الحلقه الخامسه عشر حمزة : تعرفيه منين جودي : هو يبقي ابن عمي
جودي بس يعني
حمزه مبسش هي كلمه اه ولا لا
جودي بتردد : موافقه
حمزه : يبقى خلاص هظبط الدنيا ونكتب الكتاب على طول
عدى الوقت وكان الكل متجمع على السفره وكالعاده بيتكلموا
مالك : حمزه انت بكره هتروح للشركه لوحدك عشان انا وزين وماما هنروح نخطب للبيت
حمزه : الف مبروك يا عم اهو هتعمل اللي انت عاوزه
زين : والنبي انت تبطل نق وهي هتمشي
حمزه : بمناسبه القعده الحلوه دي انا عاوز اقول حاجه
مالك قولي ي اخويا
حمزه : انا نويت اتجوز
اڼصدم الكل من كلامه واستغربوا لانه كان رافض حد يفتح معاه الموضوع ده حتى
مالك : وده من ايه ان شاء الله
حمزه : عادي انا لقيت اللي فعلا هتحافظ على ابني وبعدين مش انتم عاوزين كده
ثريا : يا ابني احنا عاوزينك تكون مبسوط مش اكتر لو انت فرحان ومبسوط من الموضوع ده فاحنا اكيد مش هنعارض
حمزه : يبقى انتم موافقين
ثريا : اكيد
مالك : حمزه انا عاوزك في موضوع بعد ما تخلص اكل تعالى ورايا على المكتب
قام مالك وسابهم وحمزه راح وراه على طول وفضلوا التانيين
مكه : يا ترى مالك عاوز حمزه في ايه
ثريا : اكيد في موضوع مهم سيبيهم على حريتهم
زين : الحمد لله انا هقوم بقى عشان انام لان بكره هيبقى يوم طويل
في المكتب كان حمزه قاعد قدام مالك وبصصله ومستنيه يتكلم
حمزه : هو انت جايبني هنا عشان نفضل نبص لبعض
مالك : ايه سبب القرار مفاجئ ده
حمزه : عادي انا لقيت ان ده وقت مناسب ولقيت البنت المناسبه
مالك : جودي ها
حمزه : انت عرفت ازاي
مالك : قول لي انت خليت حازم ياخذ الشاب المصنع
حمزه : حازم الكلب
مالك : رد على السؤال يا حمزه
حمزه : اه خليتهم ياخدوه
مالك : ممكن افهم ليه
حمزه : لانه غلط ولازم يتعاقب
مالك : انت حبيتها يا حمزه
حمزه : انت بتقول ايه
مالك : قلت لك رد على السؤال
حمزه : يعني اقول ايه
مالك : الحقيقه الحقيقه وبس
حمزه : .........
