رواية لعڼة الماضي الحلقه 15 بقلم الشيماء محمد حصريه وجديده

تفكير تاني ان ممكن الحاجه تبقي فرح اللي شيلاها او منيره مش فارس ...مين قالها ان فارس هو اللي شايل الحاجه دي ممكن يكون مامته شالتهم كذكري او صور ابنها مش عايزه تقطعهم بعد ما كانت هتتكلم سكتت تفكر بدل ما تتهور .... 
قامت راحت اوضتها رايحه جايه بتفكر تعمل ايه في الصندوق وتحطه فين ترجعه مكانه تحرقه تديه لفارس وتواجه مش عارفه تتصرف ازاي  
فارس فتح التليفزيون وقعد قدامه ومستغرب من ايمان وطريقه كلامها وليه بتقوله بالطريقه دي !! وكأنها عايزه تلمحله بحاجه وهو مش فاهم ....
فضل قدام التليفزيون وفجأه افتكر الصندوق فقام بسرعه علي اوضه فرح يشوفه ومالقاهوش وهنا فهم مراته مالها وبتسأل ليه وعايزه ايه 
دخل لمراته الاوضه وبصلها كتير 
فارس فين الصندوق يا ايمان 
ايمان دورت وشها بعيد وغمضت عنيها ..كان عندها امل انه مش هو اللي مخبيه !!!
فارس سمعتيني فين الصندوق 
ايمان صندوق ايه معرفش انت بتتكلم عن ايه 
فارس فين .. الصندوق .. يا .. ايمان 
كان بيتكلم بمنتهي الهدوء 
ايمان معرفش صندوق ايه 
فارس الصندوق اللي لقيتيه في اوضه فرح فين 
ايمان اه الصندوق اللي فيه صور حبيبتك رميته في الزباله 
فارس فين الصندوق يا ايمان 
ايمان قولتلك رميته !! 
فارس بدأ يتعصب فين الصندوق يا ايمان 
ايمان حرقته ولعت فيه .. واحمد ربنا اني ما ولعتش في الشقه كلها 
فارس بيزعق مش هسأل تاني فين الصندوق يا ايمان 
سابته وخرجت بره وهو خرج وراها ومسكها جامد من دراعها لدرجه صړخت 
فارس هو فين انطقي 
ايمان معرفش .. عايزو ليه هاه مش قلت انها ذكري مش قلت انك تخطيتها شايله ليه محتفظ بيه ليه ليه يا فارس 
فارس ده شيء ما يخصكيش 
ايمان پصدمه ما يخصنيش انا مراتك !! ما يخصنيش ازاي 
فارس ما يخصكيش .. حياتي قبلك ما تخصكيش .. انتي ليكي من يوم ما ډخلتي البيت ده قبلها بساعه ما يخصكيش.. ذكرياتي .. حياتي ... حبي .. كل ده ما يخصكيش ...
ايمان لا طبعا اي شيء مرتبط بيك يخصني .. انت كلك علي بعضك تخصني 
فارس هتفضلي كده لامتي لامتي هتفضلي تبصي لنص الكوبايه الفاضي لامتي عدم الرضا ده هاه لامتي هتفضلي تدوري علي اي حاجه تنكدي عليها لامتي هتفضلي تدروي علي اي شيء المهم تحسي انك ضحيه ما ترضي مره بحالك !! ارضي باللي بين ايديكي 
ايمان وانا مش راضيه وبعدين ايه هو اللي بين ايديا وهم 
فارس الوهم ده جو دماغك بس . انتي عندك زوج بيقدرك وبيحترمك وبيتمنالك الرضا وبيعمل كل اللي يقدر عليه علشان سعادتك لكن كل ده مش مكفيكي بتدوري ديما علي اكتر .. وللاسف حتي اللي بتملكيه هتخسريه باللي بتعمليه ده 
ايمان انا ما كسبتكش علشان اخسرك 
فارس هتعرفي الفرق بس للاسف هيكون بعد فوات