رواية شيطان في بيتي الفصل الثاني والثلاثون بقلم الكاتبه زهرة الربيع حصريه وجديده

بيه ما فيش اي دليل على كلامها ...و هروبها ضعف موقفها جدا في القضيه... وطبعا دلوقتي ما نقدرش نثبت حتى بالطب الشرعي انه كان في اثر اعتداء بعد كل المده دي
اكمل قال بسرعه... ما انا بقول لك انا شاهد في القضيه ..علي حكالي نفس كلامها
المحامي قال.... يا اكمل بيه الشاهد اللي ما يبقاش شاف بعينه بيبقى في موقف ضعف .. ايه اللي يثبت ان علي فعلا قال لك مش هيبقى اثبات قوي ده غير انو اصلا محدش يعرف مكانو
فرحه قالت ببكى ...يعني بجد هتحبس خلاص
لؤى قال بۏجع... انا السبب..... سامحيني
اكمل قال ....مش وقتكم اهدو شويه وانا هحلها 
قولي يا متر هو لو علي ظهر...وبقى فيه دليل على شهادتي ممكن تتحل صح
المحامي قال...تبقى اتحلت اصلا ...بس ايه اللي هيخليه يعترف بحاجه زي دي مستحيل يتكلم
اكمل قال بضيق...بس هو يظهر الاول والباقي سهل
العسكري اخد فرحه وهي پتبكي پخوف
ولؤي كان رايح وراها بس اكمل مسكه وقال... بلاش تعمل مشاكل في كل مكان تروحوا... مش عايزين نوتر الدنيا اكتر من كدا
لؤي قال بصوت عالي .... انا هاجي لك كل يوم يا فرحه هكون هنا ما تقلقيش...انا هنا تمام
اول ما اختفت عن انظاره قعد على الكرسي بحزن شديد وحط ايديه على دماغه بتعب
في الوقت ده وصلت اسيا وجريت عليه حضنتو وقالت ..ها يا حبيبي طمني
لؤي قال بحزن شديد... اخدوها خلاص يا اسيا...والله هيه مظلومه..معملتش حاجه
اسيا بقت تطبطب عليه وتهديه وجات عيونها في عيون اكمل 
بس اكمل بص بعيد عنها وقال بجمود.... هبقى اجي تاني يا لؤي ....معايا مشوار مهم جدا
ومشي من المكان كله
اسيا اتنهدت وقالت بهمس وغيظ...كمان عامل نفسه هو اللي زعلان بعد اللي عمله
لؤي بص لها وقال.... بتقولي حاجه
اسيا قالت بتوتر.... لا يا حبيبي مبقولش..اهدى واقعد احكيلي ايه مشكلة فرحه من اولها
عند سهيله كانت قاعده في حضڼ منتصر وبيسمعو فليم وثائقي عن عالم الحيوان
منتصر ضړب كف على كف وقال ....يا بنتي هو المسلسل ده ما بيخلصش ...احنا مالنا بتكاثر القرود بس...متخلينا في خيبتنا...قصدي في تكاثرنا يعني... ولا هيه القرود هتتكاثر احسن مننا
سهيله ضحكت وقالت....يا ابني ده فيلم مفيد.. خذ معلومات وانت ساكت
منتصر بقى يضمها ليه وقال.... ما انا عندي معلومات كفايه ...ناقص العملي بس تعبت من النظري...ده لو ربنا يهديكي نوثق احلى مسلسل حالا
سهيله ضحكه جامد وقالت....مش عارفه اعمل فيك ايه
سند جبينه على جبينها وقال ....حبيني ...حبيني وبس
سهيله باسته من خده وقالت ببساطه ...طب ما انا بحبك
منتصر اتسعت عنيه بدهشه وقال ....ايه ..قولتي ايه ..انتي قولتي انك بتحبيني صح
سهيله قالت ببرائه... اه طبعا بحبك ..هكرهك ليه يعني
منتصر اتنهد بيأس وقال ....يا حسره عليا اتاملت على الفاضي انا اكيد ما اقصدش بتكرهيني....بس مش عايزك تحبيني حب عابر كده ....يعني قصدي تحبيني زي ما انا بحبك
سهيله ضحكه بخفه وقالت .....لا هو مش حب عابر ...يعني انت حد مميز جدا ...بس الفرق ان انت اټجننت شويه بس انا لسه بعقلي
منتصرضحك من قلبه وضمھا ليه وقال.... معاكي حق في دي الصراحه انتي تجنني اي حد
سهيله قالت بضحك ..حد ولا سبت هههاهاا
منتصر قال بدهشه....حد ولا سبت...ايه يا بت خفة الډم دي
سهيله بصتلو وقالت بحماس ....طب اسمع النكته دي..بيقولك مره واحد غبي بيغير على مراتو ركبو تاكس قعدها جمب السواق عشان ايه... عشان السواق ميشوفهاش في المرايه هاهاها
قالتها بسرعه وضحكت جامد ضحكه جميله قوي
منتصر كان عايز يضحك على شكلها وهيه بتضحك