رواية بداية_ النهاية بقلم Bayan klib&bayan sh الفصل الثالث والرابع حصريه وجديده

ما تحرفي كلامي لمى .. انا ما قلت هيك .. بس انا بدي ولد ما عملت شي غلط ابدا 
لمى وانا 
عمر انت زوجتي وحبيبتي لك انت اللي بالقلب 
لمى لا عاد تكذب عليي عمر .. كل عمري متحملة خياناتك وساكتة وبقول نزوات بس انك تتزوج عليي لا ما تحلم اني وافق على هدا الشي .. 
عمر ببرود.. وشو رح تعملي مثلا 
سكتت لمى وما ردت .. كانت عارفة انها ما رح تقدر تعمل شي ولا حتى تطلب الطلاق بسبب حبها 
عمر هيدا الصح .. انا تزوجت لحتى جيب ولد يحمل اسمي .. يعني لازم توقفي جنبي متل ما انا واقف جنبك وما تتخلي عني متل ما انا ما تخليت عنك ولا رح اتخلى عنك بيوم .. انت بتعرفي قدي بحبك لمى 
قرب عليها وحضنها .. لا تكبري الموضوع حبيبتي 
لمى والهانم بتعرف انك متزوج  
عمر طبعا 
لمى ووافقت عادي 
عمر عندك شك بجاذبيتي  
لمى پغضب .. احترم حالك 
عمر حبيبتي هدا بزنس .. متل اي بزنس .. ولحتى تكوني عارفة .. هدا الزواج رح يكون لصالحنا ..
لمى كيف يعني  
عمر انت عارفة مين اخوها .. اخوها عاصم الراوي .. منافسي الاول بالسوق .. يعني كمان مكسب لالنا .. فهمتي عليي 
هزت لمى براسها بس من داخلها ڼار الغيرة شاعلة بقلبها بس مو طالع بإيدها تعمل شي حاليا. 
__________ 
مر كم يوم هاديين 
امور عمر وبيان منيحة ولمى بقيت هادية بس في افكار كتير عم تدور براسها... 
اخذت نظرة ع تلفونها وابتسمت لما شافت التاريخ وبعد دقائق كان عمر داخل ع البيت وجايب معو كيك ليحتفلوا سوا بعيد زواجهن.
اكيد عمر قاصد هالاهتمام وعم يحاول يخليها تصدقوا وتبقى هادية..
اجتمعوا سوا ونفخ الشموع وقطعوا الكيك..
لمى حبيبي ابتسم للكاميرا لازم هالصورة نضيفها ل البوم ذكرياتنا
_________ 
باليوم الثاني
دخلت عالبيت التعب ظاهر عوجهها 
رمت حالها على اول كنبة .. 
دخل عمر عالصالة .. خير حبيبتي شبك  
بيان كان الشغل لفوق راسي ما بعرف كيف خلصت 
عمر بتحبي نروح نسهر بشي محل لتغيري جو 
بيان عم قلك تعبانة 
عمر رح اعملك كاسة عصير فريش 
دخل عمر عالمطبخ 
حملت تلفونها وصارت تقلب بالفيس .. وقفت عند صورة كانت لعمر مع زوجتو لمى ومكتوب عليها 
٨ سنوات معا .. ٩٦ شهر من الحب ..٧١٤ اسبوع سعادة .. ٢٩٢٢ يوم من العمل الجماعي .. ٧٠١٢٨ ساعة من الذكريات ..٤٢٠٧٦٨٠ ثانية من الضحك 
كل عام وانت حبيبي  
كانت لمى منزلة الصورة وعاملة منشن لعمر 
طلع الډم لراسها وما عادت ركزت بشي 
قرب منها وبإيدو كاسة العصير .. تفضلي يا عمري 
بكل برود عكس الڼار الشاعلة بقلبها اخدت كاسة العصير منو .. مبروك عيد زواجك الثامن عقبال العمر كلو يا رب 
اڼصدم منها .. شو بتخبصي انت .. اي زواج 
لفت التلفون عليه .. منور بالصورة مع انو انت احلى بالحقيقة 
توتر بعد ما شاف الصور ولعڼ لمى وشتمها بقلبو ..
بيان شو سكتت  
قعد جنبها وشدها لحضنو.. حبيبتي هدا كيد نسا مو اكتر 
بيان ببرود .. كيد نسا قلتلي .. مو مبارح كنت لابس هالتياب ولا هدا كمان كيد نسا 
بعدت عنو وحملت جزدانها .. انا رايحة لعند رفيقتي 
تركتو وطلعت من البيت بدون ما تسمع رده حتى 
ركبت سيارتها وانطلقت 
ماشية بدون وجهة محددة .. افكار مخربطة براسها ..
حمدت ربها انها طلعت من الفيلا قبل ما ترتكب چريمة
توجهت لبيت اهلها .. دخلت للبيت .. سألت عن عاصم وطلعت لغرفتو 
فاتت متل الصاروخ عالغرفة 
نقز عاصم .. انت ما بدك تبطلي هالعادة 
رفعت التلفون بوجه عاصم.. شو هدا 
شاف عاصم الصورةوحكى بقلبو ېخرب بيتك يا عمر هدا اللي اتفقنا عليه  
بيان شايفة انك سكتت 
عاصم حبيبتي اهدي 
بيان پغضب.. عاصم لا تتبارد عليي .. مو انت ورطني بهدا الزواج .. تفضل لاقي حل انا ما عاد بدي ياه 
عاصم شو هي لعبة .. اليوم بدي ياه بكرا غيرت رأيي .. انت وافقتي بإرادتك وما في حدا جبرك على شي .. 
بيان شو قصدك 
عاصم قصدي اتذكري منيح الفيلا اللي عايشة فيها .. والسيارة الاخر موديل وحياة الرفاهية منيح 
بيان ...
قامت من مكانها حملت اغراضها وطلعت من بيت اهلها وفي غصة بقلبها 
هي اللي عملت بحالها هيك طمعها وغرورها صورولها اشيا ما كانت موجودة .. فكرت انها فيها تسيطر على عمر بجمالها وبحبه الها .. فكرت انها لما قدرت توخد منو فيلا وسيارة ومصاري ما بتنعد تقدر تسيطر على قرراتو وحياتو .. غرورها صورلها انها فيها تتحكم بمصير حياتو وتشقلبها من فوق لتحت 
صحيت على حالها والدموع على خدودها .. مسحت الدموع ومسكت تلفونها ودقت للمحامي ناجي اللي كانت تدرب عندو بعد التخرج 
بيان مرحبا استاذ ناجي .. كيفك .. حضرتك بالمكتب .. ايه انا رح مر لعندك اذا مانك مشغول .. يلا مسافة الطريق 
__________ 
دخلت لعند المحامي براس مرفوع ونفس الغرور 
رحب فيها وطلبلها قهوة 
ناجي خير بيان لي طلبتي تقابليني  
فجأة وحدة خارت قواها ونزلت قناع القوة اللي كانت لابستو .. انا بحاجتك استاذ .. 
قلق ناجي من نبرة صوتها .. خير بيان شغلتي بالي 
بيان اول مرة بحس اني ضعيفة ومو قادرة اعمل شي ..
حكتلو بيان كل قصتها من الاول 
نزل ناجي النطارات عن عيونو .. اول شي لارم تكوني اقوى من هيك .. تاني شي انت محامية وشاطرة .. بتقدري ترفعي قضة خلع عليه وتكسبيها من اول جلسة 
بيان واخسر كل شي .. لا ما يحلم 
ناجي هون العبرة .. انت بدك كل شي .. ولازم توخدي القرار .. زواجك انبنى على الكذب والخداع .. 
بيان عارفة استاذ .. انا جيت لعندك لحتى ترفعلي قضية طلاق واخد نص املاكو .. رح يكون تعوض بسيط عن كڈبو 
ناجي مو ليكون عندو املاك اساسا 
بيان كيف يعني استاذ 
ناجي عمر المصري كل املاكو باسم زوجتو .. او بمعنى تاني .. كل المصاري والاملاك لزوجتو واهلها .. 
بيان... 
ناجي الفنادق والعقارات وكل شي بديرو عمر المصري لزوجتو لمى النصار .. اكيد مرق على راسك اسم مجدي النصار 
بيان مجدي النصار الي توفى بحاډث طرق مع عيلتو من شي اربع سنين .. 
ناجي بالزبط .. ولمى النصار الوريث الوحيد لمجدي النصار 
بيان يعني .. 
ناجي عمر المصري بس صاحب الشركة .. افتتحها من ٨ سنين بعد زواجو من لمى .. وكبرها على كتاف زوجتو .. هو صاحب القرية السياحية اللي افتتحها من فترة قصيرة.. الباقي كلو بإسم زوجتو 
طلع الډم لراس بيان وبطلت تعرف ترد .. صدمة ورا التانية وكل وحدة اقوى من اللي قبلها 
ناجي فكري منيح بأي خطوة رح تعمليها 
قامت من مكانها وسلمت عليه .. شكرا لوقتك استاذ 
ناجي انت متل بنتي .. بأي وقت فيكي تشرفيني 
بيان بالاذن 
طلعت من مكتب المحامي وراحت للكافي .. طلبت عصير .. وعلى غير العادة قعدت لتشرب العصير بالكافي 
وعم تذكر اللي صار معها واستغبت حالها كتييير 
بيان انا ياعمر الزفت تضحگ علي انا بيان الراوي خليتني صدق وراق كاذبة لگ انا كيف هيك صدقتوا بسهولة وماحققت بالأمر قبل والله لندمك
افكار شيطانية طلعت براسها بعد كلام المحامي .. كان كل همها ما تطلع الخسرانة الوحيدة بهاي اللعبة
طبعا في ناس المال والسلطة تقدر تعمي عيونهن وتخليهن يتخلوا عن مبادئهن وحتى ممكن قسمهن 
دخل على بيتو والشرر بطاير من عيونو 
طلع للغرفة ودفش الباب بإجرو وصړخ .. شو هدا اللي عاملتي .. انا مو حذرتك وقلتلك ما بدي ولا غلطة 
لمى لحتى تشوف حالك بالاول وتلتزم بااللي اتفقنا عليه 
عمر پغضب .. لا تعصبيني لمى 
قامت من مكانها ودفشتو من صدرو .. انت عم تستفزني .. وما عم تيجي لهون غير بالمناسبات .. والخانم كل الوقت تنزل صور الك والها .. انا بطلت اتحمل الوضع 
حاول يهدي حالو شوي .. حبيبتي كم مرة بدي قلك هدا بزنس .. المشروع اللي بدأنا فيه رح يغرقنا مصاري وانا بعمل كل هدا لمصلحتك انت وبس .. انا ما اللي غيرك بهالدنيا 
اطلعت عليه نظرة ما قدر يفسرها .. 
بس قدر بأسلوبو المعتاد انو يهديها وينسيها كل شي