رواية لن انساك الفصل العاشر بقلم ريهام أبو المجد حصريه وجديده
رواية لن انساك الفصل العاشر بقلم ريهام أبو المجد حصريه وجديده
بعد مرور عام كامل على قلوب الجميع عام مر ومر معه كل عسير ويسير قلوبا غمرها الشوق والحنين وقلوبا أزهقها التخلى والټضحية وقلوبا تغمرها السعادة لجوار حبيبه
في فيلا سليم كانت ميرنا نايمة وصحيت على حركة على وشها بتفتح عيونها لقت سليم مقرب وشه من وشها وبيلمس خدها بإيديه فقامت مخضۏضة فسليم قال لسه بردو پتخافي إزاي بعد سنة مش قادرة تتعودي عليا يا ميرنا
ميرنا بتهرب لا مش كدا أنا بس أفتكرت في حاجة
سليم خلاص ولا يهمك أهدى يا حبيبتي
ميرنا وهي بتقوم من على السرير هي الساعة كام
سليم بإبتسامة ٨ صباحا
ميرنا إية دا أنت كدا هتتأخر على شغلك يا سليم
سليم بإبتسامة ما أنتي عارفة إني مبعرفشي أخرج من غير ما تفطريني وتسلمي عليا قبل ما أمشي
ميرنا معلشي أنا هقوم أحضرلك الفطار بسرعة
سليم مسكها وشدها لصدره وحاوط خصرها وقال استني لازم أخدوبوستي الأول
ميرنا بحرج سيبني يا سليم عشان أحضرلك الفطار
سليم بعند لا هاخد بوستي الأول
وباسها من خدها وبعدين سابها وهي راحت لسرير طفلتها ملك وقالت پخوف إية دا فين ملك يا سليم
سليم عطتها لماما أصلها كانت بټعيط فخۏفت تصحيكي
ميرنا أنا آسفة بس محستشي كنت تعبانة اووي وطول
الليل مكنتشي راضية تنام
سليم ولا يهمك يا حبيبتي يلا بقى عشان أمشي
ميرنا حاضر
نزلت ميرنا ودخلت المطبخ لقت زينب بتجهز الفطار
فقالت صباح الخير يا ماما
زينب بفرحة صباح الخير يا قلب ماما ها أستريحتي شوية
ميرنا بتعب والله يا ماما دماغي بيوجعني اووي معرفتش أنام غير ساعتين اتنين بس ملك مش بتبطل عياط وزن
زينب معلشي يا حبيبتي دا طبيعي هي لسه يدوب عندها كام شهر
ميرنا أمال هي فين
زينب بإبتسامة مع سلمى يا حبيبتي قالت تاخدها شوية عشان ترتاحي
ميرنا باست زينب من خدها وقالت ربنا ميحرمنيش منكم أبدا يا رب
زينب شكلك مش فايقة انتي مغسلتيش وشك أصلا صح
ميرنا ايوا أصلي نزلت جري عشان أحضر الفطار لسليم عشان يلحق شغله
زينب بزعل طب ما أنا موجودة أهو كان لازم يعني يتعبك ويقومك وأنتي يا دوب نمتي ساعتين
ميرنا مش مشكلة يا ماما هو بيتعب لازم أقدره
سلمى من وراهم وهي شايله ملك تعرفي يا ماما إن ميرنا طول الليل قاعدة تحت وعماله رايحة جاية بملك عشان كانت بټعيط ومكنتشي عايزة تزعج سليم
زينب لية كدا يا ميرنا زمانك تعبتي اووي
ميرنا عادي يا ماما دي بنتي
زينب وبنته هو كمان لازم يستحمل ويشيل معاكي
ميرنا بهدوء يا ماما سليم مبيحبش الصوت العالي والعياط جنبه فأنا أحترمت دا وخرجت من الأوضة
سلمى أنا كنت زيك بس وجدي كان معايا وكنا بنستلم الأدوار سوا
ميرنا بضحك أنتم متأكدين إن سليم ابنكم دا أنتي
لو حماته مش هتقولي كدا يا ماما
زينب عشان أنتي كمان بنتي يا ميرنا ومحبش أشوفك تعبانة زي ما أنا مبحبش أشوفه زعلان وكمان هو غلطان لأن دي مش بنتك لوحدك لازم يساعدك مش يقولك مبحبش صوت العياط إية نسكت البنت بالعافية يعني
ميرنا خلاص يا ماما عشان خاطري عشان سليم ميزعلشي من كلامك دا أنا راضية معنديش مشكلة ممكن بقى
أساعدك عشان أحضر الفطور بتاع سليم
زينب لا يا حبيبتي أطلعي أنتي خديلك دوش وغيري هدومك
