رواية مكتوبه على إسمي الجزء الثاني الحلقه السادسه عشر بقلم الكاتبه ملك إبراهيم حصريه وجديده
ومقدرتش تكمل الفرح وآيات اضطرت تمشي معاها.
آيات بصتلها پصدمة وقالت بانفعال انتي ازاي كده..!! تعرفي لو مكنتيش ام هاجر انا كان هيبقى ليا تصرف تاني معاكي.
عامر اټصدم من اندفاع آيات وكلامها مع مامت امجد بالطريقه دي وزعق ل آيات آياااات.. انتي ازاي تتكلمي مع مامت صحبتك بالطريقه دي!!
آيات بصتله پغضب وعيونها بتلمع بالدموع وقالتله طبعا لازم تدافع عنها ما انتوا زي بعض.. فاكرين انكم اتخلقتوا من دهب واحنا اتخلقنا من طين!...
وبصت ل مامت امجد وقالتلها لو وقفتي قدام بيسان تاني في اي طريق انا اللي هقول ل امجد كل حاجة بنفسي وهعرفه ان انتي فرقتي بينه وبين بيسان...
وبصت ل عامر پغضب وكملت كلامها وهقوله ان انتي مش زي ميسره هانم ومش هتقبلي ان ابنك يتجوز واحدة من الشارع ويكتبها على اسمه.
عامر اټصدم من كلام آيات وبص ل مامت امجد اللي خفضت وشها في الأرض وآيات مسكت ايد بيسان وقالتلها يلا يا بيسان نمشي من المكان ده...
صوت عامر القوي وقفها استني يا آيات...
وبص ل مامت امجد وقالها حضرتك اللي قولتلي ل آيات الكلام ده!
مامت امجد بصتله بقوة وقالت انا حره في اختيار البنت اللي تليق ب اسم عيلتنا ومش هسمح ان حياة ابني تدمر زي حياتك وابنه ېموت بسبب واحدة مستهتره زي اللي انت كنت متجوزها....
وبصت ل آيات بسخريه وقالت انت جربت تتجوز واحدة من الشارع وشوفت نتيجة غلطتك..
رد عليها عامر بقوة البنت اللي انا اتجوزتها مش من الشارع.. مراتي لها اهل وعيله ومتربيه وانا لاخر يوم في عمري هفضل اتشرف انها مراتي ومكتوبه علي إسمي..
آيات بصت له پصدمة لانه قال عنها مراتي وبيسان ومامت امجد بصو له باستغراب ومفيش حد فيهم فاهم معنى كلامه لانه بيتكلم عن آيات وكأنها لسه مراته.
عامر كان في شدة غضبه من مامت امجد وكلامها الچارح ل مراته وكمل كلامه معاها پغضب الحاجة الوحيدة اللي هتمنعني احاسبك على غلطك في مراتي هو ابنك امجد لان ابنك إنسان محترم ومش ذنبه ان انتي امه.
آيات بصت ل عامر پصدمة وهي فرحانه من جواها لانه دافع عنها ومامت امجد بصتله پغضب وقالت بعصبيه خليك ماشي وراها انت حر بس ملكش دعوه ب ابني انا مش هسمحله يغلط غلطتك...
وبصت علي آيات وبيسان پغضب وقالت انا مستحيل اجوز ابني ل بنت من المستوى ده!
وبصت ل بيسان وقالتلها بتحذير وانتي دا اخر تحذير ليكي.. لو مبعدتيش عن ابني انا هدمرك يا بيسان...
وبصت ل عامر وكملت كلامها ومفيش حد هيقدر ينقذك من اللي هعمله فيكي.
انتهت من كلامها وسابتهم ومشيت وعامر بص ل بيسان وايات وسألهم بصوت قوي انا عايز اعرف ايه اللي بيحصل بالظبط وليه هي عايزة تفرقك عن امجد.
بيسان اڼهارت اكتر في البكاء وقالت هي حره وانا مش عايزه ابنها.. تبعد عني هي وهو.
عامر بص ل آيات اللي كانت بتبصله بحب بعد ما دافع عنها وعامر فهم نظراتها ويمكن نظراتها دي اللي هدته شويه وقالهم طب تعالوا كملوا الفرح ونبقى نكمل كلامنا لما تهدوا.
اتكلمت بيسان باعتراض لا انا مش هرجع الفرح ده تاني انا عايزة امشي.
اتكلمت آيات معاها انا جايه معاكي.
بيسان پبكاء لا يا آيات ارجعي انتي عشان هاجر متبقاش لوحدها ومتقلقيش عليا انا كويسه والله وهكون احسن لو بقيت لوحدي شويه..
وبصت ل عامر وقالتله خلي بالك من آيات يا عامر ومتسمحش ل مامت امجد تضايقها.
عامر أتكلم مع بيسان طب اهدي ي
بيسان وتعالي معايا انا هوصلك.
بيسان پبكاء لا انا كويسه وارجوكم محتاجة اكون لوحدي شويه.
واتحركت بيسان بخطوات سريعه وخرجت من الفندق كله وآيات كانت لسه واقفه مكانها وزعلانه عشان بيسان.
عامر قرب من آيات وسألها آيات قوليلي في ايه بين بيسان وبين مامت امجد
آيات بصتله بتوتر وقالت مامت امجد رافضه بيسان وهي اللي طلبت منها انها تسافر وتبعد عن امجد ومش بتفوت اي فرصه غير وتضايقها زي ما انت شوفت كده.
عامر هز راسه بتفهم وقال امجد لازم يعرف الكلام ده.
آيات اتوترت وقالت بس بيسان مكانتش عايزه امجد يعرف عشان ميحصلش مشكله بينه وبين مامته بسببها.
عامر بصلها اوي وقال لا يا آيات.. امجد من حقه يعرف عشان يدافع عن حبه.
آيات بصت ل عامر اوي وهزت راسها وقالت على كل حال انا كنت عايزة أشكرك لانك دافعت عني.. بس مكنش له لزوم انك تقولها مراتي.
رد عامر عليها انا قولتلها الحقيقه.
آيات پصدمة تقصد ايه
عامر بصلها اوي وقرب منها وقالها انتي لسه مراتي يا آيات انا مطلقتكيش.
آيات بصتله پصدمة وذهول واتجمدت مكانها وكأن كل ساعات الكون وقفت عند اللحظة دي ومبقتش تتحرك... بقلمي ملك إبراهيم.
.... يتبع
تفتكروا آيات هتقبل انها لسه مرات عامر ولا هتعاند تاني معاهمنتظرة رأيكم في التعليقات وياريت تتفاعلوا علي البارت عشان تشجعوني انشر البارت بدري متنسوش اللايك بعد القراءة
