفش؟
السيكوريتي ٢  
بلاش غلط يا بيه.
هنا تدخل خالد..
خالد  
ماعلش يا بيه
عمر  
إنت مين؟؟
خالد  
خدامك خالد.
عمر  
مين البنت دي؟
خالد  
أختي يا بيه، جات تشتغل عند الست ناني.
عمر  
خدامة؟
خالد  
أيوه يا بيه، كلنا خدامين على لقمة العيش.
وكان عايز يطلع..
السيكوريتي  
ماعلش ممنوع إنك تطلع، ناني هانم مش بتحب أي حد دي أوامر، بس الشغالة تطلع، خليك هنا
خالد  
ماشي، هستنى هنا. 
وبعد شوية
عمر  
بقولك عايز الفيديو بتاع البوابة، البتاعة اللي كانت معايا سرقتني.
السيكوريتي ٢  
يعني حضرتك نبلغ البوليس؟
عمر  
لا، بوليس إيه، أنا عايز بس الفيديو.
السيكوريتي ٢  
حاضر يا بيه، ساعة كده ونجيب لك الفيديو.
عمر  
ممكن الموبايل، عايز أعمل مكالمة.
السيكوريتي  
إتفضل يا فندم.
أخد الموبايل وطلع شوية بره. خالد عمل نفسه بيولع السېجارة.
عمر  
ألو!
يوسف  
مين معايا؟
عمر أ
نا عمر الألفي.
يوسف  
إنت فين يا راجل، عمال أتصل بيك وموبايلك مقفول.
عمر  
الزفتة اللي كانت معايا سړقت كل حاجة، وكمان كروت البنك
يوسف  
يا نهار أسود! والموبايل كمان؟
عمر  
أيوه.
يوسف  
يا ليلة سودة، إنت ناسي إنك كاتب كل الأرقام السرية في نوت بوك الموبايل؟؟
عمر  
ما دي المصېبة.
يوسف طب أنا جاي حالًا علشان لازم تقفل كل حاجة.
عمر  
طب ما تجيب معاك أي تصبيرة كده، دماغي هتتفرتك.
يوسف  
إنت في إيه ولا إيه؟
عمر  
بقولك دماغي هتتفرتك.
يوسف  
ماشي ماشي.
قفل الخط، جاي عليه خالد.
خالد  
إتفضل يا باشا.
عمر  
إيه ده؟!!
خالد  
دي اصطباحة.
عمر  
مش فاهم!؟!
خالد بص يمين وشمال وقرب من عمر 
خالد  
دي يا باشا سېجارة حشېش من اللي قلبك يحبها، وده نوع نظيف.
عمر كان مصدع وكان عايز أي حاجة تضيع له الصداع.
عمر  
شكرًا. شوية وصاحبي ييجي يحاسبك عليها.
خالد  
لا يا باشا، دي عربون محبة.
عمر  
محبة إيه؟!؟ هو إنت هتصاحبني ولا إيه؟
خالد  
لا يا باشا، العين ما تعلاش عن الحاجب، بس حبيت أعتذر من اللي عملته البت أختي.
عمر  
إذا كان كده