رواية جريح_الصمت_ياقلبي الفصل الثالث عشر للكاتبة_ضاقت_انفاسي حصريه وجديده

..حاطه القلم بفمها وتفكر بعمق!! 
رعد الصدمة شلته وهو يشوف أبوه واقف يناظرهم ..ما هو وقت رجوعه ...ومن شدة الخۏف ما قدر ينطق حرف واحد!! 
اقترب وليد بهدوء ووقف فوق رأسها وهو ينطق بهدوء وش تعملين ! 
نقزت على الصوت حست بالحركه بس توقعت عبود .. لأنه ما هو موعد رجوعه...ناظرته وهي تسحب القلم من فمها... وبهدوء عكس قلبها لي يدق بقوة من الخرعه جالسه
رعد قطع عليها الكلام وهو ينطق بتوتر تشرح لي الواجب!
زم شفته بتعجب وهو يناظره تشرح لك!
والأستاذ وش وظيفته بالمدرسة ! 
نزل لمستواها وسحب منها الدفتر بهدوء ...ناظر الحل وهو رافع حاجب بتعجب ...الحل صحيح..الټفت لدفتر الرياضيات...تناوله وهو يناظر حلها نفس الشيء ولا غلطه ... متأكد إنها متفوقه بالمدرسة بس ما درست عناد فيهم حتى تبقى بالقرية ..للحين ما يدري وش فيها القرية شيء يخليها متعلقه فيها هالكثر!! 
شد على الدفتر پقهر من تصرفاتها ...أحد يضيع مستقبله نكايه بشخص ثاني!
رجع ناظرها ولو يطلع بيده يكسر رأسها على كمية الغباء الي فيها ...وش فائدة الذكاء العلمي وبأمور الحياة غبية وما تعرف تأخذ قرار صحيح ! 
وبنبره حازمه نطق وش هذا الي كتبتيه! 
ناظرته بعدم فهم واجب
قاطعها بصرامه وربي اذا تكرر هالفعل الا تتعاقبوا الاثنين ...واجباته ينقلع يكتبها بنفسه ما هو حضرتك تكتبيها وهو جالس يتفرج!! 
وقف واقترب من رعد بتوعد خليني اسمع إنه أحد كتب لك الواجب وربي الا ټندم ...طول الباب ومب قادر تحل مسألة سخيفه وتافهة!
باكر بالثانوية وش رح تعمل! 
الحين تحمل كتبك وتروح لغرفتك تحل الواجبات ...وعقابك ما في طلوع اليوم!! 
بعدها الټفت على بيلسان وبصرامه أتمنى هالتصرف ما يتكرر...لو كان فيك فايدة كانت نفسك الاولى فيها!! 
أعطاهم نظرات توعد ..وغادر المكان...
رعد بعد خروجه تنفس براحه وربي خفت يقطع ورق الحل الي كتبتيه!!! 
بيلسان مطت شفتها بسخرية هذا الي يهمه ... وبهدوء نطقت خذ كتبك واطلع من الغرفة!! 
كش عليها وهو يجمع أغراضه مالت عليك!! 
خزته بقوة نذذذذذل ..
ضحك على ملامحها .. وبابتسامة نطق وربي إني أحبك يا بيسو ! 
ابتسمت على كلامه اطلع قبل ما يرجع أبوي ويعمل لك سالفه !! 
تحرك وهو ينطق پقهر الله يعيني على الدراسه...طق كبدي منها!! 
بعد خروجه زفرت بضيق...وهي تتذكر كلامه ..يعني إنها بدون فائدة ! 
كشرت ملامحها من وليد وخزامى ما تدري وش الي يرضيهم ...تحسه وهو يتكلم شوي ويطحنها!! 
رح تسكت وتشوف نهايتها! 
بالمجلس الكبير جالس ومعقد حواجبه باستغراب من تواجد هالرجال هنا ...وش يبغى منه ! 
وبنبره ثقيله نطق حياك الله ! 
نطق والتوتر يسيطر عليه انا قاصدك بعد الله ...لي طلب عندك واتمنى ما تردني خايب!! 
وليد رجح إنه يبغى يدبره وظيفه .. وبهدوء نطق إلي أقدر عليه ما رح أقصر فيه...
نطق بهدوء ما تقصر...ربي يحفظك ..أنا اليوم جاي من قرية أخطب بيلسان على سنة الله ورسوله!! 
عقد حواجبه پصدمه آخر شيء توقعه وش تقول! 
رد بتأكيد أخطب بيلسان
قاطعه وهو يرفع حاجب وانت من وين تعرف بيلسان! 
اخذ نفس ورد بهدوء اعرفها من لما كانت صغيره ...وخطبتها من زمان من جدها سلطان بس رفض ...يا عم البنت أنا أبغاها ..وحسب ما وصلني إنها موافقه علي بس جدها وقف عقبة بيني وبينها ...علشان كذا أخذت عنوانك وقررت أتكلم معك بشكل خاص ...اذا وافقت وحصل القبول رح أجيب أهلي وربعي هنا ونخطبها رسمي ... وش قلت يا عم!!
يتبع