رواية ولكنني احببت همس حسن البارت 25 _____26 حصريه وجديده

.. انتي زعلانة مني عشان خبيت عليكي الفترة دي كلها 
بس أقسم بالله دا حصل من خۏفي عليكي ياسارة الصدمة كبيرة واديكي شوفتي لما عرفتي نص الحقيقة بس وقعتي من طولك وحصل اللي حصل .. بس انا كنت ناوية أعرفك والله اول ما تدخلي في أي علاقة ونبدأ نفكر في خطوبة وجواز
مازالت سارة باصة ناحية مريم وساكتة
مريم سارة انتي مالك مبلمة ليه كدا 
استغربت مريم من النظرة المستقيمة الثابتة دي .. اتحركت من مكانها عشان تشوف سارة هتلف وشها تبصلها بردو ولا لا
لكن سارة مازالت باصة في نفس الإتجاه من غير ولا كلمة
مريم سارة 
سارررة ردي علياااا انتي عاملة كدا ليه 
بصوت عالي ياساااااااارة
عمر ومحمد دخلوا يجروا على صوتها
عمر في ايه يابنتي 
جري عليها محمد يشوف فيه ايه وبدأوا كلهم يكلموها ومفيش فايدة .. وفي وسط ماهو عمال يندهلها ويحاول يحركها هو ومريم عمر وقفهم
عمر واضح إنها دخلت في حالة نفسية لما عرفت ياجماعة
مريم يعني ايه 
عمر يعني احنا لازم نهدي اعصابنا خالص دلوقتي ونتعامل بعقل عشان نقدر نخرجها من الحالة دي
فضل محمد باصصلها شوية وعيونه مليانة دموع .
غطاها وطفى نور الغرفة
محمد يلا ياجماعة نخرج ونسيبها ترتاح
بعد ما خرجوا بساعة 
عمر مريم انتي مالك وشك مصفر ليه كدا 
مريم مفيش دايخة شوية بس
عمر لا الوضع دا خطړ عليكي كدا .. اللي في بطنك دا عمال يسحب منك
مريم احنا في ايه ولا في ايه ياعمر خلينا نركز في اللي احنا فيه بس
عمر انا هروح اجيبلك حاجة تشربيها
محمد لا لا خليك معاها .. هروح انا
عمر طيب
راح عمر على الكافيه .. طلب مج تشوكليت بالحليب وراح يستناه

عمر بقولك ايه يامريم
مريم ايه ياحبيبي
عمر انا جه في دماغي فكرة كدا نقدر نوصل بيها لأحمد الكلب دا ونوقعه
مريم ايه هي 
عمر بصي ياستي ..
محمد انا جيت .. كوباية تشوكليت بالحليب هتظبط معاكي كل حاجة اهو
عمر طيب اشربي الأول وبعدين نتكلم
مسكت مريم الكوباية وبدأت تشرب وبعد نص الكوباية بدأت الدنيا تضلم في وشها 
دماغها لفت واعصابها باظت .. الكوباية وقعت من ايديها في الأرض
مريم اااااه .. بطني ياعمر
التزمت زي ما وعدتكم أهو
البارت 26 
ولكنني أحببت
عمر ايه ياحبيبتي مالك فيه ايه !!
مريم پتتوجع بطني ياعمرررررر الحقنننننني .. سكاكين بتقطع في بطنننني
بدأت تتوجع اكتر وصوتها يعلى وعمر مخضوض عليها .. شالها وجري بيها على غرفة من الغرف ومحمد جري ينده للدكتور
دخل بيها عمر ر وهي عمالة تصوت من الۏجع وقف جنبها يحاول يهديها وهو ماسك ايديها ومخضوص .. جه الدكتور بسرعة واول ما شافها فهم اللي عندها
الدكتور اللي عندها دا ټسمم 
بعد اذنكم بقا كله يخرج عشان احنا لازم نعملها غسيل معدة حالا
عمر مازال واقف ماسك ايدها ومش قادر يخرج يسيبها
الدكتور يلا يااستاااذ بعد اذنك قبل ما السم ينتشر اكتر من كدا
محمد شد عمر خرجه من الغرفة
في الطرقة 
عمر رايح جاي متوتر واعصابه مشدودة
عمر ټسمم يجيلها منين الټسمم دا دي كانت واقفة جنبي 
ايه دا لحظة كدا !! الټسمم دا جالها من الهوت شوكليت اللي كانت بتشربه قبلها بثواني
محمد أيوة فعلا هي يادوبك شربت كام بوق وتعبت كدا .. بس ازاي إذا كان انا اللي جايبه بأيدي
سرح محمد وعمل فلاش باك وقت ما كان بيجيب الشوكليت
واقف مستني الراجل يعمله فماسك التليفون باصص فيها .. جاي بيتلفت وهو سايب التليفون لقى الراجل خرج على برا