رواية توبه البارت 12 بقلم مرفت السيد حصريه وجديده

محدش المفروض يتطفل بس مفيش مانع 
نزلنا وبابا وعمي استقبلونا بكل سعادة وصلونا المطار ودعناهم بالاحضان وركبنا الطيارة 
اغلب الوقت كنا نايمين لحد ماوصلنا للفندق في دهب عمي كان حاجزلنا شهر عسل كامل الفندق كان عامل بروجرام سفاري وكهف وبحيرات ملح ودايڤينج
قضينا اسبوع كاصدقاء وبنتعامل مع بعض بكل احترام وتفاهم
لحد مافي يوم واحنا بنتعشا عالببسين لقينا صړيخ وبنت بتجري علينا معاها شلة بنات وشباب وبتصرخ فارس فااااارس
وجريت عليه وهو اتخض بعدها عنه وقالها رنا ازيك 
قالتله واحشني يامان بتعمل ايه هنا
قالها اعرفك وشاور عليا وقالها مراتي انا في شهر العسل
بصتلي ووشها اتغير قالت مبروك 
هزيت راسي بهدوء وكملت اكل واتجاهلتها
قالتله انت اتجوزت 
قالها اه عقبالك 
قالتله مش هتصدق معايا مين الشلة كلها
وندهت عليهم تعالو سلمو على فارس وعروسته
وفعلا جه 3 بنات و شباب سلمو على فارس وعليا وباركولنا 
وصمموا نطلع معاهم رحلة على يخت واحد منهم بكرة ومع اصرارهم فارس وافق وهو متضايق
بعد انصرافهم قالي انا اسف والله 
قولتله على ايه
هي هجمت عليا انا اتفاجئت
اوك
تحبي نعتذرلهم عن الرحلة 
براحتك 
خلاص هحاول اخلع منهم
انت متوتر ليه 
اصل بصراحة 
قول
دي البنت الي قالت انها حامل مني وجاتلي لحد البيت وبابا طردها وكان هايتبرى مني 
هي عرفتك منين
دي انتيمة هدير مرة جاتلي المطعم معاها واخدنا ارقام بعض وخرجنا وسهرنا والباقي انتي عارفاه وبعدها بقت تطاردني لحد ماخلعت منها وصلت للبيت وقالت لبابا انها حامل مني وكان يوم منيل 
يعني احتمال هدير تكون بعتاها وراك 
ممكن طبعا اصل دي صدفة عجيبة انها تيجي بدخول الشتا وبنفس الفندق 
كبر دماغك والافضل بلاش احتكاك بيها
انا مبسوط انك متفهمة واني اقدر احكيلك كل حاجه 
مااحنا متفقين نبقى صحاب 
ابتسم بارتياح وقالي ياللا نطلع اوضتنا
كل دة ورنا وصحباتها بيراقبونا پحقد
الصبح صحينا على الفون بيرن بالحاح 
فارس رد ووشه اتغير وقال لا مش هانيجي قولتلك لا بقولك ايه يارنا
متتصليش بيا تاني
وقفل في وشها
قالي توبة انا هاشوف فندق اهدا من هنا ونمشي من ۏجع الدماغ دة
ابتسمت وقولتله لا مش احنا الي هنمشي سيب الحكاية دي عليا 
هاتعملي ايه
يتبع