رواية بداية_ النهاية بقلم Bayan klib&bayan sh الفصل الثالث والرابع حصريه وجديده

لزم الأمر وبعدين ناخذ قرار نهائي
عمر بأبتسامة خلص مشي
اخذت بيان رشفة من القهوة وقالت.. شرطي الأول انو تطلق مرتك...
ترنح عمر بمكانوا وسكت....
دقائق من الصمت خيمت عليهن...
بيان بأستفزاز شو بلاقيك سكتت
عمر بأبتسامة مصطنعة موافق
بيان ههههه حلو لكن ننتقل ل الشرط الثاني..
شرب عمر شفة مي .. تفضلي
بيان تشتريلي فيلا وتسجلها بأسمي 
ضړبة ثانية ماكان متوقعها منها...
بيان بظن هيك شرط سهل كتير عليك
عمر اي طبعا تكرمي فيلات البلد كلها ع حسابك...
بيان ههههه حبيت طيب 
عمر في شرط ثالث
بيان هو مو شرط بس اول سنتين بفضل انو مايصير عنا ولاد.. وقبل مانقرر نرتبط بدي اعرف كلشي عن حياتك الخاصة..
صفن عمر وفكر شوي منيح قبل مايرد عليها تجنبا لأي غلط لانو شك انو كلامها عن الاولاد فيه لغم.. ف الافضل الو بلا ماينفجر هلئ..
عمر متل مابدك بيصير..
بيان خلينا نطلب شي نشربوا لنروق ونبدأ بأول سؤال وأول اجابة..
عمر شو بتحبي تشربي
بيان امممم حابة هلئ اخذ عصير فريش 
عمر تكرمي.. 
بيان وأول سؤال هو.. ليش لهلئ ماعندكن ولاد
قبل الرد لازم يكون في تفكير...
عمر لأنو لمى مابتجيب ولاد... بس هالشي ما أثر ع حياتنا الزوجية و ولامرة حاولت انو اتجوز عليها منشان الاولاد... كل حياتي كنت مشغول بأعمالي الخاصة لحتى..
بيان لحتى شو
عمر لحتى شفتك تخربطت كل حياتي... عيوني سحروني بطريقة غريبة... ماشفت جمال مثل جمالك من قبل... 
بيان يعني انت بدك تتجوزني عشان جمالي 
عمر عشان كلشي فيكي
بيان شو هو الكلشي
عمر كلشي فيكي جذاب وغامض حتى غرورك جذاب... بيقولو انو ما في انسان كامل.. بس لم شفتك كذبت هالكلام انت اكتر من كاملة...
هالكلام كان كافي بأنو يكبر الغرور عندها وقدر يخلي قرارها ايجابي...
رفعت الكاس وبأبتسامة وشربت منو شوي .. معناه اتفقنا .. بس قبل اي خطوة لازم اشوف قسيمة الطلاق وعقد الفيلا وبعدها بنوقع عقد الزواج 
__________ 
بالمساء عند لؤي...
قاعد بغرفتوا وبينما هو عم يتصفح بالفيس مرق معو اقتراح ل اسم بيان الرواي...
دخل ع صفحتها وبلش يقلب فيها... حقيقة كانت كل صورة الها احلى من الثانية ولؤي كان الشخص الأول اللي ماجذبتو صورها... لان بالنسبة الو بشاعتها الداخلية كانت طاغية ع جمالها الخارجي... طلع من الصفحة ومن الفيس وبعت ل جاد مسج عشان يخبروا انو هو طالع ع الكافيه 
وصلت بيان ع البيت وراحت ع الحمام ل تسترخي بالمي الدافية...
وقف سيارتو قدام البيت بقي قاعد بالسيارة وعقلو عند بيان وشرطها المستحيل 
اخد نفس وزفره بقوة .. نزل من السيارة وتوجه للبيت 
استقبلتو لمى عالباب على غير العادة 
لمى يسعد مساك حبيبي .. شبك راجع بكير 
عمر خلصت شغل بكير قلت لارجع عالبيت واشوف حبيبتي 
تعلقت لمى برقبتو .. اشتقتلك كتير 
طبع بوسة على خدها .. مو اكتر مني 
لمى بتحب حضرلك العشا .. ولا بدك توخد حمام .. ساعدك بشي
استغرب عمر طريقتها وحس انه في شي .. انا كم مرة قلت اذا بدك شي اطلبي بدون مقدمات 
شعرت لمى بإحراج لانه هدا مو من طبعها ابدا 
قعدت عالكنبة وقعدتو جنبها .. بحبك لما بتفهمني 
عمر قولي شو بدك 
لمى رفقاتي .. 
فهم عمر شو بدها تطلب بدون ما تكمل .. لمعو عيونو .. خير 
لمى اصروا عليي لروح معن سياحة لشمال ايطاليا 
عمر بعصبية مصتنعة .. لمى نحنا حكينا بالموضوع .. وقلت ما في سفر 
لمى حبيبي كلنا بنات وكلها ٢١ يوم يعني ما رح تلحق تشتقلي 
عمر تلات اسابيع وما رح اشتقلك .. لك انا بس اتركك وروح عالشغل بشتقلك 
لمى حبيبي والله من نفسي .. طيب ما بروح مع رفقاتي .. شو رأيك نروح انا وانت 
عمر والله حابب كتير .. بس انت بتعرفي الشغل لفوق راسي 
نزلت لمى راسها وقامت من جنبه 
ابتسم عمر وحكى بقلبو والله وزبطت  
راح لعندها ولفها من خصرها .. ما بهون عليي زعلك .. لي بتعملي فيي هيك .. ايمتى السفر  
لمى بفرح .. الاسبوع الجاي 
عمر ناقصك شي  
لمى يعني وافقت  
هز براسو بدون ما يحكي ومن جواتوا مبسوطين وعم يفكر كيف رح تكون اياموا الجاية...
بعد ما سافرت لمى مع رفقاتها وخلي الجو تماما ل عمر حكا مع بيان وخبرها انو لازم يحددو موعد ليروح يطلبها ويوم العرس...
بيان بس مارح يصير شي لحتى يتم تنفيذ شروطي...
عمر بكرا ع مكتبك رح تلاقي ملف وبس تشوفيه حاكيني..
بيان ماشي يلا تصبح ع خير
عمر وانت بخير
تقريبا كلشي كان عم يمشي مثل مابدها بيان بس ياترى رح يكتمل
ثاني يوم الصبح لما راحت بيان ع الشغل ودخلت ع مكتبها لقت الملف فتحتوا وبدأت تقرأ اللي موجود فيه
اللي جوا الملف كان عبارة عن ورقة طلاق عمر ولمى ونسخة من تذكرتها اللي بتوضح انها برا البلد..
وصور ل فيلا حلوة كتيير وكبيرة ومعها ورقة لازم توقع عليها بيان ل تصير هي مالكة هاي الفيلا.
مسكت بيان الصورة بفرحة وابتسمت... مسكت القلم وخطت توقيعها ع الورقة وحملت الملف وطلعت من الشركة متوجهة لعند عمر...
التقت بعاصم عند الدرج
عاصم شو لوين
بيان عندي شغلة لازم خلصها باي
عاصم باياتو
__________ 
عند عمر..
دخلت أميرة عند عنر عالمكتب .. عمر بيك الاستاذة بيان برا
عمر بفرحة دخليها
أميرة حاضر 
دخلت بيان..
بيان هاي
استقبلها عمر صافحها وبعدين انحنى لعند ايدها وباسها..
قعدت بيان ع الكرسي المخملي وحطت رجل ع رجل..
بيان قهوة سادة لو سمحت 
عمر أميرة اطلييلنا اثنين قهوة سادة لو سمحتي
بيان اي كيف قدرت تعملها
عمر شو هي
بيان كيف طلقتها
عمر كرمالك كلشي بيهون
بيان يعني إذا تجوزنا والتقيت مع وحدة ثانية... تطلقني عشانها
عمر احممم لااا طبعا انت غير
بيان هههههههه غير
دقت أميرة الباب وقدمتلهن القهوة...
عمر شكرا
أميرة العفو يا بيك... وطلعت
عمر اي نرجع للموضوع... هو الصراحة انا كنت متردد انو اطلقها بس لما خبرتها انو بدي اتجوز هي رفضت هالشي وخيرتني بينها وبيك..
بيان وانت شو اخترت
عمر شو شفت
بيان اممم مفهوم... ع كل حال هي الورقة عشان ملكية الفيلا وقعت عليها...
عمر حلو معناتة مبروكة عليكي... ايمت تحبي نروح تشوفيها ع الواقع ولا شو رأيك نأجلها ليوم العرس
بيان اوكيه... رح حاكي مامي وعاصم ونتفق سوا ع موعد ونخبرك
عمر بالأنتظار 
بيان يلا باي
عمر طب خليكي شوي كمان 
بيان بدي روح ع النادي بشوفك بغير وقت 
عمر اوكي
بالنسبة ل لؤي لسعتو عم يحقق بالقضية وعم يعمل كل جهدو ل يلاقي شي وبضمن هالأيام الي مرقت ماالتقى هو وبيان ابدا 
وعم يقضي اياموا بين الشغل النادي البيت والكافيه مع اصدقائو... بحياتوا مافي شي اسمو اناث ماعندو أي اهتمام لهاي القصص وع الرغم انو بعض الاحيان كان يسمع بعض كلمات الغزل من بنات بس يطنش ومايهتم...
_____________
بعد ما خلصت بيان تدريب گ العادة رجعت ع البيت واجتمعوا سوا ع طاولة العشاء.. وهي كانت فرصة لحتى تخبرهن بيان عن القرارات النهائية..
بيان مامي عاصم اليوم التقيت مع عمر والشروط اللي طرحتها عليه نفذها وهي خطوة منيحة لهيك هو بأنتظار موعد منكن ليجي نتفق ع كلشي.
فاطمة بفرحة ياعمري بنت الصغيرة واخيرا رح شوفك عروس
عاصم حلوو لكن خليه يجي بكرا ما عنا شي
بيان اممم اوكيه دايمة 
فاطمة صحتين 
راحت بيان ع غرفتها بعتت مسج ل عمر عشان يجي بكرا الساعة 6 رح يكونوا