رواية بداية_ النهاية بقلم Bayan klib&bayan sh الفصل الثالث والرابع حصريه وجديده

رواية بداية_ النهاية
بقلم Bayan klibbayan sh
الفصل الثالث والرابع حصريه وجديده 
بعد مرور يومين...
بعد نهار طويل بالشغل رجعت بيان عالبيت .. 
دخلت عالصالة شافت عاصم وامها قاعدين 
بيان مسا الخير 
فاطمة اهلين بنتي .. حضرلك العشا 
بيان لا امي مالي نفس 
عاصم تعي شوي نحكي كلمتين .. ناطرك عالبلكون 
بيان يلا بس بدل تيابي 
بدلت تيابها ونزلت لعاصم 
قعدت جنبه .. خير شو بدك ! بس ما يكون نفس الموضوع 
عاصم .. 
بيان اذا نفس الموضوع رح عصب يا عاصم 
عاصم اعطيني سبب واحد يمنعك تفكري بعرضه
بيان يا عمي كم مرة بدي قولها .. ما حبيتو .. كبير .. كبير بالعمر 
عاصم حبيبتي شو كبير .. هو من عمري تقريبا ..وما في فرق بنكون .. وانت شو بدك بعمرو .. لك يا حبيبتي هدا معو مصاري تعيشك ملكة كل عمرك 
بيان انا ما بحاجة مصاري .. انا بدي واحد حبو ويحبني 
عاصم شو تحبيه ويحبك .. اختي بعرفك اوعى من هيك .. لا تخلي تفكيرك محدود .. بس حقك ترتبطي بواحد يحبك .. وعمر بحبك ومستعد يطوبلك الارض بإسمك .. وبعدين عمر مبين اصغر من عمره ومبين شباب اكتر مني 
بيان انا معك .. بس عقلو مو راكب على عقلي 
عاصم هاي بشطارتك بتغيري وبتشكلي كيف بدك .. انت شفتي بس بدو رضاكي 
فقدت بيان السيطرة على اعصابها .. اخي قلتلك لا ما بدي ياه.. ما بحبو يا اخي ما ركب على عقلي .. دمو تقيل.. ما بدي ما بدي .. لا عاد تفتح معي الموضوع .. واذا ما بتقلو اني مو موافقة انا رح قلو .. انهي الموضوع من عندك بلا ما خربلك الدنيا 
رمت هالكلمتين وطلعت لغرفتها 
قعدت قدام مرايتها وتفكيرها مشوش 
صوت داخها بقول ترفض الموضوع وتنهي وتبقى مصرة على قرارها .. وصوت تاني بقول تعطي فرصة لحتى يثبتها حبو 
بين نارين ما عم تعرف تحدد موقفها 
رجعت بذاكرتها للحظة اللي طلب فيها عمر ايدها بطريقة غريبة 
______ فلاش باك ________
عوحدة من الطاولات بأفخم مطعم بالبلد .. كانت قاعدة بيان ومعها عمر .. كان الصمت سيد الموقف 
كسرت بيان هالصمت اللي قاتلها .. استاذ عمر ممكن اعرف شو مناسبة هالدعوة.. يعني من اول ما وصلنا وانت يا دوب بتجاوب على اسئلتي .. واغلب الوقت عالتلفون 
وصلت مسج عتلفون عمر .. فتحها وابتسم .. بتحبي نمشي 
انقهرت بيان منو ومن اسلوبو .. ايه بنمشي 
عمر تفضلي 
طلعوا من المطعم وبيان مو عاجبها الوضع وبتحاكي حالها طلب مني نطلع عاساس في موضوع مهم .. قضى الوقت يلعب بالتلفون ويبعت مسجات .. هدا شكلو بتسلى فيي  
ركبوا السيارة وانطلقوا 
بعد وقت لاحظت بيان انه ماشي بطريق غير طريق بيتها 
اخدت نفس .. استاذ عمر هدا مو طريق البيت 
ما رد عليها 
بيان بتوتر.. استاذ عمر !! 
فجأة وقف السيارة قدام فندق 
زاد توتر بيان بس حاولت ما تظهر تورترها لعمر 
نزل من السيارة وراح لجهتها .. فتح الباب .. ممكن تنزلي معي !
بيان وين جايبني 
عمر لا تخافي 
نزلت من السيارة وقلبها بدق بسرعة من الخۏف وعم ټلعن عاصم اللي اقنعها تقبل دعوتو عالعشا 
دخلو من باب الفندق كانت الاضوية مطفية واللوبي عتمة وما في اي صوت 
من خۏفها ما حست كيف مسكت ايده وشدت عليها وحكت پخوف ... شو عم يصير هون  
فجأة شعلت اضواء خاڤتة ونزلت بالونات عليها
فتحت عيونها بعد ما شافت قالب كيك كبير بنص اللوبي 
قرب عمر منها وهمس جنب ادنها .. بعتذر بس بيوم عيد ميلادك ما كنت موجود بلبلاد وحبيت عوضك 
قربت منها صبية بإيدها بوكس ملفوف بشريط احمر .. قدمتلها البوكس وراحت 
بيان بإستغراب ... شو هدا  
عمر افتحي
فتحتو وطالعت منو مجموعة كتب تاريخية ورواية 
ما قدرت تخفي فرحتها .. هدا كلو الي 
عمر شو ما عملت قليل عليكي . 
كملو السهرة وبيان فرحتها مو واسعتها .. ما كانت عارفة سبب الفرحة .. بس اللي بتعرفو انها بتحب المفاجئات وبتحب تكون دايما نجمة السهرة والكل يهتم فيها 
خلصت السهرة ورجعو عالبيت 
اخدت البوكس من المقعد الخلفي .. بتشكرك كتير كانت سهرة حلوة 
عمر انا اللي بتشكرك 
بيان تصبح على خير 
نزلت من السيارة بسرعة قبل ما تسمع منو كلمة وكأنها بدها تخلص منو بسرعة 
دخلت للبيت وطلعت لغرفتها
حطت البوكس وفتحتو .. احسن شي فيك انك بتفهم 
طالعت الرواية من البوكس وفتحتها لتتفاجئ باول صفحة مكتوب عليها بخط كبير تتزوجيني  
بعد ساعة وصلتها مسج عالتلفون ما بدي منك هلأ جواب .. فكري  
_________باك________
ابتسمت لحالها بالمراي ورجعت عبست
قامت من مكانها وراحت للتخت .. مسكت تلفونها وبعتت لرفيقتها ياسمين عالواتس وينك ولي .. دقيلي اذا فاضية 
تواني وكان تلفونها يرن 
بيان ايه دبة .. وينك من الصبح ما سمعت صوتك 
ياسمين انت قفلتي الخط بوجهي الصبح وما حبيت ازعجك 
بيان انت استفزتيني 
ياسمين بيان انت سألتيني عن رأيي وبدك جاوبك متل ما بدك 
بيان خلص ياسمين بكفي نق عاصم .. لا تزديها عليي انت كمان 
ياسمين بدي افهم شو اللي مو عاجبك انا اعطيتك رأيي وقلتلك لو بمكانك بوافق وبعد ما فتحت على صفحتو عالفيسبوك يقلك وافقي وانت مغمضة 
بيان رجعتي !!!!
ياسمين لك شو بدك احسن من هيك شبوبية لك رجال مو متل شباب هاليومين ما في عنهن مسؤولية وكلن اولاد 
بيان بمسخرة .. وشو كمان 
ياسمين ايه تمسخري تمسخري .. لك معو مصاري مريش واهم شي انه مېت عليكي لك هبلة بكفي طريقتو بطلب ايدك .. شو بدك احلى من هيك .. رومنسي وبحب الكتب متلك و... 
قاطعتها بيان پغضب .. لك خلص بكفي .. اسمعي ما بدي قفل الخط بوجهك .. يلا قولي باي ما بدي نخسر بعض 
ياسمين خلص خلص سلام 
بيان لك استني .. بكرا بدنا نروح عالنادي ابكر من العادة 
ياسمين ما بقدر واعدي خطيبي نلتقي بكرا 
بيان يا الله منك .. اساسا انت من وقت ما خطبيتي تغيرتي .. خلص خلص روحي ..انا مستغربة كيف بعدك ما عملتيلي بلوك 
ضحكت ياسمين من كل قلبها .. والله ضحكتيني .. ېخرب بيتك خلص لا تزعلي رح قحط لخطيبي ونروح سوا بس لا تزعلي 
بيان يا ويلي ما اغلاها 
ياسمين يلا روحي خطيبي بدقلي .. سلام 
بيان سلام 
_________ 
مرق اسبوع وبعده كمان اسبوع وعمر مختفي من حياة بيان لحتى ما يأثر عليها ولانه وعدها يتركها تفكر بدون اي ضغط منه ابدا .. بس هدا الشي ما منع عاصم وامها من النق فوق راسها 
رغم اختفاء عمر الا انها كانت انها كانت مزعوجة منو 
غرورها كان مصورلها انه عمر يضل يعملها مفاجئات وهدايا كل يوم .. ما كانت تنكر سعادتها بإهتمامه
تناقد كبير كانت عايشة داخلو .. بدها وما بدها .. والحل ..!! ما في حل وسط !! 
_________ 
مع بداية يوم جديد صحيت بيان متل العادة بعد ما دخلت اشعة الشمس بعينها 
قامت من التخت بكل نشاط 
وقفت قدام مرايتها لحتى تتغزل بحالها متل العادة .. يا صباح الفل على احلى وحدة بالدنيا كلها .. 
رمت بوسة بالهوا لحالها وراحت عالحمام 
اخدت حمام سريع .. لبست تياب سبور وطلعت 
توجهت للكافي اخدت قهوتها وانطلقت للمكتبة 
وقفت عند امين المكتبة .. يسعدلي صباحك عمو