رواية زهره لاتدبل الفصل الحادي عشر بقلم الكاتبه أماني سيد حصريه وجديده
سعاد الحديث معه لكنه لم يجيب عليها
الى أن ذهبوا المنزل
مالك يا رأفت ساكت ليه
زهره مش هتسكت غير لما تاخد كل اللى حيلتى وبضم حضانتها المحامى قاللى انها هتاخد نفقه للطفل وانى هبقى ملزم يتوفير سكن ليها وانا بعت الشقه فقدامى حلين تيجى تقعد هنا ونخرج إحنا من الشقه او ادفعلها إيجار شقتها
ولو معملتش كده هيحصل ايه
هتحبس لأن معاها مفردات مرتبى والحكومه مابتهزرش
لا ادفعلها بقى وخلاص
بقولك ايه انا عارفه إن مش وقته بس انا محتاجه ١٠٠٠ جنيه
ليه بقى مانا لسه مديكى امبارح ١٠٠٠
بتوع امبارح دول جبت بيهم كل وشرب يكفى اسبوع انما ال١٠٠٠ دى لمايسه عشان الدروس
لا يا حبيبتي بح كان في وخلص خليها بقى تاخد دروس من النت إنما انا خلاص بح كفايه عليها فلوس المحامى وايجار الشقه
ايجار ايه هو انت دفعتلهم حاجه
بصى هى كده كده بايظه فاعرفى بقى الحقيقة الشقه اللى احنا قاعدين فيها دى إيجار
نهارك اسود ومنيل انت نصبت عليا
نصبت عليكى فى ايه مانتى واكله شاربه نايمه ببلاش غير مصروف بنتك وانا اللى شايل الليله
منك لله يا رأفت منك لله انت خبيت عليا حوار الشقه ويا ترى مخبى عليا ايه تانى بقولك ايه انا ماليش دعوه بالكلام ده انا متجوزاك عشان تصرف عليا انا وبنتى
لا انسى كان فيه وخلص عايزه تصرفى على بنتك انزلى اشتغلى واصرفى عليها ولا اقولك نزليها تشتغل فى اى محل إنما انا عليا الطلاق ارميكى فى الشارع انتى وبنتك
ثم تركهم ودخل غرفته ليفكر
فى جهه اخرى فى المدرسة عند ساجد
دلفت اليه مى وبيدها ورقه
خير يا استاذه مى
اتفضل
ايه ده
دى اجازه مرضى مش هقدر انزل اشتغل الترم ده
بس انتى مش تعبانه وغير كده جايه تقولى كده دلوقتي
هو من ناحية مش تعبانه فأنا مش تعبانه إنما انت بقى هتقدر تثبت كده
انتى قصداها بقى
بصراحه اه انا همشى وبعد كده هقدم استقالتى ودور بقى على مدرسه غيرى يمكن تلاقى
انتى فاكره إنك بكده تلوى دراعى لا يا مى انا دراعى مابيتلويش ولو فاكره انك بكده هتتغطى عليا عشان اتجوزك يبقى بتحلمى بالعكس انتى اثبتيلى انى كنت صح لما قررت انى ماتجوزكيش
يعنى مصمم
اه ومش بس كده انا موافق على الاجازه المرضى بس لما تخلص ماتجيش تسألى عن شغل هنا تانى لأن مش هيبقى ليكى مكان هنا
انتى شغاله فى مدرسة الف واحده وواحد يتمنوا يشتغلوا فيها وفاكره إنك هتضغطى عليا باللى بتعمليه ده تبقى غبيه أوى
اجازتك مقبوله اتفضلى مع السلامه عشان تقدرى ترتاحى
خرجت مى من غرفه ساجد وهى تغلى من الڠضب
فى الجهه الاخرى نشر ساجد منشور على صفحه المدرسه
يإحتياجهم لمدرسين لغه عربيه
رأت غزل ذلك الإعلان وقامت بارساله لزهره واتصلت بها بعد ذلك
زهره مدرسه الاولاد تعبت وسابت المدرسه وهما دلوقتي محتاحين مدرسين ومرتباتهم حلوه اوى
تفتكرى محتاجين حد اكيد عندهم ناس يشغلوها منهم فيهم
لا مستر ساجد شديد ومش بيسمح بكده وغير كده بيعمل اختبار للمدرسين عشان يتأكد بنفسه إذا كان مناسبين ولا لا روحى بكره وقدمى ولو اتقبلتى هتنزلى فى نفس اليوم
خلاص هروح بكره واجهز الورق بتاعى واعمل ديمو اقدمه ديمو مصطلح بيكون وقت التقديم ومعناها بتجهز درس وبتشرحه امام المديرين ومجموعة من المدرسين
خلاص ربما معاكى
فى اليوم التالى ذهبت زهره للمدرسة وقامت بملء ابلكيشن وانتظرت دورها فى الانترفيو
نظرت حولها ورأت عدد من المتقدمين الذين يرتدون ملابس لا تليق بمكان كهذا ومن داخلها بدأ الحماس يقل لكن قررت أن تكمل التجربه للاخر
يتبع
